بہت خوب محمود بھیا۔۔۔
ہم انتظار میں ہیں۔۔۔
ہم انتظار میں ہیں۔۔۔
میرا انتظار ہے اور بھرپور ہے۔ لیکن میں سوچ رہا ہوں کہ میں اس سب کا اہل بھی ہوں کہ نہیں۔ چند الفاظ جانتا ہوں۔ اور الفاظ سے تھوڑی بہت ہیرا پھیری کر لیتا ہوں۔کروں تو کیا کروں۔
دائیں طرف بھی اپنے ہیں اور بائیں جانب بھی اپنے۔
لیکن الفاظ ، بحور، ارکانِ بحور، زبان اور زبان کے دقیق مسائل۔ کیا ان سب میں کچھ حتمی بھی ہے۔ مرزا رفیع سودا کہ ان کی عظمت میں شک و شبہ کی گنجائش نہیں نکالی جا سکتی، ’’دھیان‘‘ کو بروزن "گمان‘‘ باندھتے ہیں۔ اور انہی دنوں خواجہ میر درد کہ ہماری شاعری میں ایک اہم ستون کا درجہ رکھتے ہیں۔ ’’دھیان‘‘ کو بروزن ’’پان‘‘ باندھتے ہیں۔ جی کوئی صاحب کہہ رہے ہیں کہ ’’دھیان ‘‘ سنسکرت زبان کا لفظ ہے۔ تو کیا ہوا؟ یہ عجیب اصول ہے کہ سنسکرت اور ہندی کے الفاظ کے ساتھ تو جو چاہو کرو لیکن فارسی، عربی کے ساتھ نہیں۔
بہت پہلے میں نے دھیان والا مسئلہ ایک صاحب کے گوش گزار کیا کہ علم و فن میں طاق ہیں، بولے " بیٹا! اب دھیان پورا نہیں بندھ سکتا۔۔ دان ہی بندھے گا"۔ ان کی بات تو مان لی لیکن دل نہیں مانا۔
الفاظ کی بھی اپنی کہانیاں ہیں۔
جناب ظفر اقبال نے کیا کچھ نہیں کیا لفظوں کے ساتھ ۔ اعتراضات بھی ہوئے، لیکن وہ نہ مانے۔ اور نتیجا ! آپ سب جانتے ہیں۔
جناب محب عارفی نے بحور میں تجربات کئے۔
مرحوم مختار صدیقی نے اپنی نظموں میں بحور کا تجربہ کیا۔
لیکن آج ایک نوجوان اٹھتا ہے، علمِ بغاوت بلند کرتا ہے تو ہم بھی لٹھ لے کر پڑ گئے ہیں۔
میں نے پہلے بھی کہا تھا کہ مغل صاحب کو موقع دیں۔ ان سے وضاحت طلب کی جائے۔ ان کے تجربے کو محض ان ہی کی حد تک سہی لیکن تھوڑا پھلنے پھولنے کا موقع تو دیجئے۔
مجھے کہنا ہے اپنی زباں میں کچھ اور بھی لیکن ابھی کچھ تحفظات ہیں۔
تو یہ کیا ہے؟؟؟ 