اقبال ہمارا شاعر ہے::نظم از:: محمد خلیل الرحمٰن

محمد خلیل الرحمٰن — نومبر 9، 2019 9:48 صبح

اقبال ہمارا شاعر ہے
از محمد خلیل الرحمٰن
ہر مسلم کو گرمانا ہے
اقبال کے شعر سُنانا ہے
سب دنیا نے یہ مانا ہے
ہم بچوں نے بھی جانا ہے

اقبال ہمارا شاعر ہے

یہ پاکستان کا شاعر ہے
اور ہندوستان کا شاعر ہے
بلکہ ایران کا شاعر ہے
یہ ہر میدان کا شاعر ہے

یہ کتنا پیارا شاعر ہے

ہندی کا ترانہ شعروں میں
آدم کا فسانا شعروں میں
اِک دور پرانا شعروں میں
اور نیا زمانا شعروں میں

اردو کا دُلارا شاعر ہے

اشعار مثالِ گوہر ہیں
دُنیائے ادب کے زیور ہیں
افکار مگر بالا تر ہیں
جراح کے گویا نِشتر ہیں

اقبال اِک پیارا شاعر ہے

عربی ، ہندی، تُرکی ، تازی
سب مسلِم اِس کے ہیں غازی
جیتی تھی جنھوں نے ہر بازی
بچوں کو سِکھائے شہبازی

اقبال ہمارا شاعر ہے

الف نظامی — نومبر 9، 2019 9:52 صبح

زبردست! بہت اعلیٰ!

الف عین — نومبر 9، 2019 10:34 صبح

بھائی محمد خلیل الرحمٰن دوسروں کو مشورہ دیتے ہو کہ آپ کی شاعری کے زمرے میں پوسٹ کریں اور انکسار کا یہ عالم کہ خود مستقل اصلاح سخن کے تحت پوسٹ کرتے ہیں!
اگر میری نظروں میں کوئی غلطی نظر آئی تو میں بخشنے والا نہیں چاہے وہ پسندیدہ کلام کے زمرے میں ہی کیوں نہ ہو! لیکن وہاں سننے والا کون ہے؟

محمد خلیل الرحمٰن — نومبر 9، 2019 11:17 صبح

الف عین نے کہا:
بھائی محمد خلیل الرحمٰن دوسروں کو مشورہ دیتے ہو کہ آپ کی شاعری کے زمرے میں پوسٹ کریں اور انکسار کا یہ عالم کہ خود مستقل اصلاح سخن کے تحت پوسٹ کرتے ہیں!
اگر میری نظروں میں کوئی غلطی نظر آئی تو میں بخشنے والا نہیں چاہے وہ پسندیدہ کلام کے زمرے میں ہی کیوں نہ ہو! لیکن وہاں سننے والا کون ہے؟

استادِ محترم کے حکم کی تعمیل میں اس نظم کو اس زمرے میں پیش کر رہے ہیں۔

محمد خلیل الرحمٰن — نومبر 9، 2019 11:46 صبح

الف نظامی نے کہا:
زبردست! بہت اعلیٰ!

آداب عرض ہے الف نظامی بھائی!

محمداحمد — نومبر 9، 2019 12:13 شام

بہت ہی خوب خلیل الرحمٰن بھائی!
زبردست!

محمداحمد — نومبر 9، 2019 12:13 شام

آج کل بچوں کےلئے نظمیں شاذ ہی پڑھنے کو ملتی ہیں۔
آپ کی اس سلسلے میں مسلسل کاوشیں لائقِ صد ستائش ہیں۔

عمران سرگانی — نومبر 9، 2019 1:15 شام

کمال ہے نظم ہے۔۔۔

الف نظامی — نومبر 9، 2019 1:26 شام

محمداحمد نے کہا:
آج کل بچوں کےلئے نظمیں شاذ ہی پڑھنے کو ملتی ہیں۔
آپ کی اس سلسلے میں مسلسل کاوشیں لائقِ صد ستائش ہیں۔

محمداحمد آپ بھی اس سلسلہ میں تعاون کیجیے اور خیراتِ سخن عطا کیجیے۔

محمد خلیل الرحمٰن — نومبر 10، 2019 6:45 صبح

محمداحمد نے کہا:
بہت ہی خوب خلیل الرحمٰن بھائی!
زبردست!

آداب

محمد خلیل الرحمٰن — نومبر 10، 2019 6:46 صبح

عمران سرگانی نے کہا:
کمال ہے نظم ہے۔۔۔

آداب عرض ہے

محمد خلیل الرحمٰن — نومبر 10، 2019 9:13 صبح

محمداحمد نے کہا:
آج کل بچوں کےلئے نظمیں شاذ ہی پڑھنے کو ملتی ہیں۔
آپ کی اس سلسلے میں مسلسل کاوشیں لائقِ صد ستائش ہیں۔

آپ محفلین کی محبت ہے جو یوں سمجھتے ہیں! خوش رہیے۔

بافقیہ — نومبر 11، 2019 4:42 صبح

خوب اور بہت خوب!!!
بلکہ اگر میرا مشورہ قبول ہو تو اسلامی شخصیات پر بچوں کیلئے نظمیں لکھنی چاہئے۔۔۔
اگر چھوٹا منھ بڑی بات نہ ہو تو یہ کہنے کی جرأت سے زیادہ ضرورت سمجھ کر لکھ رہا ہوں کہ شعرا نے بہت ہی خوبصورت نظمیں لکھی ہیں۔ لیکن بچوں کو اشعار اور نظموں میں دین کی تعلیم سے روشناس کرانا نایاب نہیں تو کم یاب ضرور ہے۔
ہاں اس میں دو رائے نہیں کہ ہمارے خزانے میں آداب و اخلاقیات پر بہت کچھ لکھا ملتا ہے مگر کافی اسے بھی نہیں کہہ سکتے ۔
افسوس ہے جس اعلی پیمانے پر مغرب میں بچوں کے ادب پر کام ہورہا ہے ، بر صغیر میں اگر اس کا عشر عشیر بھی ہو تو ہمارے بچے بچپن ہی سے نیک جذبوں ، بلند ارادوں سے آگے بڑھ سکیں گے۔ اور اپنا مستقبل خود بنانے کی کوشش کریں گے۔ بچوں کے پیچھے لگنے والی ہماری آدھی محنتیں تو یوں ہی کم ہوجائیں گی۔

محمد خلیل الرحمٰن نے کہا:
بچوں کو سِکھائے شہبازی

سکھائے یا سکھائی؟؟؟

ظہیراحمدظہیر — نومبر 14، 2019 6:44 صبح

زبردست! خلیل بھائی، بہت اچھی باتیں لکھی ہیں۔ اچھی نظم ہے !!!
دوسرے مصرع میں ٹائپو ہے شاید ۔ کا کے بجائے کے لکھا گیا ہے ۔ اقبال کا شعر ہونا چاہئے۔

جاسمن — نومبر 14، 2019 7:38 صبح

بچوں کے لیے بہت پیاری نظم ہے۔ سب محفلین جانتے ہیں کہ آپ بچوں سے کس قدر لگاؤ رکھتے ہیں۔ اکثر ہی آپ ان کے لیے کچھ خاص تحفہ لیے آتے ہیں۔
ماشاءاللہ۔ اللہ آپ کو اپنی خاص رحمت کے سائے میں رکھے ہمیشہ۔ آمین!