بدگمانی سی بدگمانی ہے۔۔۔۔توارد یا مصرع طرح؟؟

عینی مروت — نومبر 10، 2017 8:42 شام

اپنی ایک غزل پیش خدمت ہے جسے میں طرحی کہتی ہوں اگرچہ مطلع کے مصرع اول میں کچھ توارد والا معاملہ ہوا تھا بعد میں کھلا کہ یہ فراق گورکھ پوری کی غزل کا مصرع ہے
جو بالکل اسی ترتیب،اسی بحر اور الفاظ کی اسی نشست کے ساتھ میرے ذہن میں آیا تھا ان کا شعر ملاحظہ ہو
کوئی اظہار ناخوشی بھی نہیں
بدگمانی سی بدگمانی ہے
اب اندازہ نہیں کہ اس معاملے میں کوئی پڑ جائے تو اس کلام کو کس زمرے میں رکھے جبکہ میں نے اسے
"طرحی غزل " شمار کرلیاتھا اس خیال سے کہ کہیں اسے سرقہ نہ سمجھ لیا جائے
کچھ رہنمائی فرمائیں اساتذہ کرام ۔۔۔
بدگمانی سی بدگمانی ہے
کیسی وحشت میں زندگانی یے
حال دل بھی عجیب مبہم سا
بےکلی ہے کہ سرگرانی ہے
دیکھتے کیا ہو دیدہ ء ویراں
شوق نے ہجرتوں کی ٹھانی ہے
شیشہءاعتبار پہ ہمدم
ضرب اب اور کیا لگانی ہے
درد مہماں ہے خانہ دل میں
راس اب ہم کو میزبانی ہے
سنگ تہمت ہے پھر ہمارے سر
دست احباب کی نشانی ہے
اک وضاحت کی جستجو عینی
لوگ کہتے ہیں کج بیانی ہے
نورالعین عینی

عینی مروت — نومبر 10، 2017 8:50 شام

عرصہ پہلے اپنی ابتدائی نظموں میں سے ایک نظم
"وہ آنکھیں کیسی آنکھیں ہیں" کے عنوان سے لکھی تھی بعد میں پروین شاکر کی نظم کا یہی عنوان نظر سے گزرا تو بہت حیرت ہوئی۔۔۔
اب اس عنوان کی مماثلت کو کس حوالے سے دیکھا جائے؟؟

الف عین — نومبر 12، 2017 7:01 صبح

اچھی غزل ہے۔
طرحی کہنے کے لئے تو مشاعرے میں شرکت ضروری ہے۔ کہ فلاں مشاعرے میں یہ طرح دی گئی تو اس پر غزل کہی گئی۔ اگر ایسا نہ ہو تو محض یہ کہا جائے گا کہ فلاں کی زمین میں ہے۔ آج کل عام طور ر یہ رواج ہے کہ اس قسم کی غزلوں کو ’نذر‘ کر دیا جاتا ہے۔ یعنی یہ غزل ’نذرَ فراق‘ ہے۔

فہد اشرف — نومبر 12، 2017 7:15 صبح

الف عین نے کہا:
اچھی غزل ہے۔
طرحی کہنے کے لئے تو مشاعرے میں شرکت ضروری ہے۔ کہ فلاں مشاعرے میں یہ طرح دی گئی تو اس پر غزل کہی گئی۔ اگر ایسا نہ ہو تو محض یہ کہا جائے گا کہ فلاں کی زمین میں ہے۔ آج کل عام طور ر یہ رواج ہے کہ اس قسم کی غزلوں کو ’نذر‘ کر دیا جاتا ہے۔ یعنی یہ غزل ’نذرَ فراق‘ ہے۔

تضمین نہیں کہہ سکتے اسے؟

سروش — نومبر 12، 2017 7:19 صبح

بدگمانی سی بدگمانی ہے
کیسی وحشت میں زندگانی ہے
حال دل بھی عجیب مبہم سا
بےکلی ہے کہ سرگرانی ہے
دیکھتے کیا ہو دیدۂ ویراں
شوق نے ہجرتوں کی ٹھانی ہے
شیشۂ اعتبار پہ ہمدم
ضرب اب اور کیا لگانی ہے
درد مہماں ہے خانۂ دل میں
راس اب ہم کو میزبانی ہے
سنگ تہمت ہے پھر ہمارے سر
دست احباب کی نشانی ہے
اک وضاحت کی جستجو عینی
لوگ کہتے ہیں کج بیانی ہے
@نورالعین عینی صاحبہ

الف عین — نومبر 13، 2017 7:36 صبح

فہد اشرف نے کہا:
تضمین نہیں کہہ سکتے اسے؟

تضمین اور چیز ہے۔ اس میں شاعر کے اصل شعر پر مزید مصرعوں کا اضافہ کیا جاتا ہے، اور غزل کو مسدس بنا دیا جاتا ہے۔

عینی مروت — نومبر 14، 2017 12:53 شام

الف عین نے کہا:
اچھی غزل ہے۔
طرحی کہنے کے لئے تو مشاعرے میں شرکت ضروری ہے۔ کہ فلاں مشاعرے میں یہ طرح دی گئی تو اس پر غزل کہی گئی۔ اگر ایسا نہ ہو تو محض یہ کہا جائے گا کہ فلاں کی زمین میں ہے۔ آج کل عام طور ر یہ رواج ہے کہ اس قسم کی غزلوں کو ’نذر‘ کر دیا جاتا ہے۔ یعنی یہ غزل ’نذرَ فراق‘ ہے۔

بہت نوازش استاد محترم،
دوسرے شعراء کی زمین میں غزل کہتے ہوئے اپنے خیالات کے اظہار کے لیے اسی بحر اوراسی ردیف کےساتھ قوافی کو اشعارمیں کافی حد تک اپنے انداز سے پیش کر دیا جاتا ہے لیکن یہاں مصرع کی اس حد تک مماثلت کچھ مسئلہ لگی مجھے۔۔
لیکن آپکی آخری بات اس مسئلے کا حل ہے
اب یہ غزل نذر فراق ہوئی۔۔۔

ایک بار پھر بہت شکریہ آپکی توجہ کے لیے
سلامت رہیں

عینی مروت — نومبر 14، 2017 12:59 شام

سروش نے کہا:
بدگمانی سی بدگمانی ہے
کیسی وحشت میں زندگانی ہے
حال دل بھی عجیب مبہم سا
بےکلی ہے کہ سرگرانی ہے
دیکھتے کیا ہو دیدۂ ویراں
شوق نے ہجرتوں کی ٹھانی ہے
شیشۂ اعتبار پہ ہمدم
ضرب اب اور کیا لگانی ہے
درد مہماں ہے خانۂ دل میں
راس اب ہم کو میزبانی ہے
سنگ تہمت ہے پھر ہمارے سر
دست احباب کی نشانی ہے
اک وضاحت کی جستجو عینی
لوگ کہتے ہیں کج بیانی ہے
@نورالعین عینی صاحبہ

بہت ممنون ہوں جناب غزل کے نکھار سنوار کے لیے۔۔۔
لیپ ٹاپ کی عارضی غیرحاضری نے میری شاعری بلکہ اردو کو کچھ وقت کے لیے "بےحس و حرکت" بنا دیا ہے

سلامتی ہو

عینی مروت — نومبر 14، 2017 1:01 شام

الف عین نے کہا:
تضمین اور چیز ہے۔ اس میں شاعر کے اصل شعر پر مزید مصرعوں کا اضافہ کیا جاتا ہے، اور غزل کو مسدس بنا دیا جاتا ہے۔

یعنی غزل کا مصرع نظم کا حصہ بنا دیا جائے؟

الف عین — نومبر 14، 2017 2:16 شام

عینی مروت نے کہا:
یعنی غزل کا مصرع نظم کا حصہ بنا دیا جائے؟

تضمین ایک الگ ہی صنف ہے۔ کیونکہ صنفِ نظم ہے، اس لیے نظم کہا جا سکتا ہے اسے۔