تازہ کاوش

اک خموشی ہے بس زباں میری
خالی پنا ہے داستاں میری
بھیڑ ہر سمت چیختی ہے مگر
ایک تنہائی رازداں میری
اس کی رخصت کا فیصلہ ہے اٹل
ساری منت ہے رائیگاں میری
بس کسی طور اک سکوں کی گھڑی
عرض اتنی اے مہرباں میری
قریہ قریہ ہے تیرے حسن کا شور
کوچہ کوچہ ہے داستاں میری
غائتِ حاضری بتاؤں کیا
نہیں حالت سے کیا عیاں میری
سانس آتی ہے سانس جاتی ہے
زندگی اور ہے کہاں میری
یاد اس کی سدا جوان رہے
ہے دعا اتنی ایزداں میری
مسکراتے ہوئے بھی ڈرتا ہوں
ہے شکیل ایسی داستاں میری
محترم الف عین
محمد خلیل الرحمٰن
اور دیگر احباب و اساتذہ کی نظر

ماشاءاللہ شکیلؔ صاحب، بہت خوب۔

محمد شکیل خورشید نے کہا:

یاد اس کی صدا جوان رہے
ہے دعا اتنی ایزداں میری

مزید نمائش کے لیے کلک کریں۔۔۔

یہاں ٹائپو رہ گیا ہے سدا پڑھا جائے
شکریہ

واہ! اچھے اشعار ہیں ۔
مطلع ٹھیک نہیں ہے شکیل بھائی ۔ خالی پن بالکل غیرشاعرانہ ہے ۔ اور خالی پنا تو کسی طور شعر کے لائق نہیں ۔ یہ لفظ کہاں سے سن لیا آپ نے؟!

ظہیراحمدظہیر نے کہا:

واہ! اچھے اشعار ہیں ۔
مطلع ٹھیک نہیں ہے شکیل بھائی ۔ خالی پن بالکل غیرشاعرانہ ہے ۔ اور خالی پنا تو کسی طور شعر کے لائق نہیں ۔ یہ لفظ کہاں سے سن لیا آپ نے؟!

مزید نمائش کے لیے کلک کریں۔۔۔

میرے خیال میں یہ پنا ہندی والا ہے، صفحے والا؟؟؟

محمد شکیل خورشید نے کہا:

یہاں ٹائپو رہ گیا ہے سدا پڑھا جائے
شکریہ

مزید نمائش کے لیے کلک کریں۔۔۔

تدوین کردی گئی ہے جناب!

محمّد احسن سمیع :راحل: نے کہا:

میرے خیال میں یہ پنا ہندی والا ہے، صفحے والا؟؟؟

مزید نمائش کے لیے کلک کریں۔۔۔

یعنی "پنّا"!
کیا اس کی جگہ "خالی صفحہ" استعمال کیا جاسکتا ہے؟

مجھے یاد پڑتا ہے کہ سندھی میں بھی کاغذ کو شاید پنّا کہتے ہیں ۔

محمّد احسن سمیع :راحل: نے کہا:

میرے خیال میں یہ پنا ہندی والا ہے، صفحے والا؟؟؟

مزید نمائش کے لیے کلک کریں۔۔۔

جی میں نے یہی استعمال کیا تھا

ظہیراحمدظہیر نے کہا:

واہ! اچھے اشعار ہیں ۔
مطلع ٹھیک نہیں ہے شکیل بھائی ۔ خالی پن بالکل غیرشاعرانہ ہے ۔ اور خالی پنا تو کسی طور شعر کے لائق نہیں ۔ یہ لفظ کہاں سے سن لیا آپ نے؟!

مزید نمائش کے لیے کلک کریں۔۔۔

جزاک اللہ، محترم میں نے پنا بمعنیٰ صفحہ ہی استعمال کیا تھا، مجھے یہ لفظ کافی مانوس محسوس ہوتا ہے، اب یہ اساتذہ رہنمائی فرمائیں کہ اردو میں مستعمل ہے یا نہیں

محمد خلیل الرحمٰن نے کہا:

تدوین کردی گئی ہے جناب!

مزید نمائش کے لیے کلک کریں۔۔۔

شکریہ سر

محمد خلیل الرحمٰن نے کہا:

یعنی "پنّا"!
کیا اس کی جگہ "خالی صفحہ" استعمال کیا جاسکتا ہے؟

مزید نمائش کے لیے کلک کریں۔۔۔

سر عروض کے حساب سے وزن میں تو ہے، لیکن ادائیگی میں لظف نہیں آ رہا، پنا کس حد تک شجرِ ممنوعہ ہے اردو میں اس پر رہنمائی فرمائیں

محترمی شکیل صاحب، آداب۔
یہ نکتہ میرے ذہن میں پہلی دفعہ غزل پڑھنے کے بعد وارد ہوا تھا، مگر میں لکھنا مناسب نہیں سمجھا۔ اصل میں اگر آپ شعر کو دیکھیں تو اس میں عربی و فارسی الفاظ کا غلبہ ہے جیسے خموشی، زباں، خالی، داستاں ۔۔۔ اس لئے ان سب کے درمیان "پنا" غریب محسوس ہوتا ہے۔ میرے خیال میں یہ کوئی اصولی ضابطہ تو نہیں ہے، صرف ذوق کی بات ہے۔ آپ شعر کی وکیبلری کو مزید متوازن کرنے کے لئے خالی پنا کو کورا پنا بھی باندھ سکتے ہیں۔
دعاگو،
راحل۔

محمّد احسن سمیع :راحل: نے کہا:

محترمی شکیل صاحب، آداب۔
یہ نکتہ میرے ذہن میں پہلی دفعہ غزل پڑھنے کے بعد وارد ہوا تھا، مگر میں لکھنا مناسب نہیں سمجھا۔ اصل میں اگر آپ شعر کو دیکھیں تو اس میں عربی و فارسی الفاظ کا غلبہ ہے جیسے خموشی، زباں، خالی، داستاں ۔۔۔ اس لئے ان سب کے درمیان "پنا" غریب محسوس ہوتا ہے۔ میرے خیال میں یہ کوئی اصولی ضابطہ تو نہیں ہے، صرف ذوق کی بات ہے۔ آپ شعر کی وکیبلری کو مزید متوازن کرنے کے لئے خالی پنا کو کورا پنا بھی باندھ سکتے ہیں۔
دعاگو،
راحل۔

مزید نمائش کے لیے کلک کریں۔۔۔

جزاک اللہ، رہنمائی کا شکریہ

میں نے بھی پہلے خالی پن کا ہی عوامی روپ سمجھا تھا، لیکن پھر بحر و اوزان کی وجہ سے خیال آیا کہ یہ تشدید والا پنّا ہے! صفحہ ہی بہتر ہو گا۔
اس کے علاوہ 'اے مہرباں' میں ے گر رہی ہے جو مستحسن نہیں۔
عرض اتنی ہے...
یا
عرض بس یہ ہے مہرباں میری
تخاطب کو واضح کرنا ہو تو یوں لکھو
عرض بس یہ ہے، مہرباں!، میری

الف عین نے کہا:

میں نے بھی پہلے خالی پن کا ہی عوامی روپ سمجھا تھا، لیکن پھر بحر و اوزان کی وجہ سے خیال آیا کہ یہ تشدید والا پنّا ہے! صفحہ ہی بہتر ہو گا۔
اس کے علاوہ 'اے مہرباں' میں ے گر رہی ہے جو مستحسن نہیں۔
عرض اتنی ہے...
یا
عرض بس یہ ہے مہرباں میری
تخاطب کو واضح کرنا ہو تو یوں لکھو
عرض بس یہ ہے، مہرباں!، میری

مزید نمائش کے لیے کلک کریں۔۔۔

جزاک اللہ استاد محترم!
آپ کی اجازت سے کیا ایسے درست ہوگا
عرض اتنی ہے مہرباں میری

محمد شکیل خورشید نے کہا:

جزاک اللہ، محترم میں نے پنا بمعنیٰ صفحہ ہی استعمال کیا تھا، مجھے یہ لفظ کافی مانوس محسوس ہوتا ہے، اب یہ اساتذہ رہنمائی فرمائیں کہ اردو میں مستعمل ہے یا نہیں

مزید نمائش کے لیے کلک کریں۔۔۔

پنّا سنسکرت ہے ۔ عوامی بول چال میں تو شاید چل جاتا ہو لیکن اردو شاعری میں آج تک کبھی نظر سے نہیں گزرا ۔ دوسری بات یہ کہ مطلع کی لفظی فضا میں یہ گراں گزررہا ہے ۔ سادہ صفحہ یا سادہ کاغذ وغیرہ رکھ کر دیکھ لیجئے ۔

محمد شکیل خورشید نے کہا:

جزاک اللہ استاد محترم!
آپ کی اجازت سے کیا ایسے درست ہوگا
عرض اتنی ہے مہرباں میری

مزید نمائش کے لیے کلک کریں۔۔۔

استادِ محترم الف عین اس کے ساتھ اگر' پنا ' کے مسئلے پر بھی رہنمائی فرما دیں تو نوازش ہوگی

میں لکھ تو چکا ہوں کہ صفحہ لفظ بہتر ہے، ہندی کا پنا بمعنی ورق اچھا نہیں یہاں

الف عین نے کہا:

میں لکھ تو چکا ہوں کہ صفحہ لفظ بہتر ہے، ہندی کا پنا بمعنی ورق اچھا نہیں یہاں

مزید نمائش کے لیے کلک کریں۔۔۔

جزاک اللہ، معذرت پہلے نظر نہیں پڑی