دشت و دریا چھان کے چپ رہ گیا ۔۔۔۔۔ از خاورچودھری

خاورچودھری — اگست 4، 2013 12:48 شام

دشت و دریا چھان کے چپ رہ گیا
ریگِ صحرا تان کے چپ رہ گیا
تشنگی ایسی غضب کی تھی مگر
بات تیری مان کے چپ رہ گیا
جیت سکتا تھا مقدر سے تمھیں
میں بہت کچھ ٹھان کے چپ رہ گیا
زندگی تیری طلب کا نام ہے
تم پہ جیون دان کے چپ رہ گیا
ورنہ دریا بھی بھسم کر ڈالتا
دل کو اپنا جان کے چپ رہ گیا
حرف آتا عشق پر خاور اگر!
بس یہیں پر آن کے چپ رہ گیا

محمد خلیل الرحمٰن — اگست 4، 2013 8:11 شام

بہت عمدہ ۔ بہت داد قبول فرمائیے خاورچودھری بھاائی۔

الف عین — اگست 5، 2013 11:04 صبح

دھماکا خیز باز آمد۔۔ خاورچودھری

الف نظامی — اگست 5، 2013 2:03 شام

زندگی تیری طلب کا نام ہے
تم پہ جیون دان کے چپ رہ گیا
واہ!

زبیر مرزا — اگست 5، 2013 3:02 شام

واہ جناب بہت خُوب

خاورچودھری — اگست 5، 2013 4:20 شام

اعجاز عبید صاحب آپ کی محبت کھنیچ لاتی ہے ۔۔۔۔۔۔۔ شکر گزار ہوں
بھائی محمد خلیل الرحمان ، الف نظامی صاحب اور زبیر مرزا صاحب شکر گزار ہوں ۔ ۔۔۔ خدا چاہے تو آپ کے محفل سے لطف اٹھاتا رہوں ۔۔۔۔۔ بس مصروفیات کا انتشار ۔۔۔۔۔ کیا کرے کوئی ؟