حسرتیں چھوڑ گئیں کوچہء و بازار کے بیچ
لوگ ٹوٹے ہوئے ، سالم درودیوار کے بیچ زینتِ صفحہء اول ہے تماشائے حیات
آدمی چھوٹی خبر ہے کہیں اخبار کے بیچ بیش و کم کیا کریں اب ، دام جو لگتے ہیں لگیں
نقدِ جاں رکھ چکے جب درہم و دینار کے بیچ نخلِ اندیشہء صد شاخِ زیاں اگتا ہے
ہر گلستانِ شجر دار و ثمربار کے بیچ موجہء بادِ صبا زلف سے اُن کی نہ الجھ
گُل نہیں دل ہے مرا گیسوئے خمدار کے بیچ مل گیا مجھ کو مرے سارے سوالوں کا جواب
اک توقف تھا ترے کلمہء ا نکار کے بیچ تمہیں مل جائے گی پہچان مرے لفظوں سے
کبھی پڑھ کر مجھے دیکھو مرے اشعار کے بیچ میں سمجھتا نہیں دریا کو کنارے سے الگ
وہ شناور ہوں کہ رہتا ہے جو منجدھار کے بیچ جو ملا شاخِ محبت سے اُسے چوم لیا
فرق رکھا ہی نہیں ہم نے گل و خار کے بیچ یادِ یارانِ وطن ا ور کبھی ذکرِ وطن !
یہ دوائیں ہیں مری مجمعِ آزار کے بیچ ہمیں مرنا بھی ہے اپنی ہی روایات پر آج
اور جینا بھی ہے مرتی ہوئی اقدار کے بیچ اک تنازع ہے ہنر عہدِ ضرورت میں ظہیر
کاسہء دادِ فن و کیسہء فنکار کے بیچ ظہیر احمد ۔۔۔۔۔۔ ۲۰۱۴
زبردست۔۔۔۔۔۔لاجواب۔۔۔۔۔۔بے مثال غزل ہے ظہیراحمدظہیر صاحب!
کئی مرتبہ پڑھی ہے۔سب اشعار ایک دوسرے سے سبقت لے جانے میں کوئی کسر نہیں چھوڑتے۔ گویا Competition ہے بہت آپ کے اشعار کے بیچ
محمد تابش صدیقی بھائی، ابھی پڑھی ہے مکمل غزل۔
میری عزت رکھ لیجیے گا
ڈھیروں دعائیں اور بہت سی داد آپ کیلیے
کلیم گورمانی — اپریل 2، 2017 11:02 صبح
جو ملا شاخِ محبت سے اُسے چوم لیا
فرق رکھا ہی نہیں ہم نے گل و خار کے بیچ بہت ہی پیاری غزل ظہیر صاحب
زبردست۔۔۔۔۔۔لاجواب۔۔۔۔۔۔بے مثال غزل ہے ظہیراحمدظہیر صاحب!
کئی مرتبہ پڑھی ہے۔سب اشعار ایک دوسرے سے سبقت لے جانے میں کوئی کسر نہیں چھوڑتے۔ گویا Competition ہے بہت آپ کے اشعار کے بیچ
محمد تابش صدیقی بھائی، ابھی پڑھی ہے مکمل غزل۔
میری عزت رکھ لیجیے گا
بہت شکریہ عاطف! بھئی آپ کی طبیعت تو ہمہ وقت حاضر رہتی ہے ۔ کیا بات ہے ! آپ تابش بھائی کی فکر نہ کریں اور اطمینان سے لکھیں ۔ میں انہیں باتوں میں لگا کر کرکٹ والے زمرے میں بھجوادوں گا ۔
بہت شکریہ عاطف! بھئی آپ کی طبیعت تو ہمہ وقت حاضر رہتی ہے ۔ کیا بات ہے ! آپ تابش بھائی کی فکر نہ کریں اور اطمینان سے لکھیں ۔ میں انہیں باتوں میں لگا کر کرکٹ والے زمرے میں بھجوادوں گا ۔
یہ آپ کی شفقت ہے محترم!
میری طبیعت تو ہمہ وقت حاضر نہیں رہتی لیکن آج کل فراغت کے باعث کچھ ایسی ہی کیفیت ہے کہ "دیکھوں تو اسے دیکھوں،سوچوں تو اسے سوچوں"
اور تابش بھائی تو ہمارے بہت پیارے بھائی ہیں۔ان کی فکر کیوں نہ ہو گی مجھے۔
اللہ انہیں اور آپ کو دنیا و آخرت کی ڈھیروں خوشیاں عطا کرے۔ آمین۔
جاسمن — اپریل 3، 2017 7:29 صبح
ہائے!
کیا اشعار ہیں۔کہاں سے آتے ہیں ایسے خیال!
زَََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََبردست!
ہائے!
کیا اشعار ہیں۔کہاں سے آتے ہیں ایسے خیال!
زَََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََََبردست!
ظہیراحمدظہیر بھائی۔۔۔۔۔۔طبیب ہیں
بہت خوشی ہوئی یہ پڑھ کر۔
اور بھی بہت ساری دعائیں آپ کیلیے ظہیر بھائی!
اور چونکہ یہ دعائیں طبیبوں کیلیے مخصوص ہیں سو تابش بھائی سے معذرت
نظر کی تیزی کا نہیں علم البتہ آنکھوں کو ٹھنڈک ملتی ہے.
اور پان کے پتے ہرے رنگ کے ہوتے ہیں. اور ہم نے سرخ رنگ دے کر اپنی محبت کا اظہار کیا ہے آپ سے اور آپ کی غزل سے،
رہی بات نظر کی تیزی کی تو وہ تو آپ کی غزل دیکھ کر ہی تیز ہوجاتی ہے.
محمداحمد — جون 10، 2017 8:21 صبح
مکرر قِرأت۔۔۔!
مکرر کشیدِ لطف۔۔۔!!
مکرر تحسین و مبارکباد۔۔۔!!!
بہت خوب غزل ہے جناب،