خود پہ تھوڑی سی مشقت کر لیں، غزل، احمد وصال

احمد وصال — مارچ 21، 2018 4:32 صبح

خود پہ تھوڑی سی مشقت کرلیں
دکھ نہ چہرے پہ عبارت کر لیں
راس آئی ہے فضا شہر کی جب
یہ ملا حکم کہ ہجرت کر لیں
پھر رہیں گے نہ کسی کام کے بھی
آزمانے کو محبت کر لیں
مانتے ہم بھی ہیں دل کا کہنا
کیسے پھر دل کو نصیحت کرلیں ؟
کس نے ہے ساتھ ہمارا دینا؟
کس لئے نیند کو غارت کرلیں
خواب دفنانے ہیں آنکھوں میں سب
آپ تھوڑی سی شراکت کر لیں
پھر دوا کی بھی ضرورت نہ رہے
وہ جو اک بار عیادت کر لیں

محمداحمد — مارچ 26، 2018 11:35 صبح

احمد وصال نے کہا:
راس آئی ہے فضا شہر کی جب
یہ ملا حکم کہ ہجرت کر لیں

واہ!!!!

الف عین — مارچ 26، 2018 5:31 شام

واہ واہ

احمد وصال — مارچ 27، 2018 6:49 صبح

محمداحمد نے کہا:
واہ!!!!

بہت دعائیں اور محبتیں

احمد وصال — مارچ 27، 2018 6:50 صبح

الف عین نے کہا:
واہ واہ

بہت نوازش استاد محترم. ۔
دعائیں

ظہیراحمدظہیر — مارچ 29، 2018 3:27 شام

واہ ! بہت خوب احمد وصال صاحب!
میری ناقص رائے میں ان مصرعوں کے لسانی پہلو پر ایک نظر اور ڈال لیں ۔ یہ آپ کی توجہ چاہتے ہیں ۔
خود پہ تھوڑی سی مشقت کرلیں
کس نے ہے ساتھ ہمارا دینا؟
آپ تھوڑی سی شراکت کر لیں

احمد وصال — اپریل 10، 2018 5:01 شام

ظہیراحمدظہیر نے کہا:
واہ ! بہت خوب احمد وصال صاحب!
میری ناقص رائے میں ان مصرعوں کے لسانی پہلو پر ایک نظر اور ڈال لیں ۔ یہ آپ کی توجہ چاہتے ہیں ۔
خود پہ تھوڑی سی مشقت کرلیں
کس نے ہے ساتھ ہمارا دینا؟
آپ تھوڑی سی شراکت کر لیں

تھوڑی رھنمائی فرما دیں ۔۔ نوازش ہوگی

ظہیراحمدظہیر — اپریل 16، 2018 3:33 شام

احمد وصال نے کہا:
تھوڑی رھنمائی فرما دیں ۔۔ نوازش ہوگی

خود پہ تھوڑی سی مشقت کرلیں
۔ محاورے کی رو سے خود پر یا کسی چیز پر محنت کی جاتی ہے ۔ لیکن مشقت کا اس طرح استعمال ٹھیک نہیں ۔ کسی چیز کے لئے مشقت اٹھانا یا کرنا ٹھیک ہے ۔
کس نے ہے ساتھ ہمارا دینا؟
یہ فصیح اردو نہیں ۔ پنجاب کے زیرِ اثر اب اردو میں اس طرح کے جملے عام نظر آنے لگے ہیں ۔ لگ تو یہی رہا ہے کہ سو پچاس سال بعد یہ معیاری اردو ہوجائے گا ۔ لیکن تب تک کے لئے درست جملہ یوں ہوگا : ہمارا ساتھ کون دے گا ۔
آپ تھوڑی سی شراکت کر لیں
شرکت کرنا درست ہے ۔ شراکت کرنا نہیں ۔ شعر میں شرکت ہی کا محل ہے ۔
ویسے درست محاورہ (کسی کی) شراکت ہونا ہے، شراکت کرنا نہیں ۔

احمد وصال — اپریل 17، 2018 8:23 صبح

ظہیراحمدظہیر نے کہا:
خود پہ تھوڑی سی مشقت کرلیں
۔ محاورے کی رو سے خود پر یا کسی چیز پر محنت کی جاتی ہے ۔ لیکن مشقت کا اس طرح استعمال ٹھیک نہیں ۔ کسی چیز کے لئے مشقت اٹھانا یا کرنا ٹھیک ہے ۔
کس نے ہے ساتھ ہمارا دینا؟
یہ فصیح اردو نہیں ۔ پنجاب کے زیرِ اثر اب اردو میں اس طرح کے جملے عام نظر آنے لگے ہیں ۔ لگ تو یہی رہا ہے کہ سو پچاس سال بعد یہ معیاری اردو ہوجائے گا ۔ لیکن تب تک کے لئے درست جملہ یوں ہوگا : ہمارا ساتھ کون دے گا ۔
آپ تھوڑی سی شراکت کر لیں
شرکت کرنا درست ہے ۔ شراکت کرنا نہیں ۔ شعر میں شرکت ہی کا محل ہے ۔
ویسے درست محاورہ (کسی کی) شراکت ہونا ہے، شراکت کرنا نہیں ۔

بہت نوازش محترم. ۔۔
آپ نے بہت اچھے انداز میں رھنمائی فرمائی۔۔۔
ان شاء اللہ آئندہ اس بات کا خیال رکھوں گا

زویا شیخ — اپریل 24، 2018 5:50 صبح

احمد وصال نے کہا:
خود پہ تھوڑی سی مشقت کرلیں
دکھ نہ چہرے پہ عبارت کر لیں
راس آئی ہے فضا شہر کی جب
یہ ملا حکم کہ ہجرت کر لیں
پھر رہیں گے نہ کسی کام کے بھی
آزمانے کو محبت کر لیں
مانتے ہم بھی ہیں دل کا کہنا
کیسے پھر دل کو نصیحت کرلیں ؟
کس نے ہے ساتھ ہمارا دینا؟
کس لئے نیند کو غارت کرلیں
خواب دفنانے ہیں آنکھوں میں سب
آپ تھوڑی سی شراکت کر لیں
پھر دوا کی بھی ضرورت نہ رہے
وہ جو اک بار عیادت کر لیں

واااہ واااہ