مگر گھر پہنچ کر اسلام آباد میں ہونے والے دھماکے نے یہ مسکراہٹ پھر چھین لی کون میری مسکراہٹ کا دشمن ہے؟
سانحہ لال مسجد
ہم اس وقت کا انتظار کرتے ہیں
جب روزِ حشر مردوں کو جگایا جائے گا
جب نامہ اعمال ہاتھوں میں تھمایا جائے گا
تب بہت سے ننھے ننھے خون آلود ہاتھ
خود اس ظلم و بربریت کی گواہی دیں گے
کالے برقعوں میں لپٹے وجود
لال مسجد کے بے رنگ منظر کو اپنے خون کی سیاہی دیں گے
کوئی ذی روح ظالم کو رہائی نہیں دے گا
روئے ذمین کا ذرہ ذرہ ظلم کی دہائی دے گا
پھر کیوں تم جزا و سزا کی جلدی مچا رہے ہو؟
اب چھوڑ دو حسابِ سود وزیاں
مانگو تو فقط۔۔
جینے والوں کے لیے صبر مانگو
جانے والوں کے لیے اجر مانگو
کیا تم دعا کے لیے ہاتھ اٹھا رہے ہو۔۔؟
امن ایمان
ماشاءاللہ، بہت خوب لکھا ہے۔ آنکھیں نم ہو گئیں۔
اللہ ہم سب کو ہدایت دے آمین