تضمین بر کلامِ مولانا مُحمد جلال الدین رُومی قُدس سِرہُ السامی

ملک حبیب — مئی 26، 2015 12:09 شام

تضمین بر کلامِ مولانا محمد جلال الدین رومی قُدس سِرّہ السامی
پادشاہِ مُرسِلاں و سَروراں
فَخرِ آدم قِبلہ گاہے عاشقاں
ہے خُدائے پاک جِن کا مَدح خواں
سَیدو سَرور مُحمد نُورِ جاں
مِہترو بہتر شَفیعِ مُجرماں
جِس گَھڑی دُنیا میں آئے مُصطفٰی
خاکدانِ ہستی روشن ہو گیا
ذاتِ حق نے بھی صَریحاً کہہ دیا
مِہترین و بہترینِ انبیاء
جُز مُحمد نیست دَر اَرض و سَما
پَرتَوِ ذاتِ اِلٰہی بِالیقیں
مرحبا اے حاملِ دینِ مَتیں
یَک نظر بَر من شَفیع المُذنبیں
چُوں شُدہ فیضِ تو عالم آفریں
شُد وَجودت رَحمتہ للعالمیں
چاند تارے اور زَمین و آسماں
ظُلمتوں میں ڈُوب جاتے الاَماں
بزمِ ہستی کا نہ ہوتا کُچھ نِشاں
گَر نَبُودے ذاتِ احمد در جہاں
کی شُدہ پیدا زَمین و آسماں
کُنتُ کنزاً کا جَلی عُنواں تُوئی
عالمِ تکوین کا اِمکاں تُوئی
میرے دردِ ہِجر کا درماں تُوئی
جُملہ عالم جِسم و جاناں جاں تُوئی
دِل توئی دِلبر توئی ایماں تُوئی
آئینۂ حق نُما اے عکسِ ذات
نُورِ تو روشن شُدہ ایں شش جِہات
عالی ذات عالی نَسب عالی صِفات
گرد تو گردد حَریمِ کائنات
از تو خواہیم یک نکاہِ التفات
آپ کے دَر سے جِسے نِسبت نَہیں
راندۂ درگاہ ہے وہ جائے کَہیں
ذاتِ عالی آپ کی ہے بالیقیں
مَغزِ قُرآں ، رُوحِ ایماں ، جانِ دیں
ہست حُبِ رَحمتہ لِلعالمیں
جُز تُرا کارِ جَہاں مَسدُود شُد
رونقِ کون و مکاں نابُود شُد
خاکِ کُویت اَرفع و مسعُود شُد
آں مُحمد حامد و محمُود شُد
شکلِ عابد صُورتِ معبُود شُد
دو جَہاں تفسیر را عُنوانِ اُو
ہست عِرفانِ خُدا عِرفانِ او
ربِ ھبلی اُمّتی فَرمانِ اُو
شاہبازِ لامکانی جانِ اُو
رَحمتہ للعٰلمینی شانِ اُو
یہ حَبیبِ خستہ حال و بے ہُنر
عرض کرتا ہے شہِ جِن و بَشر
وقتِ آخر لِیجیو میری خَبر
اے ہزاراں جبرئیل اندر بَشر
بہرِ حق سُوئے غَریباں یک نَظر
تضمین ازیں احقر ملک حبیب

تلمیذ — مئی 26، 2015 12:19 شام

بہت اعلیٰ، جناب ملک حبیب صاحب۔ جزاک اللہ!
براہ کرم عنوان میں حضورﷺ کے اسم گرامی کے ہِجے درست کروائیں۔

ملک حبیب — مئی 26، 2015 12:30 شام

تلمیذ شکریہ آپ کا ،،،، کونسا لفظ غلط لکھا گیا ہے بتائیے گا ذرا۔

ادب دوست — مئی 26، 2015 12:33 شام

بہت خوب

تلمیذ — مئی 26، 2015 12:41 شام

ملک حبیب نے کہا:
تلمیذ شکریہ آپ کا ،،،، کونسا لفظ غلط لکھا گیا ہے بتائیے گا ذرا۔

پہلے ’محمد‘ ﷺ کو غلطی سے ’مھمد‘ لکھا گیا تھا، لیکن اب درست نظر آ رہا ہے شاید محترم وارث صاحب نے از خود درست کر دیا ہے۔

ملک حبیب — مئی 26، 2015 12:45 شام

شایدایسا ہو لیکن میں نے پوسٹ کرنے سے پہلے دو بار پڑھا تھا،،
ادب دوست، تلمیذ آپ حضرات نے پسند کیا سپاس گزار ہوں۔

محمد وارث — مئی 27، 2015 4:20 صبح

تلمیذ نے کہا:
پہلے ’محمد‘ ﷺ کو ’مھمد‘ لکھا گیا تھا، لیکن اب درست نظر آ رہا ہے شاید محترم وارث صاحب نے از خود درست کر دیا ہے۔

جی اصغر صاحب آپ درست فرما رہے ہیں، ہجے میں نے درست کر دیے تھے۔

محمد وارث — مئی 27، 2015 4:21 صبح

خوبصورت تضمین ہے ملک صاحب، داد قبول فرمائیے محترم۔

ملک حبیب — مئی 27، 2015 12:07 شام

محمد وارث صاحب محترم محبت ہے آپ کی۔

الف نظامی — مئی 27، 2015 5:34 شام

جزاک اللہ۔ بہت شکریہ۔

خالد محمود چوہدری — مئی 27، 2015 6:38 شام

جزاک اللہ۔ بہت بہت شکریہ۔

ملک حبیب — مئی 27، 2015 10:38 شام

الف نظامی صاحب ، خالد محمود چوہدری صاحب،،، آپ کا شکر گزار ہوں۔

کاشف اسرار احمد — مئی 30، 2015 3:19 شام

واہ ۔۔ نہایت عمدہ حبیب صاحب ۔۔
داد قبول فرمائیں۔

ملک حبیب — مئی 31، 2015 12:54 شام

کاشف اسرار احمد صاحب محترم شکر گزار ہوں ۔

سید زبیر — مئی 31، 2015 2:29 شام

جزاک اللہ۔ بہت بہت شکریہ

ملک حبیب — جون 1، 2015 12:10 شام

سید زبیر صاحب محترم،،، سپاس گزار ہوں۔

ابن ِ محمود — جون 23، 2015 4:15 شام

ماشاء اللہ ۔ ۔ ۔ بہت خوب ملک صاحب ۔ ۔ ۔ اللہ کریم آپکی مساعی قبول فرمائیں ۔ ۔ ۔ آمین

شاکرالقادری — جون 23، 2015 6:42 شام

عمدہ ہے ملک صاحب داد پیش ہے

ملک حبیب — جون 23، 2015 8:40 شام

ابن محمود صاحب ،،،، قبلہ استادیم شاکر القادری صاحب سپاس گزار ہوں اس نطرِ عنایت پر،،،،،، جزاکم اللہ خیر