عاشق گلہ کرے تو کرے کیوں سماج کا

راحیل فاروق — مئی 16، 2017 3:39 شام

عاشق گلہ کرے تو کرے کیوں سماج کا
خود کام کا نہ کاج کا دشمن اناج کا
لت شاعری میں پڑ گئی ہے اقتدار کی
ورنہ ہمیں دماغ کہاں تخت و تاج کا
چارہ گراں امید کا دامن نہ چھوڑیے
بیمار کو تو چاؤ بہت ہے علاج کا
مجھ کو تو آب و ناں ہی بہت ہے جہاں پناہ
پیاسا ہوں خون کا نہ میں بھوکا خراج کا
جو جی میں آئے ہانکیے جدت کے نام پر
کچھ ذوق سے نہیں ہے تعلق رواج کا
کہنے کو آج عشق کِیا کل وصال ہے
راحیلؔ اختیار نہ کل کا نہ آج کا
راحیلؔ فاروق

محمد عدنان اکبری نقیبی — مئی 16، 2017 3:48 شام

واہ بہت اعلی۔

اے خان — مئی 16، 2017 4:10 شام

واہ بہت خوب بھائی!!

اَبُو مدین — مئی 16، 2017 4:11 شام

راحیل فاروق نے کہا:
عاشق گلہ کرے تو کرے کیوں سماج کا
خود کام کا نہ کاج کا دشمن اناج کا

ہے اس جہاں میں روشنی عاشق کے دم سے ہی
وہ کر رہا مقابلہ تنہا سماج کا..........

جاسمن — مئی 16، 2017 6:43 شام

واہ واہ!
بہت خوب!

راحیل فاروق نے کہا:
عاشق گلہ کرے تو کرے کیوں سماج کا
خود کام کا نہ کاج کا دشمن اناج کا

محمد وارث — مئی 17، 2017 4:08 صبح

خوب غزل ہے راحیل صاحب، کیا کہنے، واہ واہ!

عاطف ملک — مئی 17، 2017 8:15 صبح

کیا کہنے راحیل بھیا!
بہت خوب.....ذیل کے شعر تو بہت پسند آئے۔

راحیل فاروق نے کہا:
مجھ کو تو آب و ناں ہی بہت ہے جہاں پناہ
پیاسا ہوں خون کا نہ میں بھوکا خراج کا

راحیل فاروق نے کہا:
جو جی میں آئے ہانکیے جدت کے نام پر
کچھ ذوق سے نہیں ہے تعلق رواج کا

راحیل فاروق نے کہا:
کہنے کو آج عشق کِیا کل وصال ہے
راحیلؔ اختیار نہ کل کا نہ آج کا

ڈھیر ساری داد اور بہت سی دعائیں آپ کیلیے۔
اللہ کرے زورِ قلم اور زیادہ!

عاطف ملک — مئی 17، 2017 8:21 صبح

ہم نے بھی اس غزل کے ساتھ تھوڑی سی چھیڑ چھاڑ کی ہے۔
ملاحظہ کیجیے

محفل کے شعرا ء کے خوبصورت کلام کی پیروڈیز
راحیل بھائی سے معذرت!

ڈاکٹرعامر شہزاد — مئی 17، 2017 8:24 صبح

راحیل فاروق نے کہا:
عاشق گلہ کرے تو کرے کیوں سماج کا
خود کام کا نہ کاج کا دشمن اناج کا

راحیل فاروق نے کہا:
لت شاعری میں پڑ گئی ہے اقتدار کی
ورنہ ہمیں دماغ کہاں تخت و تاج کا

راحیل فاروق نے کہا:
جو جی میں آئے ہانکیے جدت کے نام پر
کچھ ذوق سے نہیں ہے تعلق رواج کا

راحیل فاروق نے کہا:
کہنے کو آج عشق کِیا کل وصال ہے
راحیلؔ اختیار نہ کل کا نہ آج کا

بھیا زبردست اور لاجواب ۔۔ جتنی بھی تعریف کریں کم ہے ۔
" جو جی میں آئے ہانکیے جدت کے نام پر "
بے مثال ۔

محمد تابش صدیقی — مئی 18، 2017 6:44 صبح

راحیل بھائی، بہت عمدہ۔

راحیل فاروق نے کہا:
چارہ گراں امید کا دامن نہ چھوڑیے
بیمار کو تو چاؤ بہت ہے علاج کا

راحیل فاروق نے کہا:
جو جی میں آئے ہانکیے جدت کے نام پر
کچھ ذوق سے نہیں ہے تعلق رواج کا

کیا کہنے
تاخیر سے داد پر معذرت۔ اس دن کیفیت کچھ اور تھی، صرف ریٹنگ پر اکتفا کر گیا تھا۔

سید لبید غزنوی — مئی 18، 2017 6:51 صبح

بہت ہی عمدہ ۔۔۔۔بہت اعلیٰ ۔۔۔۔بہت ہی پیارا لکھتے ہیں آپ بہت سی داد جناب کے لیے اور اربوں کھربوں دعائیں بھی اللہ سلامت رکھے آمین اور ہر دم خوشیوں سے نوازے آمین

محمداحمد — مئی 18، 2017 7:14 صبح

بہت ہی خوب راحیل بھائی !
عمدہ غزل ہے۔

سید عمران — مئی 18، 2017 7:16 صبح

راحیل فاروق نے کہا:
عاشق گلہ کرے تو کرے کیوں سماج کا
خود کام کا نہ کاج کا دشمن اناج کا
چارہ گراں امید کا دامن نہ چھوڑیے
بیمار کو تو چاؤ بہت ہے علاج کا

سارے ہی اشعار اچھے بھی ہیں اور کام کے بھی۔۔۔
لیکن ایک موٹیویشنل اسپیکر کی حیثیت سے میرے لیے یہ دو اشعار تو سمجھو شہ سرخیاں ہیں!!!

محمداحمد — مئی 18، 2017 7:20 صبح

سید عمران نے کہا:
سارے ہی اشعار اچھے بھی ہیں اور کام کے بھی۔۔۔
لیکن ایک موٹیویشنل اسپیکر کی حیثیت سے میرے لیے یہ دو اشعار تو سمجھو شہ سرخیاں ہیں!!!

انتہائی معلوماتی!
آپ موٹیویشنل اسپیکر بھی ہیں۔
ہمیں کیا موٹیویشن ملنے والی ہے آپ سے؟

سید عمران — مئی 18، 2017 7:24 صبح

محمداحمد نے کہا:
انتہائی معلوماتی!
آپ موٹیویشنل اسپیکر بھی ہیں۔
ہمیں کیا موٹیویشن ملنے والی ہے آپ سے؟

پڑھے لکھوں کو کون پڑھائے!!!

محمداحمد — مئی 18، 2017 7:28 صبح

سید عمران نے کہا:
پڑھے لکھوں کو کون پڑھائے!!!

موٹیویشن اظہارِ محبت کی طرح ہوتی ہے روز تجدید نہ ہو تو جذبے پھیکے پڑنے لگتے ہیں۔

سید عمران — مئی 18، 2017 8:16 صبح

محمداحمد نے کہا:
موٹیویشن اظہارِ محبت کی طرح ہوتی ہے روز تجدید نہ ہو تو جذبے پھیکے پڑنے لگتے ہیں۔

فی الوقت اس پر اکتفا کرلیں۔۔۔

با ادب — مئی 19، 2017 10:56 صبح

بہت خوب راحیل میاں. . . ہر شعر پہ بے ساختہ داد نکلتی ہے منہ سے. . . اتنی روانی اللہ نے آپکے قلم.میں رکھی ہے ماشاءاللہ کہ ہمیں رشک آتا ہے بعض اوقات تو حسد بھی. ہم.تو آج تک محبوب پہ تف کے دائرے سے نہیں نکلے.
اور اب تو آپ نے سولہ آنے کا مصرعہ کہا ہے.
جو جی میں آئے ہانکئیے جدت کے نام پہ
واہ واہ. . بہت اعلیٰ بہت خوب بے حد شان دار. . .

راحیل فاروق — مئی 20، 2017 9:03 صبح

سب احباب کا شکریہ۔ میں آپ کی محبتوں کا قرض‌دار ہوں اور رہوں گا۔

عاطف ملک نے کہا:
راحیل بھائی سے معذرت!

معذرت نہ کیا کرو۔ پیروڈی اچھی کر لیتے ہو۔ مگر اس پر اپنی اتنی توانائیاں ضائع نہ کرو تو بہتر ہے۔

محمد تابش صدیقی نے کہا:
تاخیر سے داد پر معذرت۔ اس دن کیفیت کچھ اور تھی، صرف ریٹنگ پر اکتفا کر گیا تھا۔

حسابِ دوستاں در دل، تابشؔ بھائی۔ جب تک اخلاص قائم ہے الفاظ کے بغیر بھی گزارا ہو سکتا ہے۔

عاطف ملک — مئی 20، 2017 9:15 صبح

راحیل فاروق نے کہا:
معذرت نہ کیا کرو۔ پیروڈی اچھی کر لیتے ہو۔ مگر اس پر اپنی اتنی توانائیاں ضائع نہ کرو تو بہتر ہے۔

مرشدی،آپ کی محبت بجا۔
لیکن پیروڈی تو میں بہت کم وقت میں اور بہت کم توانائی صرف کر کے لکھ لیتا ہوں۔
البتہ سنجیدہ پر محنت کرتا ہوں،توانائی صرف کرتا ہوں اور حسبِ استظاعت کرتا ہوں۔
لیکن اس میں اکثر کمی رہ جاتی ہے

اسی غم میں گھل کر وزن کم کر لیا ہے

انشااللہ اس پر محنت جاری رہے گی۔
آپ کی دعائیں اور رہنمائی درکار ہے۔