ایک تازہ غزل۔ کوہ کن کے خمار کی باتیں

سید عاطف علی — ستمبر 26، 2020 4:24 شام

کوہ کن کے خمار کی باتیں
سنگ،آہن، شرار کی باتیں
چھوڑو سب کاروبار کی باتیں
دارِ ناپائدار کی باتیں
اب فقط راس یہ ہی آتی ہیں
زندگی سے فرار کی باتیں
پڑھ کے رویا بہت کوئی سرِگور
سنگ لوح مزار کی باتیں
زندگی نے بتائیں شام کے وقت
تنگ ہوتے حصار کی باتیں
کس کو دکھلائیں کس کو بتلائیں
دامنِ تار تار کی باتیں
شبِ تیرہ کو رکھتی ہیں روشن
گیسوئے تابدار کی باتیں
وہ فقیروں میں آکے کرتے ہیں
کرسی و اقتدار کی باتیں
یہ وظیفہ ہے اب مرا شب و روز
اس کے لیل و نہار کی باتیں
کیوں طبیعت پہ جبر کرتے ہو
کر کے تم اختیار کی باتیں
چین لینے نہ دیں گی تجھ کو بھی
تیرے اک جاں نثار کی باتیں
پھر تبسم زدہ ترا وعدہ
پھر ترے انتظار کی باتیں
کیا سمجھ پائیں مانی و بہزاد
ان کے نقش و نگار کی باتیں
جز ترے ہر کوئی سمجھتا ہے
تیرے اس دل فگار کی باتیں
ان کی آنکھوں پہ ختم ہیں عاطف
آہوانِ تتار کی باتیں

محمد خلیل الرحمٰن — ستمبر 26، 2020 4:34 شام

خوبصورت خوبصورت!!!

سید عاطف علی نے کہا:
کیا سمجھ پائیں مانی و بہزاد
ان کے نقش و نگار کی باتیں

کیا خوب۔ واہ

احمد محمد — ستمبر 26، 2020 4:35 شام

شاہ صاحب! بہت اعلیٰ۔

محمد عبدالرؤوف — ستمبر 26، 2020 6:29 شام

بہت خوب، اعلیٰ

سید عاطف علی نے کہا:
آہوانِ تتار

اگر اپنی کم علمی پر شرمسار ہوا جائے تو سیکھنے کا عمل یقیناً رک جائے گا اس لیے بے دھڑک سوال کر رہا ہوں کہ

ذرا اس کی بھی وضاحت فرما دیں کہ تاتاری ہرن میں کچھ منفرد خاصیت ہوتی ہے؟

سید عاطف علی — ستمبر 26، 2020 6:36 شام

abdul.rouf620 نے کہا:
ذرا اس کی بھی وضاحت فرما دیں کہ تاتاری ہرن میں کچھ منفرد خاصیت ہوتی ہے؟

یہ غزالانِ تاتار اپنی خوبصورتی کے علاوہ اپنے نافۂ مشک کی وجہ سے بھی ممتاز ہو تے ہیں ۔

سید عاطف علی — ستمبر 26، 2020 6:40 شام

سید عاطف علی نے کہا:
یہ غزالانِ تاتار اپنی خوبصورتی کے علاوہ اپنے نافۂ مشک کی وجہ سے بھی ممتاز ہو تے ہیں ۔

میرے خیال میں ان کی بابت کچھ اسطوری نوعیت کی روایتی خصوصیات بھی مذکور ہیں مثلاً جب نافہ میں مشک بھر جاتا ہے سے یہ سونا بند کر دیتا ہے اور اسے ہر دم اپنے نافۂ مشک کی فکر رہتی ہے تا آنکہ یہ شکار نہ ہو جائے ۔

سید عاطف علی — ستمبر 26، 2020 11:15 شام

محمد خلیل الرحمٰن نے کہا:
خوبصورت خوبصورت!!!
کیا خوب۔ واہ

شکریہ اور صد آداب خلیل بھائی ۔

صابرہ امین — ستمبر 27، 2020 2:17 صبح

سید عاطف علی نے کہا:
اب فقط راس یہ ہی آتی ہیں
زندگی سے فرار کی باتیں
کیا سمجھ پائیں مانی و بہزاد
ان کے نقش و نگار کی باتیں

شاندار اور خوبصورت باتیں ۔ ۔ ڈھیروں داد

ظہیراحمدظہیر — ستمبر 28، 2020 12:12 صبح

بہت خوب! اچھے اشعار ہیں ، عاطف بھائی ! ویسے یہ غزل آپ کے عمومی انداز سے ہٹ کر ہے اور خوب ہے ۔
کیا سمجھ پائیں مانی و بہزاد
ان کے نقش و نگار کی باتیں
کیا اچھا کہا ہے! واہ!
ویسے عاطف بھائی ، کیا سنگِ مزار اور لوحِ مزار ایک ہی بات نہیں ؟!

محمد وارث — ستمبر 28، 2020 6:22 صبح

عمدہ رواں غزل ہے سید صاحب، بہت خوب۔

سید ذیشان — ستمبر 28، 2020 7:08 صبح

بہت عمدہ سید عاطف علی بھائی

سیما علی — ستمبر 28، 2020 7:13 صبح

سید عاطف علی نے کہا:
ان کی آنکھوں پہ ختم ہیں عاطف
آہوانِ تتار کی باتیں

واہ واہ
بھیا آپ کے مزاج سے ہٹ کے لیکن بہت شاندار :flower:

ڈھیروں دعایئں۔۔۔

سید عاطف علی — ستمبر 28، 2020 7:40 صبح

ظہیراحمدظہیر نے کہا:
بہت خوب! اچھے اشعار ہیں ، عاطف بھائی ! ویسے یہ غزل آپ کے عمومی انداز سے ہٹ کر ہے اور خوب ہے ۔
کیا سمجھ پائیں مانی و بہزاد
ان کے نقش و نگار کی باتیں
کیا اچھا کہا ہے! واہ!
ویسے عاطف بھائی ، کیا سنگِ مزار اور لوحِ مزار ایک ہی بات نہیں ؟!

بہت شکریہ اور بہت آداب ظہیر بھائی ۔
بات محاوراتی طور پر تو کافی حد تک ٹھیک ہے (خصوصاً مزار کے ساتھ) لیکن لوح، سنگ سے زیادہ با معنی اور الگ چیز ہے ۔پہلے نقش لوح مزار اور حرف لوح مزار سوچا تھا لیکن پھر یہ نہ جانے یہ کیوں رکھ دیا ۔
اور بس یونہی دو تین اشعار زبان پر آگئے تو غزل کی شکل بنا ڈالی ۔

آپ کی پذیرائی سے کاوش وصول ہوئی ۔

سید عاطف علی — ستمبر 28، 2020 5:52 شام

abdul.rouf620 نے کہا:
بہت خوب، اعلیٰ

شکریہ و آداب عبدالرؤوف صاحب ۔

سید عاطف علی — اکتوبر 2، 2020 10:52 صبح

احمد محمد نے کہا:
شاہ صاحب! بہت اعلیٰ۔

بہت شکریہ و آداب احمد صاحب۔

سید عاطف علی — اکتوبر 2، 2020 10:53 صبح

محمد وارث نے کہا:
عمدہ رواں غزل ہے سید صاحب، بہت خوب۔

آداب وارث بھائی ۔ سلامت رہیں ۔

سید عاطف علی — اکتوبر 2، 2020 11:10 صبح

صابرہ امین نے کہا:
شاندار اور خوبصورت باتیں ۔ ۔ ڈھیروں داد

شکریہ و آداب۔ صابرہ بٹیا۔ جیتی رہیئے ۔

سید عاطف علی — اکتوبر 2، 2020 11:12 صبح

سیما علی نے کہا:
بھیا آپ کے مزاج سے ہٹ کے لیکن بہت شاندار

آداب و شکریہ آپا ۔ ہمیشہ سلامت رہیں ۔

امین شارق — اکتوبر 2، 2020 11:15 صبح

سید عاطف علی نے کہا:
کوہ کن کے خمار کی باتیں
سنگ،آہن، شرار کی باتیں
چھوڑو سب کاروبار کی باتیں
دارِ ناپائدار کی باتیں
اب فقط راس یہ ہی آتی ہیں
زندگی سے فرار کی باتیں
پڑھ کے رویا بہت کوئی سرِگور
سنگ لوح مزار کی باتیں
زندگی نے بتائیں شام کے وقت
تنگ ہوتے حصار کی باتیں
کس کو دکھلائیں کس کو بتلائیں
دامنِ تار تار کی باتیں
شبِ تیرہ کو رکھتی ہیں روشن
گیسوئے تابدار کی باتیں
وہ فقیروں میں آکے کرتے ہیں
کرسی و اقتدار کی باتیں
یہ وظیفہ ہے اب مرا شب و روز
اس کے لیل و نہار کی باتیں
کیوں طبیعت پہ جبر کرتے ہو
کر کے تم اختیار کی باتیں
چین لینے نہ دیں گی تجھ کو بھی
تیرے اک جاں نثار کی باتیں
پھر تبسم زدہ ترا وعدہ
پھر ترے انتظار کی باتیں
کیا سمجھ پائیں مانی و بہزاد
ان کے نقش و نگار کی باتیں
جز ترے ہر کوئی سمجھتا ہے
تیرے اس دل فگار کی باتیں
ان کی آنکھوں پہ ختم ہیں عاطف
آہوانِ تتار کی باتیں

بہت خوب، اعلیٰ

سید عاطف علی — اکتوبر 2، 2020 1:07 شام

امین شارق نے کہا:
بہت خوب، اعلیٰ

آداب و شکریہ امین شارق صاحب ۔