اگر ھو سکے تو ۔۔۔۔۔۔۔۔۔۔۔۔۔۔۔۔۔۔۔!!!!!!

میں نے دیکھا کچھ لوگوں کو
ویران چہرے بنجر آنکھیں
جن میں کہیں کوئ سپنا نہ تھا
آنکھوں میں نمی کے ساتھ
ھزار شکوے تیر رھے تھے
وہ خاموش لبوں سے آسمان کی طرف دیکھتے ھوئے
خدائے واحد کی ذات سے شکوے کر رھے تھے
مگر سوچو تو ۔۔۔۔۔۔۔۔۔۔
اللہ تو کسی سے زیادتی نہیں کرتا
قدرت تو ھر ایک کو برابر حصہ دیتی ھے
ھوا سب کے لیے چلتی ھے
سورج اپنی کرنیں سب پہ لٹاتا ھے
چاند اپنی چاندنی کے ساتھ غریب کے آنگن میں بھی اترتا ھے
پھول محل ھو کہ غریب کی کٹیا ایک سی خوشبو بکھیرتا ھے
میٹھے پانی کے جھرنا سب کے لیے بہتا ھے
بادل سب پہ برستا ھے
شجر ھر کسی کوپھل اور چھاؤں دیتا ھے
اللہ سب کو قوتِ بازواورسوچنے سمجھنے کی سب حِسیں دیتا ھے
یہ دنیا کی تقسیم
یہ لوگوں کے دلوں میں بڑھتی ھوئ خلیج
یہ ذات پات یہ رسموں رواج
یہ انسانوں کو مشکل میں ڈالنے والی روایتیں
یہ تو انسانوں کی اپنی بنائ ھوئ ھیں
تو پھر شکوہ اللہ کی ذات سے کیوں
ذات پات کی قید سے رہائ ممکن ھے
روایتوں کو بدلہ جا سکتا ھے
رسموں رواج بدل سکتے ھیں
مگر بدلے گا کون ؟؟
کیا اللہ اترے گا فرشتوں کے لشکر کے ساتھ ؟؟
انسانوں کے بنائے ھوئے قانونوں انسان بدل سکتا ھے
اگر ھو سکے تو تم ایک پل کے لیے سوچنا
یہ جو ابد سے چلے آرھے ھیں دنیا کے معبود دنیا کے نا خدا
جن کے سامنے زمانہ سر جھکاتا ھے
اللہ ان کے ساتھ کیا کرتا ھے
کیسے ان کے محل تہ وبالا کرتا ھے
ان کو قیامت تک کے لیے عبرت کا نشان بنا دیتا ھے
مگر لوگ سوچتے سمجھتے نہیں
پہلے زمانوں کے خداؤں کے محل ابھی بھی قائم ھیں
یہ عبرت کا نشان ھیں آج کے دولت کے پجاریوں کے لیے
مگر لوگوں کے پاس دولت کی طاقت ھے سوچنے سمجھنے کی نہیں
اگر شکوہ کرنا ھے تو دنیا کے خداؤں سے کرو
لب کھولنے ھیں تو ان کے سامنے کھولو
حق کے لیے لڑنا ھے تو ان سے لڑو
اگر ھو سکے تو
اللہ کی ذات کائنات کے رازوں کو سمجھو
اگر ھو سکے تو ۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ سعدیہ سحر

سعدیہ۔ آپ کی تعریف بھی کی جائے تو آپ سنتی نہیں۔ ذرا ادھر ادھر بھی گھومئے اور دل چسپی لیجئے۔ صرف اپنی شاعری میں ہر بار ایک نیا موضوع کھولنے کے علاوہ بھی ًھفل گردی کریں۔ بحر و اوازان سے واقفیت حاصل کریں۔

شکریہ ۔۔۔۔۔۔۔۔
میں اردو محفل میں لوگوں کی تحریریں پڑھتی ھوں ۔ تبصرے کم کرتی ھوں سیکھنے میں وقت لگے گا ۔ جو بات میرے دل پہ لگتی ھے اس پہ لکھتی ھوں میں اپنے آپ کو شاعرہ نہیں سمجھتی کیونکہ میں شاعری کے بارے میں کچھ نہیں جانتی کبھی کچھ ایسا ھوتا ھے آپ اپنے آپ کو روک نہیں سکتے پھر جو دل میں آتا جاتا ھے لکھ دیتی ھوں

چلیئے ۔۔ اللہ کرے زورِ قلم مشقِ سخن تیز

بہت خوب جناب لکھتی رہئے