حسن ایسا کہ تجلی کو مچلتا دیکھوں ۔ فاتح الدین بشیر

خاکسار کی ایک تازہ غزل احباب کی بصارتوں کی نذر:

اچھا قبلہ یہ محفل تک اب آئی ہے جب کہ تازہ نہیں رہی۔
خیر ہم تو اس کو جتنی بار بھی پڑھیں نگاہ یہاں جا اٹکتی ہے۔

اس کے قامت سے قیامت پہ بھی آ جائےقیام

مزید نمائش کے لیے کلک کریں۔۔۔

کیا کہنے۔

خوبصورت غزل ہے فاتح صاحب، کیا خوب کہا ہے آپ نے
وہ تصوّر کہ سمائے نہ کسی کون و مکاں
پیرہن رنگ کروں، نقش بدلتا دیکھوں
دُودِ ہستی نے بنایا ہے عجب عکسِ وجود
خود کو اپنی ہی حدوں سے میں نکلتا دیکھوں
واہ واہ واہ، لاجواب، بہت داد قبول کیجیے محترم

بہت خوب فاتح صاحب۔ بہت پیاری غزل ہے-

واہ جی واہ۔ یہ قیامت والا کا مصرع باندھا ہے آپ نے۔ اس کے قامت سے قیامت پہ بھی آجائے قیام۔ واہ۔ ق کی گردان کیا خوبصورتی سے استعمال کی گئی ہے۔ کیا کہنے۔

بہت ہی خوب، واہ واہ لاجواب غزل کہی ہے، فاتح صاحب۔

سخنور نے کہا:

وہ الگ باندھ کے رکھا ہے جو مال اچھا ہے۔

مزید نمائش کے لیے کلک کریں۔۔۔

تشریح:
اس مصرعے میں فرخ صاحب کہتے ہیں کہ فاتح نے جو مال ڈسپلے کیا ہے وہ اچھا نہیں ہے۔
فاتح صاحب! ؛میری تشریح کو مستند جانتے ہوئے فرخ صاحب کے خلاف فوری ایکشن لے لیں قبل اسکے کہ یہ فرار ہوجائیں۔

رانا نے کہا:

تشریح:
اس مصرعے میں فرخ صاحب کہتے ہیں کہ فاتح نے جو مال ڈسپلے کیا ہے وہ اچھا نہیں ہے۔
فاتح صاحب! ؛میری تشریح کو مستند جانتے ہوئے فرخ صاحب کے خلاف فوری ایکشن لے لیں قبل اسکے کہ یہ فرار ہوجائیں۔

مزید نمائش کے لیے کلک کریں۔۔۔

حضرت پھر تو آپ کو اس "اچھے مال" کی خبر ہی نہیں۔ بھئی وہ اچھا مال تو اپنے فرخ بھائی ہی ہیں جنھیں فاتح بھائی نے اپنے دامِ سخن کا اسیر بنا رکھا ہے یا بالفاظ دیگر "باندھ" رکھا ہے۔

اچھاآآآ۔ تو یہ تھی اصل تشریح!!
چلیں فاتح صاحب اب میری تشریح کو منسوخ سمجھتے ہوئے فرخ صاحب کے خلاف ایکشن میں آنے کا ارادہ بدل دیں۔

اصلی بات تو اب بھی خفیہ امراض کی خط و کتابت کی مانند صیغہ راز میں ہے۔

بہت خوب فاتح۔ کل دیکھی تھی غزل، لیکن باہر جا رہا تھا تو بغیر کچھ رائے دئے لاگ آف کر دیا تھا۔ اب رائے کا اظہار کر رہا ہوں۔ میں سمجھتا ہوں کہ یہ تمہاری ساری غزلوں میں جو میں نے پڑھی ہیں، بہترین ہے۔

واہ واہ بہت ہی عمدہ غزل ہے فاتح صاحب۔ زبردست
سبھی اشعار پسند آئے
اپنی کم علمی کے باعث ایک سوال کر رہا ہوں کہ کیا ‘کائناتوں‘ درست ہے۔ جبکہ کائنات تو ایک ہی ہے

واہ فاتح بھائی لاجواب۔۔۔ بہت ہی شاندار
وہ تصوّر کہ سمائے نہ کسی کون و مکاں
پیرہن رنگ کروں، نقش بدلتا دیکھوں
دُودِ ہستی نے بنایا ہے عجب عکسِ وجود
خود کو اپنی ہی حدوں سے میں نکلتا دیکھوں
جتنا دامن کو جھٹکتا ہوں، گریزاں اس سے
بُوئے گُل ہے کہ اسے ساتھ ہی چلتا دیکھوں

اس کے قامت سے قیامت پہ بھی آ جائےقیام
گرمیِ دید سے ہر سنگ پگھلتا دیکھوں
واہ واہ کیا کہنے
بہت خوبصورت غزل
داد حاضر ہے
اللہ کرے زور قلم زیادہ

الف عین نے کہا:

بہت خوب فاتح۔ کل دیکھی تھی غزل، لیکن باہر جا رہا تھا تو بغیر کچھ رائے دئے لاگ آف کر دیا تھا۔ اب رائے کا اظہار کر رہا ہوں۔ میں سمجھتا ہوں کہ یہ تمہاری ساری غزلوں میں جو میں نے پڑھی ہیں، بہترین ہے۔

مزید نمائش کے لیے کلک کریں۔۔۔

جناب عالی! معذرت کہ آپ کا یہ مراسلہ میری نظر سے ہی نہ گزر پایا اور یوں شکریہ بھی ادا نہ کر سکا۔ آج نیرنگ خیال یہ غزل اوپر لائے ہیں تو میری نظر سے گزرا۔
بہت شکریہ بزرگوار

ہمیشہ کی طرح لاجواب۔۔۔۔بہت خوب فاتح برادر
آج نیرنگ بھی کمال کر رہے ہیں۔۔۔ہمیں فاتح برادر کی وہ وہ غزلیں پڑھا رہے ہیں جو ہم نے نہیں پڑھی تھی
نیرنگ برادر آپ کا بھی شکریہ

واہ واہ
بہت ہی خوب استاد محترم ، کیا الفاظ کا سحر طاری کیا آپ نے
کائناتوں کا سفر کیسے ہو لمحوں پہ محیط
خواب در خواب فقط عشق کو چلتا دیکھوں

عمران شناور نے کہا:

واہ واہ بہت ہی عمدہ غزل ہے فاتح صاحب۔ زبردست
سبھی اشعار پسند آئے
اپنی کم علمی کے باعث ایک سوال کر رہا ہوں کہ کیا ‘کائناتوں‘ درست ہے۔ جبکہ کائنات تو ایک ہی ہے

مزید نمائش کے لیے کلک کریں۔۔۔

غزل پسند فرمانے پر ممنون ہوں۔ اب آپ کے سوال کا جواب:
جیسے جیسے سائنس ترقی کر رہی ہے، ویسے ویسے نت نئے اسرار و رموز عیاں ہوتے جا رہے ہیں اور ہم جو کبھی یہ سوچتے تھے کہ ہمارا سیارہ (زمین) کتنا پھیلا ہوا اور بڑا ہے لیکن پھر ہمیں معلوم ہوتا ہے کہ ہماری زمین جیسی دس لاکھ زمینیں تو اکیلے سورج میں سما سکتی ہیں تو ہم حیران ہو گئے کہ اوہ سورج سب سے بڑا ہے لیکن پھر معلوم ہوتا ہے کہ جس کہکشاں (ملکی وے) میں ہمارا سورج اور یہ نظام شمسی واقع ہے اس کہکشاں میں ہی چار سو بلین (400,000,000,000) ستارے موجود ہیں اور صرف اسی پر ہی بس نہیں ہوتی بلکہ بعد ازاں ہمیں یہ معلوم ہوتا ہے کہ کئی کئی کہکشائیں مل کر ؎کہکشاؤں کے کلسٹرز بنا رہی ہیں اور کم از کم ایک سو بلین (100,000,000,000) کہکشائیں تو ایسی ہیں کہ جنہیں ہم دوربینوں کی مدد سے دیکھ سکتے ہیں جب کہ سائنس یہ بھی کہتی ہے کہ ابھی ایسی کئی کہکشائیں ہیں کہ جو ہم سے اتنی دور ہیں کہ ان کے ستاروں کی روشنی ہم تک پہنچ ہی نہیں سکتی لہٰذا ہم انکی موجود گی کے متعلق وثوق سے جان نہیں سکتے لیکن یہ تمام کہکشائیں مل کر ہماری ایک "کائنات" بناتی ہیں۔
پھر سائنس مزید ترقی کرتی ہے اور نئی تھیوریز سامنے آتی ہیں جن میں سے ایک "سٹرنگ تھیوری" ہے جس کے مطابق ہماری کائنات جیسی ہی "لا تعداد" دیگر کائناتیں بھی اوپر تلے موجود ہیں۔ یہاں سوال اٹھتا ہے کہ ہم انھیں دوسری کائناتیں کیوں کہتے ہیں؟ اس لیے کہ سائنس کے مطابق وہ دیگر کائناتوں ہماری کائنات کی نسبت مختلف قسم کے مادوں سے بنی ہیں اور وہ کائناتیں جن قوانین کو فالو کر رہی ہیں وہ ہماری کائنات سے مختلف ہیں۔ اور یہیں "ملٹی ورس" multiverse یا میٹا یونیورس کی اصطلاح سامنے آتی ہے کہ جہاں 3 ڈائمنشن کی بجائے 11 ڈائمنشن کے ممکنات میں سے ہونے کی بات ہوتی ہے۔ پھر کوانٹم تھیوری بھی موجود ہے جو کہ سٹرنگ تھیوری کی مانند محض تھیوری ہی نہیں بلکہ ایک تصدیق شدہ تھیوری ہے۔
لیکن بہرحال اب بھی کچھ ایسے سائنس دان موجود ہیں جن کے مطابق کائنات صرف ایک ہے بلکہ کچھ فلسفی حضرات کے نزدیک ایک کائنات بھی محض نظر کا دھوکا ہے۔