راحیل فاروق — فروری 12، 2017 10:03 شام
جو بات ہماری تھی وہ بات ہی کب کی ہے
اجمالِ وفا میں سب تفصیل ادب کی ہے
سر مارتے پھرتے ہیں جو دشت میں آدم زاد
کچھ ہاتھ ہے اپنا بھی کچھ بات نسب کی ہے
عشاق تو پاگل ہیں فریاد پہ مت جاؤ
جس بزم میں تم آئے وہ بزم طرب کی ہے
پہلے تو محبت میں جو گزری سو ہے معلوم
پر کچھ نہیں کہہ سکتے جو کیفیت اب کی ہے
صدیاں تو نہیں گزریں اللہ نہ کرے گزریں
اے دل، یہ کہانی تو گزری ہوئی شب کی ہے
دستور کی زد میں ہے ناموسِ جواہر بھی
مٹی میں ملا کر قدر دنیا نے عجب کی ہے
یا بات نہ کر راحیلؔ یا بول تو اچھا بول
ظالم، تری باتوں میں تاثیر غضب کی ہے
راحیلؔ فاروق
۱۳ فروری ۲۰۱۷ء
یوسف سلطان — فروری 12، 2017 10:34 شام
جو بات ہماری تھی وہ بات ہی کب کی ہے
اجمالِ وفا میں سب تفصیل ادب کی ہے
پہلے تو محبت میں جو گزری سو ہے معلوم
پر کچھ نہیں کہہ سکتے جو کیفیت اب کی ہے
یا بات نہ کر راحیلؔ یا بول تو اچھا بول
ظالم، تری باتوں میں تاثیر غضب کی ہے
خوبصورت اور لاجواب
جاسمن — فروری 12، 2017 11:42 شام
خوبصورت۔
راحیل! تیرے شعروں میں تاثیر غضب کی ہے
ربیع م — فروری 13، 2017 12:54 صبح
صدیاں تو نہیں گزریں اللہ نہ کرے گزریں
اے دل، یہ کہانی تو گزری ہوئی شب کی ہے
لاجواب!
مریم افتخار — فروری 13، 2017 2:23 صبح
ہر شعر خوب سے خوب تر ہے۔ ماشاء اللہ! لیکن اس شعر میں تَو تاثیر غضب کی ہے۔
دستور کی زد میں ہے ناموسِ جواہر بھی
مٹی میں ملا کر قدر دنیا نے عجب کی ہے
محمد تابش صدیقی — فروری 13، 2017 3:19 صبح
بہت خوب راحیل بھائی.
سر مارتے پھرتے ہیں جو دشت میں آدم زاد
کچھ ہاتھ ہے اپنا بھی کچھ بات نسب کی ہے
دستور کی زد میں ہے ناموسِ جواہر بھی
مٹی میں ملا کر قدر دنیا نے عجب کی ہے
یا بات نہ کر راحیلؔ یا بول تو اچھا بول
ظالم، تری باتوں میں تاثیر غضب کی ہے
ظالممممم
ظہیراحمدظہیر — فروری 13، 2017 3:56 صبح
واہ ! بہت خوب راحیل بھائی ! کیا اچھے اشعار ہیں !! بہت خوب! سلامت رہیں ۔ شاد رہین آباد رہیں ۔
الف عین — فروری 13، 2017 5:44 صبح
واہ، خوب است
راحیل فاروق — فروری 13، 2017 11:04 صبح
خوبصورت۔
راحیل! تیرے شعروں میں تاثیر غضب کی ہے
ہر شعر خوب سے خوب تر ہے۔ ماشاء اللہ! لیکن اس شعر میں تَو تاثیر غضب کی ہے۔
بہت خوب راحیل بھائی.
ظالممممم
واہ ! بہت خوب راحیل بھائی ! کیا اچھے اشعار ہیں !! بہت خوب! سلامت رہیں ۔ شاد رہین آباد رہیں ۔
بےحد شکریہ، احباب۔
میں گزشتہ کچھ عرصے سے دن بھر پڑھتا اور کڑھتا چلا آ رہا ہوں۔ شام تک دل و دماغ پھٹنے کے قریب ہو جاتے ہیں۔ اس کا نتیجہ بعض اوقات یہ غزلیں ہیں جو میں نظرِ ثانی کی زحمت کے بغیر ارسال کر دیا کرتا ہوں۔ قوی امید ہے کہ جلد یہ طرزِ زندگی موقوف ہو جائے گا۔ زندگی پرانی روش پر لوٹے گی تو فقیر کامل توجہ سے گھر کی وہ To do lists لکھا کرے گا جن کو کچھ دیر بعد خود پڑھ کر روح فنا ہو جاتی ہے۔ تب تک جو برا بھلا ہے گوارا فرمائیے۔ مٹی کو سونا بنانے کے خواب دیکھنے والے کوئی ٹٹ پونجیے قسم کے صاحب بعد میں ان غزلیات کے حقوق یا فرائض وغیرہ لینا چاہیں تو اللہ کو حاضر و ناظر جان کے بےشک لے جائیں!
محمداحمد — فروری 13، 2017 12:05 شام
واہ واہ ۔۔۔۔!
بہت خوب! ہمیشہ کی طرح عمدہ اشعار ہیں۔
بہت سی داد اس حقیر فقیر پُر تقصیر کی طرف سے۔
جاسمن — فروری 13، 2017 12:56 شام
بےحد شکریہ، احباب۔
میں گزشتہ کچھ عرصے سے دن بھر پڑھتا اور کڑھتا چلا آ رہا ہوں۔ شام تک دل و دماغ پھٹنے کے قریب ہو جاتے ہیں۔ اس کا نتیجہ بعض اوقات یہ غزلیں ہیں جو میں نظرِ ثانی کی زحمت کے بغیر ارسال کر دیا کرتا ہوں۔ قوی امید ہے کہ جلد یہ طرزِ زندگی موقوف ہو جائے گا۔ زندگی پرانی روش پر لوٹے گی تو فقیر کامل توجہ سے گھر کی وہ To do lists لکھا کرے گا جن کو کچھ دیر بعد خود پڑھ کر روح فنا ہو جاتی ہے۔ تب تک جو برا بھلا ہے گوارا فرمائیے۔ مٹی کو سونا بنانے کے خواب دیکھنے والے کوئی ٹٹ پونجیے قسم کے صاحب بعد میں ان غزلیات کے حقوق یا فرائض وغیرہ لینا چاہیں تو اللہ کو حاضر و ناظر جان کے بےشک لے جائیں!
کچھ باتیں اداس کر گئیں۔
اللہ تعالیٰ آپ کو خوشیوں اور آسانیوں بھری زندگی عطا فرمائے۔ آمین!
فیضان قیصر — فروری 13، 2017 6:14 شام
بےحد شکریہ، احباب۔
میں گزشتہ کچھ عرصے سے دن بھر پڑھتا اور کڑھتا چلا آ رہا ہوں۔ شام تک دل و دماغ پھٹنے کے قریب ہو جاتے ہیں۔ اس کا نتیجہ بعض اوقات یہ غزلیں ہیں جو میں نظرِ ثانی کی زحمت کے بغیر ارسال کر دیا کرتا ہوں۔ قوی امید ہے کہ جلد یہ طرزِ زندگی موقوف ہو جائے گا۔ زندگی پرانی روش پر لوٹے گی تو فقیر کامل توجہ سے گھر کی وہ To do lists لکھا کرے گا جن کو کچھ دیر بعد خود پڑھ کر روح فنا ہو جاتی ہے۔ تب تک جو برا بھلا ہے گوارا فرمائیے۔ مٹی کو سونا بنانے کے خواب دیکھنے والے کوئی ٹٹ پونجیے قسم کے صاحب بعد میں ان غزلیات کے حقوق یا فرائض وغیرہ لینا چاہیں تو اللہ کو حاضر و ناظر جان کے بےشک لے جائیں!
ظالم، تری باتوں میں تاثیر غضب کی ہے
فیضان قیصر — فروری 13، 2017 6:15 شام
راحیل بھائی بےمثال ہے کلام آپ کا