شکیل احمد خان23 ، بھائی آپ کا یہ طریقہ پڑھ کر پہلا تاثر تو یہی تھا کہ شعر کی جسٹیفیکیشن کا مسئلہ حل ہوگیا ۔ لیکن اس پر مزید غور کیا تو یہ حل قابلِ عمل نہیں لگا۔ اس میں دو مسائل سامنے آئے ۔ ایک تو یہ کہ جب غزل کو یہاں سے کاپی کرکے کسی اور جگہ پیسٹ کریں تو وہاں وہ سفید رنگ کی ڈیش کالے رنگ میں ظاہر ہوتی ہے ۔اور ظاہر ہے کہ لفظوں کے درمیان ڈیش کا ہونا بڑا مسئلہ ہے۔ دوسری بات یہ کہ اگر کوئی اردو محفل کے متون کو ڈیٹا بیس کے طور پر استعمال کرے تو ڈیش کی موجودگی الفاظ اور جملوں کی تقسیم میں مسئلہ پیدا کرے گی۔ اس لیے صرف ظاہری خوبصورتی پیدا کرنے کی خاطر یہ حل مجھے قابلِ عمل نظر نہیں آتا ۔
بہت نوازش، بہت آداب! بہت بہت شکریہ ، احمد بھائی!
سخنوروں کی طرف سے کلمۂ تحسین کا ملنا شاعری کے لیے آبِ حیات ہوتا ہے ۔ اللہ کریم آپ کو شاد و آباد رکھے! سلامت رہیں ! آپ ہمیشہ ہی میرے لفظوں کی عزت افزائی کرتے ہیں ۔
اور مجے سے تو آپ تاخیر کی بات ہی نہ کیا کریں ۔ میں خود ہمیشہ دیر کردیتا ہوں ۔
احمد بھائی ، ان مشاغل میں دیر سویر تو ہو ہی جاتی ہے ۔عام سی بات ہے۔ زندگی کی اپنی ترجیحات ہوتی ہیں ، سب سے پہلے ان کو نبھانا ضروری ہوتا ہے۔