اس گلی کے کنارے

سیمل — اگست 5، 2006 11:54 صبح

اس گلی کے کنارے پر
دھوپ،
بہت سارے دکھ اوڑھے،
اداس درودیوار کے ساتھ،
لپٹ گئی ہے،
اس گلی کی،
ایک ایک اینٹ پر،
کئی گزرے نام ہیں،
مرجھائی ہوئی شاموں کے ،
کئی لمحے،
سیلن زدہ دروازوں،
اور کھڑکیوں کی درزوں میں،
جم گئے ہیں،
اس گلی کے ہر دروازے پر،
گزرے سال دستک دیتے ہیں،
اور چپ چاپ لوٹ جاتے ہیں،
یونہی کبھی کبھی،
اس گلی کے کنارے،
بچوں کے جھرمٹ میں ،
کوئی اپنا بچپن تکتا ہے،
تو،
تتلی پکڑنے کے دن،
آنکھوں میں ،
آنسوؤں کے جگنو بھر دیتے ہیں،
اس گلی کے کنارے پر،
تم کبھی جاؤ تو،
دھوپ،
ماضی کے بہت سارے دکھ ،
لپیٹے،
برستی بارشوں کا،
انتظار کر رہی ہے۔

ماوراء — اگست 5، 2006 2:52 شام

بہت خوب سیمل!

محب علوی — اگست 5، 2006 3:03 شام

کیا بات ہے سیمل

پاکستانی — اگست 5، 2006 8:53 شام

خوب سیمل

دوست — اگست 6، 2006 5:16 صبح

اچھی شاعری ہے۔

الف عین — اگست 6، 2006 7:34 صبح

نظم سمت کے اگلے شمارے کے لئے منتخب۔ اجازت کی ضرورت ہو تو دے دو۔
اور اپنا درست اور صحیح نام ذ پ کر دو۔

سیمل — اگست 6، 2006 9:24 صبح

ماوراء
ًمحب
پاکستانی
دوست۔۔۔ آپ سب کا تشریف آوری کا بے حد شکریہ۔۔۔۔۔

اور اعجاز بھائی۔۔۔ اجازت کی کوئی ضرورت نہیں۔۔۔
میرا اصلی نام ہے “ثوبیہ امبر“ اسی نام سے لکھتی ہوں۔۔۔۔ اور امبر تخلص بھی ہے۔۔۔

قیصرانی — اگست 6، 2006 10:32 صبح

بہت عمدہ سیمل صاحبہ

حجاب — اگست 6، 2006 7:40 شام

بہت خوب سیمل

شاکرالقادری — اگست 24، 2006 7:58 شام

واہ ۔۔۔۔۔۔۔ بہت خوبصورت جذبات اور محسوسات کی عکاسی ہے اس نظم میں لیکن شاعری چاہے نظم ہو یا غزل اسے موزوں تو ہونا چاہیے نا ۔۔۔۔۔ اب دیکھیے نظم ۔۔۔۔ نام ہی تنظیم و ترتیب کا ہے اور نظم میں ۔۔۔ نظم ہی نہ ہو تو ۔۔۔؟
نظم ۔۔۔۔۔۔ الفاظ کی حسن ترتیب ترتیب اور اوزان کی خاص ترتیب سے عبارت ہے
اور کسی بھی منظورم کلام میں ان عناصر کا فقدان معائب سخن میں شمار ہوتا ہے

سیمل — اگست 26، 2006 6:03 صبح

قیصرانی، حجاب ، شاکرالقادری آپ سب کا شکریہ۔۔۔۔ شاکر بھائی آپ کی رائے کا بھی شکریہ ۔۔۔ آئندہ لکھتے وقت میں اس چیز کو بھی ذہن میں رکھوں گی

ظفری — اگست 26، 2006 6:41 صبح

واہ ۔۔۔ کتنی خوبصورت نظم ہے ۔۔۔ میں نے پہلے کیوں نہیں دیکھی ۔۔۔ بہت خوب سیمل جی ۔

شاکرالقادری — اگست 27، 2006 9:10 شام

سیمل جی
سلام ۔۔۔۔۔۔ مزاج بخیر
میری رائے کو اتنی اہمیت دینے کا شکریہ
ایک اور اہم بات کی طرف آپ کی توجہ دلاٶں
وہ یہ کہ آپ نے اپنے دستخطوں میں حضرت حکیم الامت رحمتہ اللہ علیہ کا ایک مصرعہ شامل کر رکھا ہے جو شاید غلطی سے یوں لکھا گیا ہے
دی۔۔۔۔۔۔گر دان۔۔۔۔ائے راز آی۔۔۔۔۔۔د نہ آی۔۔۔۔۔د
جبکہ درست اور صحیح الفاظ یوں ہیں
دگر دان۔۔۔ائے راز آی۔۔۔۔۔۔د کہ نای۔۔۔۔۔د
اب پورا قطع بھی لکھ دو تو بہتر ہوگا

س۔۔۔۔۔رود رف۔۔۔۔تہ باز آید ک۔۔۔۔۔ہ نای۔۔۔۔۔۔۔۔۔۔۔۔۔۔۔۔۔د
نس۔۔۔۔۔۔۔۔۔۔۔۔۔یمے از حج۔۔۔۔۔از آید کہ ن۔۔۔۔۔۔۔۔اید
س۔۔۔۔ر آم۔۔د روز گارے ای۔۔۔۔۔۔۔۔۔ن فق۔۔۔۔۔ی۔۔۔۔۔۔رے
دگ۔۔۔۔۔۔۔ر دانائے راز آی۔۔۔۔۔۔۔۔۔۔د ک۔۔۔۔۔ہ ن۔۔۔۔۔۔۔۔اید

مصرعوں میں تقدیم یا تاخیر ہوگئی ہو تو معذرت چاہتا ہوں

سیمل — اکتوبر 3، 2006 5:10 شام

ظفری آپ کو خوش آمدید اور آپکا پسندیدگی کا شکریہ۔۔۔
شاکر بھائی۔۔۔میں واقعی اس قطعہ کی تلاش میں تھی۔۔ اور اب میں اسے ایڈٹ کر چکی۔۔۔۔ آپ کے لیے دعا۔۔۔۔۔