ایک اور تازہ غزل

پھر اسے الوداع کہا میں نے
خود سے خود کو جدا کیا میں نے
بھیا مصرع اولی میں آپ نے الوداع -- الودا باندھا ہے ، عین بروزنِ غین ہوتی ہے ۔۔ لہذا نا موزوں ہوگیا ۔ یہ میری کم علمی ہے ۔۔ بات غلط بھی ہوسکتی ہے
ما ننا دل کا فیصلہ ہے اب
کر لیا ہے یہ فیصلہ میں نے
مشکلوں سے جسے قریب کیا
عجلتوں میں گنوا دیا میں نے
کتنے نزدیک سے اسے دیکھا
درمیاں رکھ کے فاصلہ میں نے
ایک چپ کام کر گئی کتنا
جیسے سب کچھ ہی کہہ دیا میں نے
باقی غزل خوب ہے ۔ داد حاضر ہے ۔۔ گر قبول افتد ۔
اللہ کرے زورِ قلم مشقِ‌سخن تیز۔ اس وقت کچھ عجلت میں‌ہوں ۔۔ کل دوبارہ حاضر ہوتا ہوں ۔
والسلام

اگر ایسا ہے تو الواداع کی جگہ کوئی اور لفظ لگا لیتے ہیں

کتنے نزدیک سے اسے دیکھا
درمیاں رکھ کے فاصلہ میں نے
لا جواب، بہت خوب!
اور پیشِ مطلع میں آپ کو کوئی اور لفظ تو 'لگانا' ہی پڑے گا وگرنہ کہیں نہ کہیں، کوئی نہ کوئی آپ کو ضرور یاد دلاتا رہے گا اس سے "بہتر" لفظ ڈھونڈنے کیلیے!

السلام علیکم
محترم سلیمان جاذب جی
ماشااللہ
بہت خوب
،،،،،،،،
ایک چپ کام کر گئی کتنا
جیسے سب کچھ ہی کہہ دیا میں نے
۔۔۔۔
زبردست
اللہ کرے زور علم و عمل اور زیادہ آمین
نایاب

ما ننا دل کا فیصلہ ہے اب
کر لیا ہے یہ فیصلہ میں نے

مزید نمائش کے لیے کلک کریں۔۔۔

واہ کیا بات کی ہے۔۔عقل کو تابع دل کر دیا۔۔اور یہ فیصلہ بھی عقل ہی نے خود کیا۔عشق کی بات کر دی۔۔منطق کو تابع عشق کر دیا۔
بہت خوب۔مبارک ہو جناب

اچھی غزل ہے۔ لیکن وہ مطلع کا معاملہ جس کی جانب محمود نے اشارہ کیا ہے؟

جی بس آپ لوگوں کی محبت ہے
میں نے کئی لفظ لگادیکھے لیکن کچھ بات نہ بن پائی
لفظ ڈھوندنے نکلا مطلع ہی بدل گیا

لاجواب جناب لا جواب کیا بات آپ کی بہت خوب بہت اچھی غزل ہے میری طرف سے مبارک باد قبول کریں اللہ تعالیٰ آپ کو کامیاب فرمائیں آمین اسی طرح لکھتے رہیں

الوداع اس کو پھر کہا میں نے
خود سے خود کو جدا کیا میں نے

لے جی سلیمان بھائی آپ کا کام تو ہو گیا
شکریہ وارث صاحب

دیکھا استاد آخر استاد ہوتا ہے چٹکی میں ہو گیا آپکا کام۔۔۔۔۔۔۔۔استاد محترم کا بہت شکریہ۔

نعمان صاحب مجھے شک پڑ رہا ہے کہ آپ کا اشارہ اس خاکسار کی طرف ہے، لیکن یار خدا را مجھے اسطرح سے مت لکھیں، آپ مجھے وارث، محمد وارث، وارث صاحب، وارث بھائی، اوئے وارث یا جو دل میں آئے لکھیئے لیکن سچ بات یہ ہے کہ مجھے اس طرح سے مخاطب کیے جانا زہر لگتا ہے

ٹھیک ہے وارث بھائی اتنی زیادہ اپنائیت دینے کا بہت بہت شکریہ۔۔۔۔۔دراصل مجھے آپکو ایسا کہنا بہت اچھا لگتا ہے کیوں کہ اس سے زیادہ مجھے کوئی ایسا لفظ مل نہیں رہا جس سے میرے دل میں آپ کے لیے عزت کو کچھ نمائش مل سکے۔ مگر آپ کہتے ہیں تو ٹھیک ہے آپ کو وارث بھائی یا بھیا کہ دیا کروں گا۔۔۔۔مگر مزہ نہیں آئے گا کہ میں دوسروں کو بھی ایسا ہی کہہ کے مخاطب کرتا ہوں کوئی فرق تو ہونا چاہیئے۔۔۔۔۔۔۔۔

محمد وارث نے کہا:

الوداع اس کو پھر کہا میں نے
خود سے خود کو جدا کیا میں نے

مزید نمائش کے لیے کلک کریں۔۔۔

واہ بہت خوب جناب ۔ ’’ ا لف کے وصال ‘‘ نے کام کردکھا یا
بہت شکریہ وارث صاحب۔
والسلام

سبھی بھائیوں کی مہربانی جب تک میں اپنے مطلع کے ساتھ آیا تب تک مطلع آیا چکا تھا میں وارث بھائی کا شکر گزار ہوں اور مغل بھائی کا ممنون
اس غزل کے ساتھ آپ کی محبت دیکھ کر مجھے بہت اچھا لگا
ایک بات جو میں آپ کے سامنے رکھنا چاہتا ہوں وہ یہ ہے کہ میں نے ایک تازہ غزل کہی ہے کیسے کہہ دی پتہ نہیں بس ایک لَے دماغ میں آئی اور غزل کہہ دی بس
آپ لوگ اگر مناسب سمجھیں تو اس پر بھی اپنی آراء دے دیں
مجھے بہت خوشی ہو گی
اس کت لیے ایک الگ دھا گا کھول رہا ہوں

شکریہ سلیمان بھائی ۔ آپ کی محبت ہے ورنہ میں کیا میری اوقات کیا ۔
والسلام