اے ماں تجھے سلام۔۔شاعرہ فائزہ رضوی

تُو رشتہءِ دوام ہے اے ماں تجھے سلام
یہ دل تمہارے نام ہے اے ماں تجھے سلام
دنیا میں سب حوالوں سے تُو معتبر ہُوئی
اونچا ترا مقام ہے اے ماں تجھے سلام
تیری محبتوں کا کہاں دین دے سکوں
میرا تو صبح و شام ہے اے ماں تجھے سلام
تیرے بغیر دل کو کہیں بھی سکوں نہیں
تو چاہتوں کا جام ہے اے ماں تجھے سلام
کچھ فائزہ کہوں تو مکرر یہی کہوں
اے ماں تجھے سلام ہے ، اے ماں تجھے سلام
فائزہ رضوی

واہ بہت خُوب

واہ ، قابلِ داد کلام ہے

بہت خوب
بلاشبہ ماں ماں ہی ہوتی ہے ۔
تیرے بغیر دل کو کہیں بھی سکوں نہیں
تو چاہتوں کا جام ہے اے ماں تجھے سلام

ماشاللہ بہت اچھا کلام ہے

خوب سلام ہے آپ کا رضوی صاحبہ

ماشاء اللہ اچھا خراج عقیدت ہے ماں کے لئے

ماشاءاللہ فائزہ رضوی بہن
آپ نے اچھے انداز میں ماں کو سلامِ عقیدت پیش کیا ہے