بر صلیبِ آرزو، رات، تنہائی، دیا!

اسد قریشی نے کہا:

​

​

بر صلیبِ آرزو، رات، تنہائی، دیا!​

کر رہے تھے گفتگو، رات، تنہائی، دیا!​

​

درد کو فرصت نہ تھی، دیکھتے ہی رہ گئے​

آنکھ سے بہت لہو، رات، تنہائی، دیا!​

​

کام تھا مشکل مگر، عمر بھر کرتے رہے​

اک خراشِ دل رفو، رات، تنہائی، دیا!​

​

کس پہ میں کرتا یقیں، رہنما کرتا کسے​

ہو رہے میرے عدو، رات، تنہائی، دیا!​

​

گر جدا ہونا ہی تھا ساتھ دیتا تو کوئی​

آبلہ پا، دل لہو، رات، تنہائی، دیا!​

​

غم بھلانے کے لئے دل فگاراں کو بہت​

تم اسد، خم اور سبو، رات، تنہائی، دیا!​

اسد​

مزید نمائش کے لیے کلک کریں۔۔۔

واہ واہ اسد صاحب کیا ہی خوب غزل ہے۔
واہ سبحان اللہ

محمد بلال اعظم بھائی! بہت شکریہ، بہت خوش رہیئے!