مجھ سے نفرت تھی انھیں (قطعہ)

محمد اسامہ سَرسَری — اپریل 6، 2013 5:50 شام

مجھ سے نفرت تھی انھیں ، پر میری خلوت سے نہیں

یہ پتا مجھ کو چلا ، لیکن کہاں؟ کیوں؟ اور کب؟

ان کے قدموں کی اب آہٹ سن رہا ہوں سَرسَری!

جبکہ مجھ کو دفن کرکے جاچکے ہیں لوگ سب

مزمل شیخ بسمل — اپریل 6، 2013 5:53 شام

بہت عمدہ۔

محمد اسامہ سَرسَری — اپریل 6، 2013 5:54 شام

مزمل شیخ بسمل نے کہا:
بہت عمدہ۔

جزاکَ اللہ خیرا۔

محمد یعقوب آسی — اپریل 6، 2013 5:57 شام

بہت شکریہ حضرت! سچی بات یہ ہے کہ میں اس قطعہ کے مفہوم کو نہیں پا سکا۔ مزمل شیخ بسمل صاحب سے راہنمائی کی درخواست ہے۔

ماہا عطا — اپریل 6، 2013 6:00 شام

بہت خوب۔۔۔۔۔۔۔۔۔۔۔۔۔۔۔

مزمل شیخ بسمل — اپریل 6، 2013 6:04 شام

محمد یعقوب آسی نے کہا:
بہت شکریہ حضرت! سچی بات یہ ہے کہ میں اس قطعہ کے مفہوم کو نہیں پا سکا۔ مزمل شیخ بسمل صاحب سے راہنمائی کی درخواست ہے۔

گو کہ اشعار میں مطلب مبہم ہے۔ مگر غور سے دیکھا جائے تو دونوں اشعار کا ربط بہت گہرا محسوس ہوتا ہے۔
مجھ سے نفرت تھی مگر میری خلوت سے نہ تھی۔ خلوت کونسی کہاں کی؟ اور کیسی؟
اگلے شعر میں کہا گیا کہ وہ خلوت در حقیقت موت ہے۔ میں قبر میں جا دفن ہوا۔ اب وہ آتے ہیں ۔

انتہا — اپریل 6، 2013 6:12 شام

محمد اسامہ سَرسَری نے کہا:
مجھ سے نفرت تھی انھیں ، پر میری خلوت سے نہیں
یہ پتا مجھ کو چلا ، لیکن کہاں؟ کیوں؟ اور کب؟
ان کے قدموں کی اب آہٹ سن رہا ہوں سَرسَری!
جبکہ مجھ کو دفن کرکے جاچکے ہیں لوگ سب

بہت عمدہ حضرت اسامہ صاحب،

محمد خلیل الرحمٰن — اپریل 6، 2013 6:19 شام

بہت خوب اسامہ سَرسَری بھائی۔ بہت داد قبول فرمائیے۔

محمد یعقوب آسی — اپریل 6، 2013 6:32 شام

گو کہ اشعار میں مطلب مبہم ہے۔ مگر غور سے دیکھا جائے تو دونوں اشعار کا ربط بہت گہرا محسوس ہوتا ہے۔

مجھ سے نفرت تھی مگر میری خلوت سے نہ تھی۔ خلوت کونسی کہاں کی؟ اور کیسی؟

بہت شکریہ جناب مزمل شیخ بسمل صاحب۔
یہ تو کھل گیا کہ وہ قبر پر آتے ہیں، خلوت اور قبر؛ مراعات النظیر میں آ گیا۔ یہ تعلق تو واضح ہے۔
مجھ سے نفرت تھی، میری تنہائی سے نفرت نہیں تھی۔ تنہائی میں بھی تو میں ہی ہوں بلکہ صرف میں ہوں؛ میری تنہائی سے نفرت نہ ہونا چہ معنی دارد؟ یا تو یہ ہے کہ وہ چاہتے تھے کہ سب مجھے چھوڑ دیں اور میں تنہا رہ جاؤں؟ اس سے زیادہ نفرت اور کیا ہو گی؟ یہ تو ممکن نہیں تھا کہ وہ چاہتے ہوں کہ میں تنہا ہو جاؤں تو وہ مجھ سے ملیں (اکیلے میں)؛ مجھ سے وہ ملیں تو کیوں کر کہ مجھ سے تو نفرت تھی!
میں تو اسی میں الجھا ہوا ہوں۔

مزمل شیخ بسمل — اپریل 6، 2013 6:43 شام

محمد یعقوب آسی نے کہا:
بہت شکریہ جناب مزمل شیخ بسمل صاحب۔
یہ تو کھل گیا کہ وہ قبر پر آتے ہیں، خلوت اور قبر؛ مراعات النظیر میں آ گیا۔ یہ تعلق تو واضح ہے۔
مجھ سے نفرت تھی، میری تنہائی سے نفرت نہیں تھی۔ تنہائی میں بھی تو میں ہی ہوں بلکہ صرف میں ہوں؛ میری تنہائی سے نفرت نہ ہونا چہ معنی دارد؟ یا تو یہ ہے کہ وہ چاہتے تھے کہ سب مجھے چھوڑ دیں اور میں تنہا رہ جاؤں؟ اس سے زیادہ نفرت اور کیا ہو گی؟ یہ تو ممکن نہیں تھا کہ وہ چاہتے ہوں کہ میں تنہا ہو جاؤں تو وہ مجھ سے ملیں (اکیلے میں)؛ مجھ سے وہ ملیں تو کیوں کر کہ مجھ سے تو نفرت تھی!
میں تو اسی میں الجھا ہوا ہوں۔

ظاہر ہے حقیقی معنی تو فی البطن شاعر ہی ہے۔ یہ ریت نجانے کب سے ہے !! شاید غالب سے یا اس سے بھی پہلے کی ہے۔ کہ شعر سنو! خود ہی سمجھو اور کہو واہ واہ!! اسی میں خیر ہے کیوں کہ اگر نہ سمجھے تو بد ذوق ٹھہرے۔ اس لئے معاملہ یوں ہے کہ: شعر سن لیا؟ اب سوال نہیں کرنا۔ نہ جواب دینا۔ کیونکہ تم سمجھ گئے نا تمہی با ذوق ہو!

خیر بات دوسری جانب چلی گئی۔
شاعر نے در اصل محبوب کے حوالے سے لکھا کہ خلوت سے مراد محبوب موت لیتا ہے۔ اور وہ میری موت سے ہی محبت کرتا ہے۔ اسی لئے شاعر پہلے شعر میں سوال کر رہا ہے محبوب سے کہ بتاؤ آخر وہ کونسی خلوت ہے جس سے تمہیں محبت ہے؟ وہ خلوت آخر کہاں ہوگی؟ کب ہوگی؟ وغیرہ۔ پھر اگلے شعر میں جواب دیا ہے بعدِ مردن!!!!
اسے کہتے ہیں نقاد جن پر شاعروں کی دنیا قائم ہے :applause:

محمد اسامہ سَرسَری — اپریل 6، 2013 6:45 شام

mano نے کہا:
بہت خوب۔۔۔ ۔۔۔ ۔۔۔ ۔۔۔ ۔۔۔

جزاکِ اللہ خیرا۔ خوش رہیں۔

محمد اسامہ سَرسَری — اپریل 6، 2013 6:46 شام

انتہا نے کہا:
بہت عمدہ حضرت اسامہ صاحب،

بہت بہت شکریہ جناب انتہا صاحب!
جزاکم اللہ خیرا۔

محمد اسامہ سَرسَری — اپریل 6، 2013 6:47 شام

محمد خلیل الرحمٰن نے کہا:
بہت خوب اسامہ سَرسَری بھائی۔ بہت داد قبول فرمائیے۔

داد دینے اور حوصلہ افزائی کرنے کا بہت بہت شکریہ جناب محترم محمد خلیل الرحمٰن صاحب!
جزاکم اللہ خیرا۔

محمد یعقوب آسی — اپریل 6، 2013 6:47 شام

علامہ صاحب، ناراض نہیں ہونا بھائی۔

مزمل شیخ بسمل — اپریل 6، 2013 6:49 شام

محمد یعقوب آسی نے کہا:
علامہ صاحب، ناراض نہیں ہونا بھائی۔

شاعر اپنا۔ ناقد اپنا۔ استاد جی اپنے۔ اردو بھی اپنے۔ اشعار بھی اپنے۔ تو ناراض کیوں ہونگے علامہ صاحب۔ ؟
کیوں اسامہ بھائی؟ آپ ناراض ؟

محمد اسامہ سَرسَری — اپریل 6، 2013 6:50 شام

محمد یعقوب آسی نے کہا:
علامہ صاحب، ناراض نہیں ہونا بھائی۔

مزمل شیخ بسمل نے کہا:
شاعر اپنا۔ ناقد اپنا۔ استاد جی اپنے۔ اردو بھی اپنے۔ اشعار بھی اپنے۔ تو ناراض کیوں ہونگے علامہ صاحب۔ ؟
کیوں اسامہ بھائی؟ آپ ناراض ؟

نہیں نہیں جناب والا!

اس میں ناراض ہونے کی کیا بات ہے؟
مجھے تو بہت مزہ آرہا ہے اپنے گھسے پٹے اشعار کی اتنی معنی خیز تشریحات پڑھ کر۔

محمد اسامہ سَرسَری — اپریل 6، 2013 6:56 شام

مزمل شیخ بسمل نے کہا:
گو کہ اشعار میں مطلب مبہم ہے۔ مگر غور سے دیکھا جائے تو دونوں اشعار کا ربط بہت گہرا محسوس ہوتا ہے۔
مجھ سے نفرت تھی مگر میری خلوت سے نہ تھی۔ خلوت کونسی کہاں کی؟ اور کیسی؟
اگلے شعر میں کہا گیا کہ وہ خلوت در حقیقت موت ہے۔ میں قبر میں جا دفن ہوا۔ اب وہ آتے ہیں ۔

مزمل شیخ بسمل نے کہا:
ظاہر ہے حقیقی معنی تو فی البطن شاعر ہی ہے۔ یہ ریت نجانے کب سے ہے !! شاید غالب سے یا اس سے بھی پہلے کی ہے۔ کہ شعر سنو! خود ہی سمجھو اور کہو واہ واہ!! اسی میں خیر ہے کیوں کہ اگر نہ سمجھے تو بد ذوق ٹھہرے۔ اس لئے معاملہ یوں ہے کہ: شعر سن لیا؟ اب سوال نہیں کرنا۔ نہ جواب دینا۔ کیونکہ تم سمجھ گئے نا تمہی با ذوق ہو!
خیر بات دوسری جانب چلی گئی۔
شاعر نے در اصل محبوب کے حوالے سے لکھا کہ خلوت سے مراد محبوب موت لیتا ہے۔ اور وہ میری موت سے ہی محبت کرتا ہے۔ اسی لئے شاعر پہلے شعر میں سوال کر رہا ہے محبوب سے کہ بتاؤ آخر وہ کونسی خلوت ہے جس سے تمہیں محبت ہے؟ وہ خلوت آخر کہاں ہوگی؟ کب ہوگی؟ وغیرہ۔ پھر اگلے شعر میں جواب دیا ہے بعدِ مردن!!!!
اسے کہتے ہیں نقاد جن پر شاعروں کی دنیا قائم ہے

مزمل شیخ بسمل بھائی! اللہ آپ سے راضی ہوجائے، خوشی ہوئی آپ کے ان مراسلوں سے۔

محمد اسامہ سَرسَری — اپریل 6، 2013 6:56 شام

محمد یعقوب آسی نے کہا:
بہت شکریہ جناب مزمل شیخ بسمل صاحب۔
یہ تو کھل گیا کہ وہ قبر پر آتے ہیں، خلوت اور قبر؛ مراعات النظیر میں آ گیا۔ یہ تعلق تو واضح ہے۔
مجھ سے نفرت تھی، میری تنہائی سے نفرت نہیں تھی۔ تنہائی میں بھی تو میں ہی ہوں بلکہ صرف میں ہوں؛ میری تنہائی سے نفرت نہ ہونا چہ معنی دارد؟ یا تو یہ ہے کہ وہ چاہتے تھے کہ سب مجھے چھوڑ دیں اور میں تنہا رہ جاؤں؟ اس سے زیادہ نفرت اور کیا ہو گی؟ یہ تو ممکن نہیں تھا کہ وہ چاہتے ہوں کہ میں تنہا ہو جاؤں تو وہ مجھ سے ملیں (اکیلے میں)؛ مجھ سے وہ ملیں تو کیوں کر کہ مجھ سے تو نفرت تھی!
میں تو اسی میں الجھا ہوا ہوں۔

استاد محترم! میں نے اسی الجھن کا شکار ہوکر یہ قطعہ لکھا ہے۔

محمد یعقوب آسی — اپریل 6، 2013 6:57 شام

ایک بات یاد آ گئی، بلکہ بات کیا یاد آئی اللہ بخشے، ایک فورم یاد آ گیا جو کبھی فیس بک پر ہوا کرتا تھا۔ پہلے تو آسمانوں میں ہی تھا، پھر زمین پر بھی اتر آیا، آگے دیکھئے کہاں جاتا ہے۔ پاتال کا کہوں گا تو خداوندانِ ’’فورم‘‘ اس فقیر کو پاتال میں بھی نہیں ٹکنے دیں گے۔ وہاں چلتا تھا سب کچھ وہ جسے پنجابی میں کہتے ہیں ’’منہ ویکھ کے چپیٹ مارنا‘‘۔ اور من ترا ملا بگویم تو مرا حاجی بگو۔ بلکہ اگر یہ فقیر آپ کی ’’قبیل‘‘ سے ہے تو الحاج بگو، نہیں ہے تو ’’پاجی‘‘ بگو۔ وہاں کسی گفتگو میں ایک مصرع ’’سرزد‘‘ ہو گیا تھا۔ محمد خلیل الرحمٰن صاحب کی ظرافت کی نذر کرتا ہوں:

ع: پھر وہی تلخ نوائی جو مرا حصہ ہے

اللہ نہ کرے کہ مجھے یہ شعر مکمل کرنا پڑے۔

محمد یعقوب آسی — اپریل 6، 2013 6:59 شام

مجھے تو بہت مزہ آرہا ہے اپنے گھسے پٹے اشعار کی اتنی معنی خیز تشریحات پڑھ کر۔

بقول غالب ۔۔۔ کہئے کہئے مجھے ۔۔۔ :bee: