ایک نظم-- معجزہ ۔۔۔ نوید صادق

نوید صادق

معجزہ​

ہمارے ہاتھ کٹنے سے بہت پہلے
سُنا ہے، لوگ کہتے تھے
”یہاں اک شہسوار آئے گا
جس کی چاپ سے دیوارِ استبداد میں رخنے پڑیں گے
ملائک آسمانوں سے اُتر آئیں گے اُس کے ساتھ چلنے کو
وہ اپنے گُرزِ ہیبت ناک سے،تلوار سے
خوشحالیوں کے عہد کی بُنیاد رکھے گا“
بہت ممکن ہے
اب بھی لوگ کہتے ہوں
”یہاں اک شہسوار آئے گا
جس کی چاپ ---- !!!! “
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(ںوید صادق)

اے ہے ۔۔ اف فففف۔۔۔
سبحان اللہ ، سبحان اللہ ، سبحان اللہ ، سبحان اللہ ، ۔۔۔ نوید بھائی جواب نہیں ، ۔ کمال تاثر ہے نظم کا، مجھے تو لگتا ہے روایت شکنی میں آپ ہمیں اپنا مرید قبول کرہی لیں گے ، کمال اوج پر ہے نظم اپنی حسیت، نفسِ مضمون ، اتار چڑھاؤ،دروبست اور وحدتِ تاثر۔۔۔ ایک سے ایک ندرت ایک ایک کمال ، اس پرسہاگہ کہ نظم طویل نہیں ، حالانکہ موضوع مکمل نشست کا متقاضی ہے ، ۔۔ سب سے بڑی بات کہ نظم کا مزاج سرگوشی پر منطبق ہے اور قصہ خوانی کی مجلس میں مجلسیوں کے چہروں پر زرد الاؤ کے رنگ میں بے یقینی کی گومگوں کیفیت چھوڑتا ہوا۔۔۔۔ ایں سعادت بزورِ بازو نیست، کاش مجھے دست بوسی کا شرف حاصل ہوتا آپ سے۔۔

م۔م۔مغل نے کہا:

کاش مجھے دست بوسی کا شرف حاصل ہوتا آپ سے۔۔

مزید نمائش کے لیے کلک کریں۔۔۔

آپ ہمیں شرمندہ کرنے کی ایک عدد ناکام کوشش کر رہے ہیں!!

زبردست نوید صادق صاحب! بہت خوب

نوید صادق نے کہا:

آپ ہمیں شرمندہ کرنے کی ایک عدد ناکام کوشش کر رہے ہیں!!

مزید نمائش کے لیے کلک کریں۔۔۔

قبلہ ، نہ تو مجھے منافقت آتی ہے اور نہ شعوری طور پر ایسا کرتا ہوں ۔ سو میرے بیان کوشرمندہ کرنے کے تناظر میں مت لیجیے ۔
اے کاش کے میں روانی میں دست بوسی کی بجائے قدم بوسی لکھ جاتا ۔اے کاش

مجھے یہ سمجھ ہی نہیں آئی

اوہ۔۔ گڑیا ۔۔ کیا میں کوشش کروں‌سمجھانے کی ؟؟
(‌اس نظم پر ایک تنقیدی مضمون لکھا جاسکتا ہے ، انشا اللہ تفہیم آسان ہوجائے گی )

ملائکہ نے کہا:

مجھے یہ سمجھ ہی نہیں آئی

مزید نمائش کے لیے کلک کریں۔۔۔

دست بوسی؟ قدم بوسی؟ یا نظم؟

تینوں ۔ ہاہاہا ۔۔ نوید بھائی ۔ یہ اپنی ملو بٹیا ایسی ہی شرارتی ہیں‌۔۔

نوید صاحب، بہت عمدہ نظم کہی ہے۔ اس نظم کی خوبی اس کا اختصار اور جامیعیت ہے۔ ملائکہ صاحبہ کو نظم شاید ڈرامائی اختتمام کی وجہ سے سمجھ نہیں آئی۔

میں بتاؤں آصف بھائی ۔۔۔۔ ؟؟/
انہیں بہت سے لفظ سمجھ نہیں آئے ۔۔۔

جی ہاں بالکل

سب مایا ہے۔

معجزہ
ہمارے ہاتھ کٹنے سے بہت پہلے
سُنا ہے، لوگ کہتے تھے
”یہاں اک شہسوار آئے گا
جس کی چاپ سے دیوارِ استبداد میں رخنے پڑیں گے
ملائک آسمانوں سے اُتر آئیں گے اُس کے ساتھ چلنے کو
وہ اپنے گُرزِ ہیبت ناک سے،تلوار سے
خوشحالیوں کے عہد کی بُنیاد رکھے گا“
بہت ممکن ہے
اب بھی لوگ کہتے ہوں
”یہاں اک شہسوار آئے گا
جس کی چاپ ---- !!!! “
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (ںوید صادق

نقوی صاحب اپنا تعار ف باقائدہ دیجے ، تعارف کی لڑی میں ویسے آپ کا تکیہ کلام ” سب مایہ ہے ’’ بھی خوب تعارف ہے ۔

کبھی اے حقیقتِ منتظر نظر آ لباس مجاز میں ۔
بہت خوب جناب نوید صادق صاحب نہایت عمدہ نظم ہے ۔

واہ نوید۔ واقعی کیا ڈرامائی نظم کہی ہے۔ ماشاء اللہ۔ لگتا ہے کہ نظموں کا ایک مجموعہ ہونے والا ہے۔