جتایا شوق میں دنیا سے اپنا پن کیسا

جتایا شوق میں دنیا سے اپنا پن کیسا
رہا ہمیش اِسی دہر میں مگن کیسا
ہزار روپ ترے کس کا ذکر ہم چھیڑیں
بدلنا بھیس ترا تھا کمال فن کیسا
ترے تھے جو وہی تیری یہ شان کہنے لگے
بنا تھا نیک مگر نکلا بد چلن کیسا
وہ دن خمار کے وہ لطف و کیف کی راتیں
اُجڑ گیا ہے ترا 'وہ' ہرا چمن کیسا
کہا تھا تُجھ سے نہ قیمت لگایا کر اپنی
بِکا ہے خاک کے بھائو ترا بدن کیسا
سفید ہو گیا آخر ترا سیاہ بدن
لباس پیارا لگے تُجھ پہ یہ کفن کیسا
رضا وہ کیا ہوئی تیری کمائی دنیا کی
"جہاں نے لوٹ لیا تیرا سارا دھن, کیسا"

اچھی غزل ہے رضا صاحب۔
مطلع میں 'ہمیش' لکھنے کی کوئی خاص وجہ تھی کیا؟ ہمیشہ میں بھی تو کوئی مسئلہ نہیں تھا؟

بہت اچھی غزل ہے۔ شیئر کرنے کے لیے شکریہ

اچھی غزل تو ہے لیکن لہجہ کچھ اکھڑا اکھڑا سا ہے یا شاید مجھے ہی لگا۔ روانی کی کمی لگی مجھے۔

محمد وارث نے کہا:

اچھی غزل ہے رضا صاحب۔
مطلع میں 'ہمیش' لکھنے کی کوئی خاص وجہ تھی کیا؟ ہمیشہ میں بھی تو کوئی مسئلہ نہیں تھا؟

مزید نمائش کے لیے کلک کریں۔۔۔

روانی میں تھوڑآ‌ فرق پڑنے کا خیال گزرا اس لئیے میں نے ہمیشہ کی 'ہ' گرا دی۔
رہنمائی اور تعریف کا شکریہ وارث‌ صاحب۔

عمران شناور نے کہا:

بہت اچھی غزل ہے۔ شیئر کرنے کے لیے شکریہ

مزید نمائش کے لیے کلک کریں۔۔۔

شکریہ عمران صاحب

الف عین نے کہا:

اچھی غزل تو ہے لیکن لہجہ کچھ اکھڑا اکھڑا سا ہے یا شاید مجھے ہی لگا۔ روانی کی کمی لگی مجھے۔

مزید نمائش کے لیے کلک کریں۔۔۔

ہاں‌ جی آپ کو ہی لگا لہجہ اکھڑا اکھڑا، ایسی کوئی بات نہین تھی،
اور پسندیدگی کا شکریہ اعجاز صاحب۔