غزل ::کبھی کبھی وہ حال ہمارا یاد تمھاری کرتی ہے ::

.

فہد اشرف نے کہا:

.

مزید نمائش کے لیے کلک کریں۔۔۔

منے میاں! اچھا کیا حذف کر دیا۔

یاسر شاہ نے کہا:

آپ کا بھی مجھ پر کوئی حساب ہو تو من ہلکا کر لیجیے

مزید نمائش کے لیے کلک کریں۔۔۔

میرے من میں ایسا کچھ نہیں، مجھے یہ غزل تو اچھی لگی۔ ارشد رشید صاحب کا کہنا تھا کہ چیری کا فارسی میں مطلب لونڈی بھی ہے۔ لیکن ایسا کون شریف آدمی ہے جو "چیری کے پیڑ" پڑھ کر بھی اس چیری کا مطلب لونڈی لے گا۔
لیکن ایک دو باتیں واضح کر دیں ۔

یاسر شاہ نے کہا:

بچھڑ گئے جب اک دوجے سے ہم میں قرینہ آ ہی گیا
وقت پہ جاتا ہوں میں دفتر تو گھر داری کرتی ہے

مزید نمائش کے لیے کلک کریں۔۔۔

کیا یہاں "تو" کی بجائے "وہ" نہیں آنا چاہیے۔

یاسر شاہ نے کہا:

آخرِ شب میں اک سایہ سا ہم سے آکر کہتا ہے
یاد میں تیری اک دیوانی آہ و زاری کرتی ہے

مزید نمائش کے لیے کلک کریں۔۔۔

دوسرا مصرع "تیری یاد میں اک دیوانی آہ و زاری کرتی ہے" یوں نثر سے زیادہ قریب ہے لیکن اس طرح نہ کہنے کی کیا وجہ ہے؟

یاسر شاہ نے کہا:

محترمی و مکرمی سرور عالم راز صاحب
السلام علیکم -
آپ کے تبصرے پہ ابھی نظر پڑی ، پہلے تو میں سمجھ رہا تھا میری ہی پوسٹ کا آپ نے اقتباس لیا ہے -لیکن ایسا خفیہ تبصرہ ہے کہ اقتباس بھی نہیں لیا جا سکتا -
جزاک الله خیرا کہ آپ نے وقت دیا اور ایک شعر پہ صفائی کے نمبر دیے، یہ بھی غنیمت ہے -آپ کی باتیں میں نے نوٹ کر لی ہیں -
آپ غزل کی تقطیع پہ مفصّل بات کیجیے ،مجھے غزل چھپوانے کا خاص شوق نہیں کم از کم یوں کچھ سیکھنے کو ہی مل جائے گا آپ سے -

مزید نمائش کے لیے کلک کریں۔۔۔

عزیزی یاسر صاحب: مجھ کو احساس ہے کہ میرا تبصرہ نا مکمل اور :غیر تبصری: قسم کا تھا اور آپ کی اس ضمن میں الجھن غلط نہیں ہے۔ معذرت قبول کیجئے۔ رہ گئی تقطیع تو اس بحر کی تقطیع خاصی الجھی ہوئی ہے اور عام شاعر ایسی نزاکتوں سے بھاگتا ہے۔ پہلے میں کر لوں اور اپنی حد تک اطمینان بھی کر لوں کہ کم وبیش صحیح ہے پھر حاضر ہوتا ہوں۔ صبر تو ویسے بھی اچھی چیز ہے۔ انشا اللہ۔ویسے آپ کی اس غزل پراپنی عمومی رائے پر میں برابر قائم ہوں۔ برا نہ مانیں۔ یہ اصولی بات ہے اور کچھ نہیں۔ جزاک اللہ خیرا۔ایک بات یاد آئی : اگر آپ مناسب جانیں تو اپنا ای میل مجھ کو ٹیکسٹ کر دیں؛ 8179179551 یہ تو آپ جانتے ہیں کہ امریکہ۱+ ہے۔

سرور عالم راز نے کہا:

عزیزی یاسر صاحب: مجھ کو احساس ہے کہ میرا تبصرہ نا مکمل اور :غیر تبصری: قسم کا تھا اور آپ کی اس ضمن میں الجھن غلط نہیں ہے۔ معذرت قبول کیجئے۔

مزید نمائش کے لیے کلک کریں۔۔۔

ارے استاد محترم سرور صاحب آپ شرمندہ کر رہے ہیں مجھے ،آپ کو معذرت کی اصلا کوئی ضرورت نہیں -
دراصل آپ کی رائے کا مجھے کافی حد تک پہلے ہی اندازہ تھا کہ میں آپ کی فکر سخن اور طرز اصلاح و تنقید سے بخوبی واقف ہوں تبھی اوپر عراقی کا شعر بھی لکھا -
آپ کو شاید یاد بھی نہ ہو کہ ابتدا میں دو چار غزلیں میں نے آپ کی خدمت میں اصلاح کے لیے بھی پیش کی تھیں مگر جلد اندازہ ہو گیا کہ آپ کے خیالات بہت بلند ہیں اور آپ کے ہاں تہذیب و تمدن کی پاسداری بہت زیادہ ہے اور مجھے آپ کی طرح ہمیشہ عالی خیالات کی بجائے کبھی کبھی کچھ موالی طرز پہ بھی لکھنا تھا لہٰذا پھر اپنی اصلاح آپ کے تحت سفر شروع کیا اور کچھ کام چلاؤ استعداد پیدا کی جس میں آپ سے بے لاگ لکھنے کی تحریک ملی اور بہت کام آئی -

سرور عالم راز نے کہا:

رہ گئی تقطیع تو اس بحر کی تقطیع خاصی الجھی ہوئی ہے اور عام شاعر ایسی نزاکتوں سے بھاگتا ہے۔ پہلے میں کر لوں اور اپنی حد تک اطمینان بھی کر لوں کہ کم وبیش صحیح ہے پھر حاضر ہوتا ہوں۔ صبر تو ویسے بھی اچھی چیز ہے۔ انشا اللہ۔

مزید نمائش کے لیے کلک کریں۔۔۔

جی صبر کا دامن تھام رکھا ہے -

سرور عالم راز نے کہا:

ویسے آپ کی اس غزل پراپنی عمومی رائے پر میں برابر قائم ہوں۔ برا نہ مانیں۔ یہ اصولی بات ہے اور کچھ نہیں۔ جزاک اللہ خیرا۔

مزید نمائش کے لیے کلک کریں۔۔۔

جی آپ آئندہ بھی اسی طرح بے لاگ لکھتے رہیے کہ بقول جگر :
کوئی ترچھی نظر سے دیکھ لے یہ کس میں ہمّت ہے
مگر اُس جانِ محبوبی کو مستثنیٰ سمجھتے ہیں

سرور عالم راز نے کہا:

ایک بات یاد آئی : اگر آپ مناسب جانیں تو اپنا ای میل مجھ کو ٹیکسٹ کر دیں

مزید نمائش کے لیے کلک کریں۔۔۔

میں نے آپ کو ای میل ارسال کر دیا ہے -

محترم یاسرشاہ صاحب کی دو حالیہ غزلوں کے چنداشعارکا ایک تقابلی مطالعہ:
کبھی کبھی وہ حال ہمارا یاد تمھاری کرتی ہے
رنگ جو چیری کے پیڑوں کا بادِ بہاری کرتی ہے
پہلے مصرعے میں توجہ شعر کی طرف مبذول ہوئی مگر دوسرے مصرعے میں ایک اجنبی اور غیر ملکی چیزسامنے آگئی ۔گو اُس کا تعارف،معلومات اور وضاحتیں بطور حواشی دیدی گئیں مگر بات بنی نہیں اور یوں یہ شعر شاعر تک محدود رہ گیا اور زیادہ سے زیادہ سفرنامے پڑھنے والے یا سیروسیاحت کے شوقینوں نے اِس کا حظ اُٹھایا۔اِسے ہر ایک کے لیے قابلِ قبول بنانے کے لیے کیاکیا جائے ؟قربانی دی جائے اور ایثار سے کام لیا جائے یعنی اپنا ذاتی تجربہ اور ذاتی پسند تھوپنے کی بجائے عام مشاہدے اور قریب کی بات سے بات سمجھانے کی کوشش کی جائے ،ہو سکے تو میرسے استفادہ کیا جائے :
قامت خمیدہ ، رنگ شکستہ ، بدن نزار
تیرا تو میر غم میں عجب حال ہوگیا
کبھی کبھی وہ حال ہمارا یاد تمھاری کرتی ہے
جی کو گھائل ، جان کو روگی ، جینابھاری کرتی ہے(جیسی چیز سے شاید بات سمجھ میں آجاتی )کبھی کبھی یہ حال ہمارا یاد تمھاری کرتی ہے
دل دیکھ رہے ہیں کبھی جاں دیکھ رہے ہیں
اٹھتا ہے کہاں سے یہ دھواں دیکھ رہے ہیں
عشق اور اُس کی کیفیات دیکھی بھالی ، سمجھی سمجھائی اور برتی برتائی چیزیں ہیں ۔جب پیار کہیں ہوجاتا ہے ، تب ایسی حالت ہوتی ہے ، محفل سے جی گھبراتا ہے ، تنہائی کی عادت ہوتی ہے اور غالب نے کیا خوب کہا تھا ’’دلِ ناداں تجھے ہوا کیا ہے ،آخراِس درد کی دوا کی ہے ‘‘ گویا عشق میں مبتلاکا حال مبتلا خود نہیں جانتا کیا سے کیا ہوگیا ہے اور اِس کا مداوا کیا ہے۔
خزاں کی رت میں ہو جاتا ہے حَسیں چناروں کا جو رنگ
تیری جدائی یوں بھی ہماری خاطر داری کرتی ہے
یہاں بھی ایک اجنبی چیز کا سہارا لے کربات باور کرانے کی سعی ہے۔ کشمیر کا حسن دنیا میں مشہور ہے مگر وہاں کے چناروں کے پتوں کی یہ بات تو شاید سب جانتے ہوں کہ بیچ سے کٹ کر تین حصوں میں منقسم ہوتے ہیں اور جب ہوا انھیں متحرک کرتی ہے تو کبھی کبھی پتے کا ہر حصہ اپنے انداز،اپنی ادا اور اپنے حساب سے ہلتا معلوم ہوتا ہے مگر وہ سُرخی مائل زردی جس کی طرف آپ نےاشارہ کیا کہ خزاں کے ہاتھوں آخرِ دم اِس کے حصے میں آتی ہے اُس سے ہرکوئی واقف نہیں ،چنانچہ یہاں بھی شعر کی ترسیل اور تفہیم محدود ہوکر رہ گئی ۔
اک روزنِ زنداں سے جہاں دیکھ رہے ہیں
خود ہم ہیں کہاں اور کہاں دیکھ رہے ہیں
کل آپ نے اِس بات کو سمجھانے کے لیے پی ٹی وی کی مثال خوب دی تھی ۔اور ویسے اِس شعر کو سمجھنے کے لیے کسی ذہنی مشقت کی ضرورت بھی نہیں ۔ بات دل سے نکلی اور دل میں اُتر گئی۔
آتا ہے جب رنگ گلوں پر تیرا خیال آجاتا ہے
مدھر سروں میں تیری باتیں بادِ بَہاری کرتی ہے
جب میں نے شعر کا پہلا مصرع پڑھا تو مجھے بے اِختیار غالب کا سفرِ کلکتہ یاد آگیااور میں سمجھا اگلے مصرعے میں کوئی ایسی ہی ، دل ہلادینے والی نہیں تو چونکا دینے والی بات ہوگی مگر بات مدھر سُروں میں بادِبہاری کی طرف نکل گئی۔سچ پوچھیں تو محبوب سے دور ہوں ، ملنے کی کوئی سبیل نہ ہو، دنیا کے خطرناک تیور،رسم رواج کی ہولناک باتیں ہوں اور اسی اثنا میں فصل ِ بہار آجائے تو جتنی رنگیناں اور خوبصورتیاں اور دلکشیاں اور دلربائیاں یہ موسم لے کر آئے اُتنا ہی دل محبوب سے جدائی کے غم میں ڈوب ڈوب جاتا ہے حد تو یہ ہے ایسے میں زندگی سے اُنس اور لگاؤ تک جاتا رہتا ہے ۔ زندگی سے محبت ، اُنس اور لگاؤ محبوب کے وصل اگر نہیں تو قرب سے مشروط ہوکر رہ جاتاہے :
گزشتہ مراسلے پر آپ کی محبت کے لیے دل سے ممنون ہوں ۔
اِس خیال سے کہ کہیں لائٹ نہ چلی جائے اور ٹیکسٹ تحلیل ہوجائے یہ تبصرہ یہیں تمام کرتا ہوں ۔

شکیل صاحب ممنون کرم ہوں کہ آپ نے وقت نکالا مگر اب کے آپ کے تبصرے سے پھر وہی فرج اور الماری والا قصّہ یاد آگیا -
یہاں آپ نے شعر کا شعر سے تقابلی جائزہ کیا ہے جو کہ بہت دور کی کوڑی ہے اور حاصل وصول کچھ نہیں، دراصل میں چاہ رہا تھا کہ آپ دونوں غزلوں کا بحیثیت مجموعی تقابلی جائزہ کرکے یہ بتائیں کہ وہ کونسے سرخاب کے پر تھے جو آپ کو دوسری غزل میں نظر آئے اور اس غزل میں نہ آئے، اس سے میں ایک بہت اہم نتیجہ اخذ کرنا چاہ رہا ہوں لیکن چلیں اب آپ کے علیحدہ علیحدہ کیے گئے تبصروں سے کام چلاتے ہیں -
دیکھیے دوسری غزل پہ جو واہ واہ کی گئی ہے ، سچی بات تو یہ ہے کہ اس واہ واہ کے مستحق یا تو میر ہیں یا داغ وغیرہ وغیرہ ، جیسا کہ آپ نے بھی داغ کا رنگ بھانپنے میں اپنی سخن فہمی کا ثبوت دیا باقی مطلع میر کے شعر سے ماخوذ ہے، یہ تو خیر سامنے کی بات ہے کہ بقول آپ کے بھی وہ شعر ان کے بہتّر نشتروں میں سے ایک ہے اور ہر صاحب ذوق نے سن ہی رکھا ہے -چنانچہ اقتباسات دیکھیے :

شکیل احمد خان23 نے کہا:

آپ کے مطلع میں میرکے اِس مطلع کا اثر تھا جس نے داد دینے پر مجبور کیا۔

مزید نمائش کے لیے کلک کریں۔۔۔

شکیل احمد خان23 نے کہا:

یہاں مجھے داغ اور شاعری میں وہ ان کا گفتگوکا سا طرزِ بیان یا د آگیا

مزید نمائش کے لیے کلک کریں۔۔۔

حالی نے کہا تھا :
کی مسلماں نے ترقی جو فرنگی ہو کر
یہ فرنگی کی ترقی ہے مسلماں کی نہیں
تو بھائی اگر بڑے شاعروں کی ترقی ، دبستان میرو داغ کے فروغ اور گروہ بندی پیدا کرنے ہی کے لیے شاعری کرنی ہے تو ایسی شاعری کرنے ہی کی کیا ضرورت ہے -محض مطالعے اور ان لوگوں کی شاعری کی تفہیم میں وقت صرف کرنا چاہیے کروڑوں غزلیں کہی جا چکی ہیں جن میں ان مشاہیر کے سخن کی بہترین نقالی ہے جن میں سے خال خال کو ہی مقبولیت مل سکی -
بقول جالب :
اپنے انداز میں بات اپنی کہو
میر کا شعر تو میر کا شعر ہے.
بہت سی کیفیات انسان کی خالص ذاتی ہوتی ہیں سانجھے کی نہیں اور شاعر بھی ایک انسان ہی ہے چنانچہ اس غزل میں میں نے اپنے انداز میں اپنی بات کی ہے جب کہ دوسری غزل میں بنیادی رنگ دیگر شعرا کا ہے جو کہ کہیں شعوری اور کہیں غیر شعوری طور پر اپنایا گیا ہے ،گو اس میں تصرف کر کے کچھ اپنا رنگ اور اسلوب پیدا کرنے کی کوشش بھی کی ہے مگر سچی بات تو یہ ہے کہ :حقیقی شاعرانہ خوشی : اپنے انداز میں اپنی بات کرنے ہی سے ملتی ہے جسے اوریجنلٹی بھی کہتے ہیں جیسے ماں کو سب بچے عزیز ہوتے ہیں مگر جو بچہ خود اس کی صورت و سیرت اختیار کرتا ہے اس کو دیکھ کر زیادہ خوش ہوتی ہے -
چنانچہ اس غزل پہ اس طرح کی باتیں میرے لیے داد کی حیثیت رکھتی ہیں اور ثبوت ہیں کہ میں اپنا انفرادی رنگ جھلکانے میں کامیاب ہوا ہوں :

سرور عالم راز نے کہا:

آوارہ گردی کرتا ہوا اِدھر آنکلا تو آپ کی منفرد رنگ کی غزل دیکھی۔ سوچا کہ اس پر کچھ لکھوں لیکن مطلع میں ہی اپنی کم مائیگی پر ہاتھ ملتا رہ گیا۔ شاید یہی وجہ ہے کہ کسی اور نے بھی اس پر اب تک خیال آرائی نہیں کی ہے۔ میری مشکل یہ ہے کہ مجھ کو معلوم نہیں کہ چیری کا پودا ہوتا ہے یا درخت اور باد بہاری اس کے ساتھ کیا چھیڑ کرتی ہے؟ دوسرے چنار کے درخت کا رنگ اول اول کیا ہوتا ہے اور پھر خزاں اس کا کیسا حلیہ کرتی ہے؟ اور یہ :نقد نگاری: کس چڑہا کا نام ہے؟

مزید نمائش کے لیے کلک کریں۔۔۔

شکیل احمد خان23 نے کہا:

پہلے مصرعے میں توجہ شعر کی طرف مبذول ہوئی مگر دوسرے مصرعے میں ایک اجنبی اور غیر ملکی چیزسامنے آگئی ۔گو اُس کا تعارف،معلومات اور وضاحتیں بطور حواشی دیدی گئیں مگر بات بنی نہیں اور یوں یہ شعر شاعر تک محدود رہ گیا اور زیادہ سے زیادہ سفرنامے پڑھنے والے یا سیروسیاحت کے شوقینوں نے اِس کا حظ اُٹھایا۔اِسے ہر ایک کے لیے قابلِ قبول بنانے کے لیے کیاکیا جائے ؟

مزید نمائش کے لیے کلک کریں۔۔۔

شکیل احمد خان23 نے کہا:

یہاں بھی ایک اجنبی چیز کا سہارا لے کربات باور کرانے کی سعی ہے

مزید نمائش کے لیے کلک کریں۔۔۔

شکیل احمد خان23 نے کہا:

وہ سُرخی مائل زردی جس کی طرف آپ نےاشارہ کیا کہ خزاں کے ہاتھوں آخرِ دم اِس کے حصے میں آتی ہے اُس سے ہرکوئی واقف نہیں ،چنانچہ یہاں بھی شعر کی ترسیل اور تفہیم محدود ہوکر رہ گئی ۔

مزید نمائش کے لیے کلک کریں۔۔۔

شکیل احمد خان23 نے کہا:

آتا ہے جب رنگ گلوں پر تیرا خیال آجاتا ہے
مدھر سروں میں تیری باتیں بادِ بَہاری کرتی ہے
جب میں نے شعر کا پہلا مصرع پڑھا تو مجھے بے اِختیار غالب کا سفرِ کلکتہ یاد آگیااور میں سمجھا اگلے مصرعے میں کوئی ایسی ہی ، دل ہلادینے والی نہیں تو چونکا دینے والی بات ہوگی مگر بات مدھر سُروں میں بادِبہاری کی طرف نکل گئی۔سچ پوچھیں تو محبوب سے دور ہوں ، ملنے کی کوئی سبیل نہ ہو، دنیا کے خطرناک تیور،رسم رواج کی ہولناک باتیں ہوں اور اسی اثنا میں فصل ِ بہار آجائے تو جتنی رنگیناں اور خوبصورتیاں اور دلکشیاں اور دلربائیاں یہ موسم لے کر آئے اُتنا ہی دل محبوب سے جدائی کے غم میں ڈوب ڈوب جاتا ہے حد تو یہ ہے ایسے میں زندگی سے اُنس اور لگاؤ تک جاتا رہتا ہے ۔

مزید نمائش کے لیے کلک کریں۔۔۔

گو یہ سب باتیں بظاہر اظہار نقص کے لیے کی گئی ہیں لیکن صاحب بات یہ ہے کہ بقول غالب :
اپنی ہی ذات سے ہو جو کچھ ہو
آگہی گر نہیں غفلت ہی سہی

شکیل احمد خان23 نے کہا:

جی کو گھائل ، جان کو روگی ، جینابھاری کرتی ہے(جیسی چیز سے شاید بات سمجھ میں آجاتی )کبھی کبھی یہ حال ہمارا یاد تمھاری کرتی ہے

مزید نمائش کے لیے کلک کریں۔۔۔

بھائی میں نے خود کشی نہیں کرنی ،یہ تو سب خود کشی کے آثار ہیں -

شکیل احمد خان23 نے کہا:

گزشتہ مراسلے پر آپ کی محبت کے لیے دل سے ممنون ہوں ۔

مزید نمائش کے لیے کلک کریں۔۔۔

آخر میں ایک بار پھر آپ کا ممنون ہوں -الله تعالیٰ ہماری محبّت قائم و دائم رکھے اور اسے رقیبوں کی نظر سے بچائے -آمین

محمد عبدالرؤوف نے کہا:

میرے من میں ایسا کچھ نہیں، مجھے یہ غزل تو اچھی لگی۔ ارشد رشید صاحب کا کہنا تھا کہ چیری کا فارسی میں مطلب لونڈی بھی ہے۔ لیکن ایسا کون شریف آدمی ہے جو "چیری کے پیڑ" پڑھ کر بھی اس چیری کا مطلب لونڈی لے گا۔
لیکن ایک دو باتیں واضح کر دیں ۔
کیا یہاں "تو" کی بجائے "وہ" نہیں آنا چاہیے۔
دوسرا مصرع "تیری یاد میں اک دیوانی آہ و زاری کرتی ہے" یوں نثر سے زیادہ قریب ہے لیکن اس طرح نہ کہنے کی کیا وجہ ہے؟

مزید نمائش کے لیے کلک کریں۔۔۔

شکریہ روفی بھائی ۔
؛تو : سے دراصل ان کو مخاطب کر کے گلہ کیا گیا ہے کہ اگر ساتھ قرینے سے رہتے تو کیا جاتا۔
:یاد میں تیری اک دیوانی: یا: تیری یاد میں اک دیوانی: صحیح یا غلط کا مسئلہ نہیں بلکہ ذوق کی ترجیح کا تعین ہے۔اور میرے ذوق کو:یاد میں تیری : بھاتا ہے وجہ شاید اس کی آہنگ ہے کہ مصرع اولیٰ میں بھی ٹھیک اسی جگہ جھٹکا آتا ہے:آخر شب: کے مقام پر۔

محترم یاسرشاہ صاحب !
السلام علیکم ورحمتہ اللہ وبرتہ ٗ:
مکمل مراسلہ ذیل میں درج ہے ۔

محترم یاسرشاہ صاحب !
السلام علیکم ورحمتہ اللہ وبرتہ ٗ:
محترم غزل پر تبصرہ کرنے سے پہلے میں داد دوں گا اِس بات کی کہ آپ غزل کی بُنت میں ہرگزہرگز اپنے رنگ سے ہٹنے پر آمادہ نہیں ،واللہ العظیم اِس بات نے مجھے بے حد متاثر کیا اور مجبور کیا کہ میں ایک بارپھر اِس نقطۂ نظر سے غزل کا مطالعہ کروں کہ مجھے شاعر کے ساتھ کوئی اور بھی نظر آتا ہے کہ نہیں ، جس کا رنگ شاعر نے اِختیار کیا ہو یا کہیں بے اختیاری میں مضمون کے بجائے انداز کا توارد اس غزل میں در آیا ہو تواُس کا کھوج مل جائے اور وہ کیا خوبی ہے جس پر آپ فرمارہے ہیں کہ یہ غزل بذاتِ خود آپ کو بہت پسند ہے تو میں نے اِس غزل کا انہی باتوں کو پیشِ نظر رکھ کر کئی بار مطالعہ کیا اور اس کاحاصل خدمت میں نذر کررہا ہوں:
کبھی کبھی وہ حال ہمارا یاد تمھاری کرتی ہے
رنگ جو چیری کے پیڑوں کا بادِ بہاری کرتی ہے
پہلے میں سمجھاتھا کہ ہجروفراقِ محبوب میں اُس کی یاد سے اپنی خستہ حالی ظاہر کرنا شاعر کا مقصود ہے مگر اب میں نے بغور پڑھا اور پھر غور کیا اور اُس لنک پر گیا جہاں چیری بلاسم پر مفصل مضمون موجود ہے تو مجھ پر منکشف ہوا کہ ایسا بالکل نہیں ہے اور جناب نے بھی اِس کی تشبیہ کو خستہ حالی بیان کرنے کے لیے استعمال نہیں کیا بلکہ محبوب کی یاد سے دلی اور روحانی فرحت و انبساط بیان کرنا آپ کا مقصودِ اصلی تھا۔ شاہ صاحب اگر میں صحیح سمجھا تو واقعی آپ روایتی شاعری سے ہٹ کر خالص اپنے انداز میں تصویر کا ایک اور رخ دکھانے میں بالکلیتااً کامیاب رہے ، واہ!
شعرنمبر2:
خزاں کی رت میں ہو جاتا ہے حَسیں چناروں کا جو رنگ
تیری جدائی یوں بھی ہماری خاطر داری کرتی ہے
یہاں بھی آپ نے زردی اور پژمردگی کی روایت (جو خزاں کے ہاتھوں ہر پتے کا مقدر ہے)کو ایک طرف رکھ کرسُرخی کو لیاہے جو زندگی، زندہ دلی ، تری اور تازگی کی علامت ہے ۔ اب ڈکشن کی طرف آئیں تو خزاں کی رُت ، چنار، رنگ، جدائی اور پھر خاطر داری ۔اِن الفاظ پر مبنی بیان کو ایک زندہ تشبیہ نے پڑھنے پڑھانے اور سننے سنانے کی بجائے دیکھنے دکھانے کی چیز بنادیا۔ یہاں آپ نے الفاظ کے ساتھ تشبیہ کو بھی ایک مرصع ساز کے طرح استعمال کیا ، واہ۔
شعرنمبر3:
آتا ہے جب رنگ گلوں پر تیرا خیال آجاتا ہے
مدھر سروں میں تیری باتیں بادِ بَہاری کرتی ہے
ظاہر ہے رونا رلانا اِس غزل میں اب تک کے کسی شعر کا مدعا اور مقصود نہیں رہا تو اِس شعر میں محبوب کا خیال آجانے سے کوئی کیسے اک تیرمیرے سینے میں مارا کہ ہائے ہائے کی توقع کرے اور یوں اِسے روایت کے بحرِ زخار میں دھکیل کر تبصرے کا حق چکتا کرے ،اِس شعر میں بڑے ہی خوبصورت اور بڑی ہی تکنیک سے اپنے محبوب کو سراپا بہار قرار دینا اِسے قابلِ تعریف شعر بنارہا ہے ، واہ۔
شعرنمبر4:
بچھڑ گئے جب اک دوجے سے ہم میں قرینہ آ ہی گیا
وقت پہ جاتا ہوں میں دفتر تو گھر داری کرتی ہے
سادہ سی بات ہے جو نوبیاہتا جوڑوں میں اکثر دیکھنے میں آتی ہے کہ نئی زندگی کے شروع کے دن الل ٹپ ہی گزارے جاتے ہیں ۔قاعدہ ،ضابطہ ،کلیہ، اصول کا دھیان دھیرے دھیرے آتاہےاور آگے چل کر بہرحال آہی جاتا ہے ،اسے وقت سے پہلے لانے میں چند دن کی دوری خاصا کام دکھاتی ہے ، اِس شعر میں یہی چھوٹی سی بات ہلکے پھلکے انداز میں یا یوں کہیں اپنے انداز میں بیان کی ہے۔
شعرنمبر5:
آخرِ شب میں اک سایہ سا ہم سے آکر کہتا ہے
یاد میں تیری اک دیوانی آہ و زاری کرتی ہے
روایت تو کہتی ہے کہ محبوب کی باتیں سات پردوں میں چھپاکر کیجیے اور اپنے جذبات کے بیان میں زیادہ سے زیادہ بلکہ حدسے زیادہ شاعرانہ وسائل کا سہار لیں تاکہ آڑ رہے تب ہم اِسے غزل مانیں گے مگر اس غزل کی فضاء غم کا قصہ سنانے کی بجائے ہلکے پھلکے واقعات شیئر کرنے کی بنتی جارہی ہے اس لیے تھوڑی دیر کے لیے غزل کے روایتی تقاضوں کو ایک طرف رکھ کر ایک پاک طینت،کشادہ دل اور باعلم انسان کی باتیں دھیان سے سنیں ، یہی اِس شعر کا حسن ہےاور داد دجس کا حق ہے، واہ!
شعرنمبر 6:
حسن ہے کیا اور کون حَسیں ہے ہم سے آکر پوچھیں تو
طبع ہماری بہرِ نگاراں نقد نگاری کرتی ہے
اِس شعر کی تعریف اہلِ علم اور اصحابِ دانش ،نکتہ سنج اور نکتہ رس حضرات پہلے ہی فرماچکے ہیں ، میں اُن کی تائید کے سوا کچھ عرض نہیں کرسکتا۔
مقطع:
شؔاہ سنو! راحت سی راحت ہے چپ شاہ کے روزے میں
گرہ زباں کی کھلے تو پھر یہ دل آزاری کرتی ہے
یہ آپ کی اِس غزل کا پہلا اور آخری اور اکیلا شعر ہے جس پر اُردُو شاعری میں فلسفہ ، منطق اور حکیمانہ اقوال کی روایت کا گہرا اثر ہے،قلی قطب شاہ کے اکثر مقطعوں کی خُو بوُ اس شعر میں پائی جاتی ہے یعنی وہ پندو نصائح جو ٹھیٹھ عاشقانہ غزلوں تک میں اُس کے ہاں ملتے ہیں:

یاسر شاہ نے کہا:

السلام علیکم
تمام اہالیان محفل کی خدمات میں ایک غزل پیش خدمت ہے -آپ سب کی بے لاگ رائے کا انتظار رہے گا -
یاسر

غزل
کبھی کبھی وہ حال ہمارا یاد تمھاری کرتی ہے
رنگ جو چیری کے پیڑوں کا بادِ بہاری کرتی ہے
خزاں کی رت میں ہو جاتا ہے حَسیں چناروں کا جو رنگ
تیری جدائی یوں بھی ہماری خاطر داری کرتی ہے
آتا ہے جب رنگ گلوں پر تیرا خیال آجاتا ہے
مدھر سروں میں تیری باتیں بادِ بَہاری کرتی ہے
بچھڑ گئے جب اک دوجے سے ہم میں قرینہ آ ہی گیا
وقت پہ جاتا ہوں میں دفتر تو گھر داری کرتی ہے
آخرِ شب میں اک سایہ سا ہم سے آکر کہتا ہے
یاد میں تیری اک دیوانی آہ و زاری کرتی ہے
حسن ہے کیا اور کون حَسیں ہے ہم سے آکر پوچھیں تو
طبع ہماری بہرِ نگاراں نقد نگاری کرتی ہے​

مزید نمائش کے لیے کلک کریں۔۔۔

یاسر بھائی ، اِس غزل كے اشعار میں مجھے ایک انفرادیت اور تازگی کا احساس ہوا . شاید اِس کی وجہ اِس میں مستعمل ساز و سامان ( چیری ، چنار ، دفتر ) ہے . البتہ ’نقد نگاری‘ کچھ عجیب لگا . ’نقد‘ کا استعمال بمعنی ’تنقید‘ میری نگاہ سے پہلے نہیں گزرا . آپ ’نکتہ نگاری‘ جیسا کچھ کہتے تو بہتر ہوتا .
اِس غزل میں آپ نے متقارب اور متدارک بحور كے ارکان ملا جلا کر استعمال کیے ہیں . جہاں تک مجھے علم ہے ، کلاسیکی شاعری میں ایسا نہیں ہوتا تھا ، لیکن بعد كے شعراء ، خاص طور وہ شعراء جو ہندی شاعری سے متاثر ہیں ، كے یہاں ایسا استعمال ہونے لگا ، مثلاً :
جنم جنم كے ساتوں دکھ ہیں اس كے ماتھے پر تحریر
اپنا آپ مٹانا ہو گا یہ تحریر مٹانے میں ( اِبْن انشا ء)
بہر حال ، غزل پسند آئی . داد حاضر ہے .

شکیل احمد خان23 نے کہا:

حترم یاسرشاہ صاحب !
السلام علیکم ورحمتہ اللہ وبرتہ ٗ:

مزید نمائش کے لیے کلک کریں۔۔۔

وعلیکم السلام -
محبی شکیل بھائی آپ کا محبّت نامہ مجھے لاجواب کر گیا، تبھی جوابی خط میں تاخیر ہو گئی ، معذرت خواہ ہوں -کون کس کے لیے اتنی مصروفیات میں وقت نکالتا ہے ،اور پھر کون اپنی رائے کسی کی خاطر سے بدلتا ہے-بڑی نوازش ہے ،عنایت ہے آپ کی -

شکیل احمد خان23 نے کہا:

محترم غزل پر تبصرہ کرنے سے پہلے میں داد دوں گا اِس بات کی کہ آپ غزل کی بُنت میں ہرگزہرگز اپنے رنگ سے ہٹنے پر آمادہ نہیں ،واللہ العظیم اِس بات نے مجھے بے حد متاثر کیا اور مجبور کیا کہ میں ایک بارپھر اِس نقطۂ نظر سے غزل کا مطالعہ کروں کہ مجھے شاعر کے ساتھ کوئی اور بھی نظر آتا ہے کہ نہیں ، جس کا رنگ شاعر نے اِختیار کیا ہو یا کہیں بے اختیاری میں مضمون کے بجائے انداز کا توارد اس غزل میں در آیا ہو تواُس کا کھوج مل جائے اور وہ کیا خوبی ہے جس پر آپ فرمارہے ہیں کہ یہ غزل بذاتِ خود آپ کو بہت پسند ہے تو میں نے اِس غزل کا انہی باتوں کو پیشِ نظر رکھ کر کئی بار مطالعہ کیا اور اس کاحاصل خدمت میں نذر کررہا ہوں:

مزید نمائش کے لیے کلک کریں۔۔۔

رنگ سے نہ ہٹنے کی ایک وجہ یہ ہے کہ شاعری میں جہاں کرافٹ ہوتا ہے، وہیں ایک آرٹ بھی ہوتا ہے -کرافٹ تو ہے اوزان ،تلفّظ ،زبان و بیان وغیرہ اور اس میں کئی جگہ پر دو اور دو چار کی منطق کارفرما ہوتی ہے اور اس منطق کو مان لینے میں ہی عافیت ہے نہ ماننا اور کہنا کہ نہیں دو اور دو پانچ ہوتے ہیں محض ہٹ دھرمی ہے لیکن جو شاعری کا آرٹ ہے اس کا مدار شاعر کے ذوق پہ ہوتا ہے جس پر دو اور دو چار کی منطق لاگو نہیں ہوسکتی اور ذوق لوگوں کا مختلف ہوتا ہے -پھر یہ دونوں غزلیں کچھ نہیں کچھ نہیں تین برس سے زائد مدّت تک میرے ساتھ رہی ہیں اور ہر زاویے سے دیکھ کر ،تراش خراش کے بعد یہاں پیش کی ہیں -پھر ہر کرم فرما آپ کی طرح کا نہیں ہوتا کہ اوروں کی کاوش پہ بھی اتنا وقت صرف کرے ،محض اپنی ذوقی رائے دے کر کے باذوق لوگ چلے جاتے ہیں سو ایسوں کے لیے خود کو بے ذوق کیا کرنا-

شکیل احمد خان23 نے کہا:

کبھی کبھی وہ حال ہمارا یاد تمھاری کرتی ہے
رنگ جو چیری کے پیڑوں کا بادِ بہاری کرتی ہے
پہلے میں سمجھاتھا کہ ہجروفراقِ محبوب میں اُس کی یاد سے اپنی خستہ حالی ظاہر کرنا شاعر کا مقصود ہے مگر اب میں نے بغور پڑھا اور پھر غور کیا اور اُس لنک پر گیا جہاں چیری بلاسم پر مفصل مضمون موجود ہے تو مجھ پر منکشف ہوا کہ ایسا بالکل نہیں ہے اور جناب نے بھی اِس کی تشبیہ کو خستہ حالی بیان کرنے کے لیے استعمال نہیں کیا بلکہ محبوب کی یاد سے دلی اور روحانی فرحت و انبساط بیان کرنا آپ کا مقصودِ اصلی تھا۔ شاہ صاحب اگر میں صحیح سمجھا تو واقعی آپ روایتی شاعری سے ہٹ کر خالص اپنے انداز میں تصویر کا ایک اور رخ دکھانے میں بالکلیتااً کامیاب رہے ، واہ!

مزید نمائش کے لیے کلک کریں۔۔۔

جزاک الله خیر -آپ نے درست سمجھا -پہلے آپ کی جو رائے تھی اس کے پیچھے بھی ایک معقول وجہ تھی اور وہ یہ کہ جب ہم کہتے ہیں:" تمھاری یاد ہمارا وہ حال کرتی ہے ...."تو عموماً خستہ حالی کو بیان کرنے کے لیے کہتے ہیں -جیسا کہ غالب نے بھی کہا ہے :
مت پوچھ کہ کیا حال ہے میرا ترے پیچھے
تو دیکھ کہ کیا رنگ ہے تیرا مرے آگے
مگر یہاں میری مراد :حال: سے محض کیفیت ہے جو کہ آگے بیان کی گئی -

شکیل احمد خان23 نے کہا:

شعرنمبر2:
خزاں کی رت میں ہو جاتا ہے حَسیں چناروں کا جو رنگ
تیری جدائی یوں بھی ہماری خاطر داری کرتی ہے
یہاں بھی آپ نے زردی اور پژمردگی کی روایت (جو خزاں کے ہاتھوں ہر پتے کا مقدر ہے)کو ایک طرف رکھ کرسُرخی کو لیاہے جو زندگی، زندہ دلی ، تری اور تازگی کی علامت ہے ۔ اب ڈکشن کی طرف آئیں تو خزاں کی رُت ، چنار، رنگ، جدائی اور پھر خاطر داری ۔اِن الفاظ پر مبنی بیان کو ایک زندہ تشبیہ نے پڑھنے پڑھانے اور سننے سنانے کی بجائے دیکھنے دکھانے کی چیز بنادیا۔ یہاں آپ نے الفاظ کے ساتھ تشبیہ کو بھی ایک مرصع ساز کے طرح استعمال کیا ، واہ۔

مزید نمائش کے لیے کلک کریں۔۔۔

آداب عرض ہے -جزاک الله خیر -

شکیل احمد خان23 نے کہا:

آتا ہے جب رنگ گلوں پر تیرا خیال آجاتا ہے
مدھر سروں میں تیری باتیں بادِ بَہاری کرتی ہے
ظاہر ہے رونا رلانا اِس غزل میں اب تک کے کسی شعر کا مدعا اور مقصود نہیں رہا تو اِس شعر میں محبوب کا خیال آجانے سے کوئی کیسے اک تیرمیرے سینے میں مارا کہ ہائے ہائے کی توقع کرے اور یوں اِسے روایت کے بحرِ زخار میں دھکیل کر تبصرے کا حق چکتا کرے ،اِس شعر میں بڑے ہی خوبصورت اور بڑی ہی تکنیک سے اپنے محبوب کو سراپا بہار قرار دینا اِسے قابلِ تعریف شعر بنارہا ہے ، واہ۔

مزید نمائش کے لیے کلک کریں۔۔۔

آداب-الله جل شانہ خوش و خرّم اور عافیت سے رکھے آپ کو -آمین

شکیل احمد خان23 نے کہا:

شعرنمبر4:
بچھڑ گئے جب اک دوجے سے ہم میں قرینہ آ ہی گیا
وقت پہ جاتا ہوں میں دفتر تو گھر داری کرتی ہے
سادہ سی بات ہے جو نوبیاہتا جوڑوں میں اکثر دیکھنے میں آتی ہے کہ نئی زندگی کے شروع کے دن الل ٹپ ہی گزارے جاتے ہیں ۔قاعدہ ،ضابطہ ،کلیہ، اصول کا دھیان دھیرے دھیرے آتاہےاور آگے چل کر بہرحال آہی جاتا ہے ،اسے وقت سے پہلے لانے میں چند دن کی دوری خاصا کام دکھاتی ہے ، اِس شعر میں یہی چھوٹی سی بات ہلکے پھلکے انداز میں یا یوں کہیں اپنے انداز میں بیان کی ہے۔

مزید نمائش کے لیے کلک کریں۔۔۔

دیکھیے ایک تسلسل ہے ،پہلے جدائی میں رنگوں کا لطف اٹھایا گیا، پھر باد بہاری کا اور اب قرینے کا -ایک المیے کا ذکر ہے کہ انسانیت کے ایک بڑے گروہ نے طے کر رکھا ہے کہ ٹھوکھر کھا کر ہی سدھرنا ہے -

شکیل احمد خان23 نے کہا:

شعرنمبر5:
آخرِ شب میں اک سایہ سا ہم سے آکر کہتا ہے
یاد میں تیری اک دیوانی آہ و زاری کرتی ہے
روایت تو کہتی ہے کہ محبوب کی باتیں سات پردوں میں چھپاکر کیجیے اور اپنے جذبات کے بیان میں زیادہ سے زیادہ بلکہ حدسے زیادہ شاعرانہ وسائل کا سہار لیں تاکہ آڑ رہے تب ہم اِسے غزل مانیں گے مگر اس غزل کی فضاء غم کا قصہ سنانے کی بجائے ہلکے پھلکے واقعات شیئر کرنے کی بنتی جارہی ہے اس لیے تھوڑی دیر کے لیے غزل کے روایتی تقاضوں کو ایک طرف رکھ کر ایک پاک طینت،کشادہ دل اور باعلم انسان کی باتیں دھیان سے سنیں ، یہی اِس شعر کا حسن ہےاور داد دجس کا حق ہے، واہ!

مزید نمائش کے لیے کلک کریں۔۔۔

آداب عرض ہے -

شکیل احمد خان23 نے کہا:

شعرنمبر 6:
حسن ہے کیا اور کون حَسیں ہے ہم سے آکر پوچھیں تو
طبع ہماری بہرِ نگاراں نقد نگاری کرتی ہے
اِس شعر کی تعریف اہلِ علم اور اصحابِ دانش ،نکتہ سنج اور نکتہ رس حضرات پہلے ہی فرماچکے ہیں ، میں اُن کی تائید کے سوا کچھ عرض نہیں کرسکتا۔

مزید نمائش کے لیے کلک کریں۔۔۔

جزاک الله خیر -

شکیل احمد خان23 نے کہا:

مقطع:
شؔاہ سنو! راحت سی راحت ہے چپ شاہ کے روزے میں
گرہ زباں کی کھلے تو پھر یہ دل آزاری کرتی ہے
یہ آپ کی اِس غزل کا پہلا اور آخری اور اکیلا شعر ہے جس پر اُردُو شاعری میں فلسفہ ، منطق اور حکیمانہ اقوال کی روایت کا گہرا اثر ہے،قلی قطب شاہ کے اکثر مقطعوں کی خُو بوُ اس شعر میں پائی جاتی ہے یعنی وہ پندو نصائح جو ٹھیٹھ عاشقانہ غزلوں تک میں اُس کے ہاں ملتے ہیں:

قطب شہ نہ دے مج دوانے کو پند
دوانے کوں کچ پند دیا جائے نا​

مزید نمائش کے لیے کلک کریں۔۔۔

بجا فرمایا- پوری غزل منفرد ہو یہ محال ہے -
شکیل بھائی آپ نے جو یہ تفہیم سخن کا سلسلہ شروع کیا ہے ،اسے جاری و ساری رکھیے گا ،مجھے یاد ہے مجھ میں شاعری کا ذوق پیدا کرنے میں میٹرک میں ہماری اردو کی استاذہ کا بڑا کردار ہے ،ہم کلاس کی پیچھے کی بینچوں پر بیٹھ کرپڑھاکو بچوں پہ فقرے کسا کرتے تھے ،جب وہ کسی نظم یا غزل کی شروعات کرتیں تو اکثر مجھے کھڑا کر دیتیں کہ تم کرو تشریح اس شعر کی ،بس اب خود پہ فقرے کسے جانے کا ڈر کچھ نہ کچھ بلوا دیتا تھا اور پہلے سے کچھ تیّاری بھی کر لیتا تھا - آپ نے بھی جو اصلاح سخن میں مصرعوں پہ مصرعے کسے ہیں، اس کا کفّارہ ہے کہ تفہیم سخن کی طرف اپنی توجہ قائم و دائم رکھیں -
الله تعالیٰ آپ کو عافیت دارین سے نوازے -آمین

عرفان علوی نے کہا:

اسر بھائی ، اِس غزل كے اشعار میں مجھے ایک انفرادیت اور تازگی کا احساس ہوا

مزید نمائش کے لیے کلک کریں۔۔۔

عرفان علوی نے کہا:

غزل پسند آئی . داد حاضر ہے .

مزید نمائش کے لیے کلک کریں۔۔۔

برادر مکرم آپ کی ذرہ نوازی پہ آپ کا ممنون ہوں -جزاک الله خیر

عرفان علوی نے کہا:

شاید اِس کی وجہ اِس میں مستعمل ساز و سامان ( چیری ، چنار ، دفتر ) ہے

مزید نمائش کے لیے کلک کریں۔۔۔

نہیں علوی بھائی محض الفاظ سے کیا ہوتا ہے -اوپر کے ایک مراسلے میں شکیل صاحب نے غزل کی انفرادیت کا کھوج لگایا ہے ،اسے دیکھ لینے میں حرج نہیں -

عرفان علوی نے کہا:

’نقد‘ کا استعمال بمعنی ’تنقید‘ میری نگاہ سے پہلے نہیں گزرا . آپ ’نکتہ نگاری‘ جیسا کچھ کہتے تو بہتر ہوتا .

مزید نمائش کے لیے کلک کریں۔۔۔

تنقید کا مفہوم
تنقید نقد سے ماخوذ ہے ، جس کا معنی ہے کھرے اور کھوٹے میں تمیز کرنا اور اصطلا حاً کسی تعلیمی یا علمی مسئلے یا کتاب پر اس انداز سے غور کرنا کہ اس کتاب کے قوی اور کمزور پہلو نمایاں ہوجائیں۔​

لفظِ تنقید باب تفعیل کے وزن پر ہے جس سے عموم اً یہ تاثر ملتا ہے کہ یہ لفظ عربی زبان کا ہے حالانکہ عربی میں تنقید نام کا کوئی لفظ نہیں بلکہ اس کے لئے نقد اور انتقاد کے الفاظ استعمال ہوتے ہیں۔ اردو والوں نے ان کی رعایت سے تنقید کا لفظ وضع کر لیا جو اب اتنا رائج ہو گیا ہے کہ اس کی جگہ نقد اور انتقاد کے الفاظ اجنبی سے لگتے ہیں۔

عرفان علوی نے کہا:

اِس غزل میں آپ نے متقارب اور متدارک بحور كے ارکان ملا جلا کر استعمال کیے ہیں . جہاں تک مجھے علم ہے ، کلاسیکی شاعری میں ایسا نہیں ہوتا تھا ، لیکن بعد كے شعراء ، خاص طور وہ شعراء جو ہندی شاعری سے متاثر ہیں ، كے یہاں ایسا استعمال ہونے لگا ، مثلاً :
جنم جنم كے ساتوں دکھ ہیں اس كے ماتھے پر تحریر
اپنا آپ مٹانا ہو گا یہ تحریر مٹانے میں ( اِبْن انشا ء)

مزید نمائش کے لیے کلک کریں۔۔۔

سرور عالم راز نے کہا:

رہ گئی تقطیع تو اس بحر کی تقطیع خاصی الجھی ہوئی ہے اور عام شاعر ایسی نزاکتوں سے بھاگتا ہے۔ پہلے میں کر لوں اور اپنی حد تک اطمینان بھی کر لوں کہ کم وبیش صحیح ہے پھر حاضر ہوتا ہوں

مزید نمائش کے لیے کلک کریں۔۔۔

یہ اشعار دیکھ لیجیے :
بہت کیا تو پتھر میں سوراخ کیے ہیں در فشوں نے
چھید جگر میں کر دینا یہ کام ہے محزوں نالوں کا
بڑے بڑے تھے گھر جن کے یاں آثار ان کے ہیں یہ اب
میر شکستہ دروازے ہیں گری پڑی دیواریں ہیں
میں نے جو کچھ کہا کیا ہے حدو حساب سے افزوں ہے
روز شمار میں یا رب میرے کہے کیے کا حساب نہ ہو
جس شب گل دیکھا ہے ہم نے صبح کو اس کا منھ دیکھا
خواب ہمارا ہوا ہوا ہے لوگوں کا سا خواب نہ ہو
حوصلہ داری کیا ہے اتنی قدرت کچھ ہے خدا ہی کی
عالم عالم جہاں جہاں جو غم کی ہم میں سمائی ہوئی
آگے اس متکبر کے ہم خدا خدا کیا کرتے ہیں
کب موجود خدا کو وہ مغرور خود آرا جانے ہے
سنی سنائی بات سے واں کی کب چیتے ہیں ہم غافل
دونوں کان بھرے ہیں اپنے بے تہ یاں کے فسانے سے
-------------
میر تقی میر
اس طرح کے میر کے کئی اور بھی اشعار ہیں
=================
اب ایک شعر میر کے ہم عصر :جرات : کا دیکھیے :
ننگ ہے یا اب نام سے ایسا جہاں لکھا ہو مٹوا دو
یا پڑھنے کو جرّات کے شعر لکھائے جاتے تھے
=============
اجل نے عہد میں تیرے ہی تقدیر سے یہ پیغام کیا
ناز و کرشمہ دے کر اس کو مجھ کو کیوں بدنام کیا
چمن میں آتے سن کر تجھ کو بادِ سحر یہ گھبرائی
ساغر جب تک لاویں ہی لاویں توڑ سبو کو جام کیا
لذّت دی نہ اسیری نے صیّاد کی بے پروائی سے
تڑپ تڑپ کر مفت دیا جی، ٹکڑے ٹکڑے دام کیا
ادب دیا ہے ہاتھ سے اپنے کبھو بھلا مے خانے کا
کیسے ہی ہم مست چلے پر سجدہ ہر اک گام کیا
میں یہ سماجت دیا ہے دل کو، جور و جفا کا شکوہ کیا
ان نے کب لینے پر اُس کے، قاضی کا اعلام کیا
سودا
میر سودا اور جرات ہم عصر ہیں مگر نہ جانے کیوں اس بحر کو میر کی ایجاد کہا جاتا ہے حالانکہ سودا اور جرات نے بھی اسی بحر میں طبع آزمائی کی ہے اور یہ غیر روایتی تصرف جس کی وجہ سے اس بحر کو ہندی بھی کہا جاتا ہے وہ بھی باقی دو شعرا کے اشعار میں موجود ہے جس کی اوپر مثالیں بھی ہیں -

یاسر شاہ نے کہا:

برادر مکرم آپ کی ذرہ نوازی پہ آپ کا ممنون ہوں -جزاک الله خیر
نہیں علوی بھائی محض الفاظ سے کیا ہوتا ہے -اوپر کے ایک مراسلے میں شکیل صاحب نے غزل کی انفرادیت کا کھوج لگایا ہے ،اسے دیکھ لینے میں حرج نہیں -

تنقید کا مفہوم​

تنقید نقد سے ماخوذ ہے ، جس کا معنی ہے کھرے اور کھوٹے میں تمیز کرنا اور اصطلا حاً کسی تعلیمی یا علمی مسئلے یا کتاب پر اس انداز سے غور کرنا کہ اس کتاب کے قوی اور کمزور پہلو نمایاں ہوجائیں۔​

تقریظ، تنقید اور تبصرہ نگاری پر ایک نظر (پہلی قسط) | جامعہ علوم اسلامیہ علامہ محمد یوسف بنوری ٹاؤن

تقریظ، تنقید اور تبصرہ نگاری پر ایک نظر (پہلی قسط) تحریر و تصنیف تاریخی لحاظ سے بود و باش کے مختلف سانچوں میں ڈھلتی رہی ہے۔ ایک وقت وہ تھا کہ تحریر و تصنیف چمڑے کے ٹکڑوں، ہڈیوں اور کھجور کی چھالوں پر ہوتی تھی، چنانچہ تصنیف محض جمع و وضع کا نام تھا، تدوین و ترتیب کے مستقل اصول موجود نہ تھے۔...

www.banuri.edu.pk

لفظِ تنقید باب تفعیل کے وزن پر ہے جس سے عموم اً یہ تاثر ملتا ہے کہ یہ لفظ عربی زبان کا ہے حالانکہ عربی میں تنقید نام کا کوئی لفظ نہیں بلکہ اس کے لئے نقد اور انتقاد کے الفاظ استعمال ہوتے ہیں۔ اردو والوں نے ان کی رعایت سے تنقید کا لفظ وضع کر لیا جو اب اتنا رائج ہو گیا ہے کہ اس کی جگہ نقد اور انتقاد کے الفاظ اجنبی سے لگتے ہیں۔

تÙÙÛد ÙÚ¯Ø§Ø±Û Ø§ÛÚ© ÙØ´Ú©Ù ÙÙ ÛÛ!

تنقید نگاری ایک مشکل فن ہے - سید شیبان قادری

www.taemeernews.com

یہ اشعار دیکھ لیجیے :
بہت کیا تو پتھر میں سوراخ کیے ہیں در فشوں نے
چھید جگر میں کر دینا یہ کام ہے محزوں نالوں کا
بڑے بڑے تھے گھر جن کے یاں آثار ان کے ہیں یہ اب
میر شکستہ دروازے ہیں گری پڑی دیواریں ہیں
میں نے جو کچھ کہا کیا ہے حدو حساب سے افزوں ہے
روز شمار میں یا رب میرے کہے کیے کا حساب نہ ہو
جس شب گل دیکھا ہے ہم نے صبح کو اس کا منھ دیکھا
خواب ہمارا ہوا ہوا ہے لوگوں کا سا خواب نہ ہو
حوصلہ داری کیا ہے اتنی قدرت کچھ ہے خدا ہی کی
عالم عالم جہاں جہاں جو غم کی ہم میں سمائی ہوئی
آگے اس متکبر کے ہم خدا خدا کیا کرتے ہیں
کب موجود خدا کو وہ مغرور خود آرا جانے ہے
سنی سنائی بات سے واں کی کب چیتے ہیں ہم غافل
دونوں کان بھرے ہیں اپنے بے تہ یاں کے فسانے سے
-------------
میر تقی میر
اس طرح کے میر کے کئی اور بھی اشعار ہیں
=================
اب ایک شعر میر کے ہم عصر :جرات : کا دیکھیے :
ننگ ہے یا اب نام سے ایسا جہاں لکھا ہو مٹوا دو
یا پڑھنے کو جرّات کے شعر لکھائے جاتے تھے
=============
اجل نے عہد میں تیرے ہی تقدیر سے یہ پیغام کیا
ناز و کرشمہ دے کر اس کو مجھ کو کیوں بدنام کیا
چمن میں آتے سن کر تجھ کو بادِ سحر یہ گھبرائی
ساغر جب تک لاویں ہی لاویں توڑ سبو کو جام کیا
لذّت دی نہ اسیری نے صیّاد کی بے پروائی سے
تڑپ تڑپ کر مفت دیا جی، ٹکڑے ٹکڑے دام کیا
ادب دیا ہے ہاتھ سے اپنے کبھو بھلا مے خانے کا
کیسے ہی ہم مست چلے پر سجدہ ہر اک گام کیا
میں یہ سماجت دیا ہے دل کو، جور و جفا کا شکوہ کیا
ان نے کب لینے پر اُس کے، قاضی کا اعلام کیا
سودا
میر سودا اور جرات ہم عصر ہیں مگر نہ جانے کیوں اس بحر کو میر کی ایجاد کہا جاتا ہے حالانکہ سودا اور جرات نے بھی اسی بحر میں طبع آزمائی کی ہے اور یہ غیر روایتی تصرف جس کی وجہ سے اس بحر کو ہندی بھی کہا جاتا ہے وہ بھی باقی دو شعرا کے اشعار میں موجود ہے جس کی اوپر مثالیں بھی ہیں -

مزید نمائش کے لیے کلک کریں۔۔۔

یاسر بھائی ، تفصیلی جواب کا شکریہ ! اِس غزل کی بحر کی جو مثالیں آپ نے فراہم کی ہیں ، وہ میرے علم میں نہیں تھیں . زحمت كے لیے ممنون ہوں . یہاں ایک غلطی کا اعتراف بھی کرتا چلوں . میں نے عرض کیا تھا کہ آپ نے متقارب اور متدارک بحور كے اركان ملا کر استعمال کیے ہیں . دَر اصل مجھے کہنا یہ تھا کہ فعلن فعلن اور فعل فعولن كے ساتھ آپ نے فعول فعلن استعمال کیا ہے ، جس کی مثالیں میری نگاہ میں نہیں تھیں . خیر ، آپ میرا موقف سمجھ گئے .

عرفان علوی نے کہا:

یاسر بھائی ، تفصیلی جواب کا شکریہ ! اِس غزل کی بحر کی جو مثالیں آپ نے فراہم کی ہیں ، وہ میرے علم میں نہیں تھیں . زحمت كے لیے ممنون ہوں . یہاں ایک غلطی کا اعتراف بھی کرتا چلوں . میں نے عرض کیا تھا کہ آپ نے متقارب اور متدارک بحور كے اركان ملا کر استعمال کیے ہیں . دَر اصل مجھے کہنا یہ تھا کہ فعلن فعلن اور فعل فعولن كے ساتھ آپ نے فعول فعلن استعمال کیا ہے ، جس کی مثالیں میری نگاہ میں نہیں تھیں . خیر ، آپ میرا موقف سمجھ گئے .

مزید نمائش کے لیے کلک کریں۔۔۔

علوی بھائی آپ کی باتوں سے بزرگی کی خوشبو آتی ہے --الله جل شانہ آپ کو صحت و عافیت سے رکھے - آمین