دل قلندر ہے جگر عشق میں تندور میاں
شوق ِ دیدار روانہ ھے سوئے طور میاں گل بدن شعلہ ء افلاس میں جل جاتے ہیں
جسم بازار میں بک جاتے ہیں مجبور میاں دل کے زندانوں سے آئے گی انالحق کی صدا
شہر ِ آشوب سے اٹھے کوئی منصور میاں شب کی زنجیر ھے آزادی ء گل رنگ مری
صبح ِ خوں رنگ لکھے شام کے دستور میاں مر گیے شاہ سدا جینے کی حسرت لے کر
ھم فقیروں نے لکھا مرنے کا منشور میاں چاند اترا جو مرے شہر مسافر بن کر
کوفہ ء دہر میں مر جایے گا بے نور میاں رات درویش کی تربت پہ تھے گریاں تارے
صبح چھیڑے گی صبا نغمہ ء عاشور میاں
محمد وارث — اکتوبر 15، 2011 8:50 صبح
واہ واہ واہ، کیا خوبصورت غزل کہی آپ نے فاروق صاحب۔ لاجواب گل بدن شعلہٴ افلاس میں جل جاتے ہیں
جسم بازار میں بک جاتے ہیں مجبور میاں مر گئے شاہ سدا جینے کی حسرت لے کر
ھم فقیروں نے لکھا مرنے کا منشور میاں کیا کہنے جناب۔ بہت داد قبول کیجیے قبلہ۔
فاروق درویش — اکتوبر 15، 2011 10:30 صبح
سلام و آداب برادر محترم محمد وارث صاحب ۔۔۔۔۔۔۔۔۔۔۔۔۔۔۔۔۔۔۔۔ ممنون ھوں محبتوں کا ۔۔۔۔۔۔ آپ جیسے استاد ِ سخن کی پزیرائی میرے لئے بہت بڑا انعام ھے ۔۔۔۔۔۔۔۔سدا خوش آباد و خوش مراد
محمداحمد — اکتوبر 15، 2011 10:40 صبح
گل بدن شعلہٴ افلاس میں جل جاتے ہیں
جسم بازار میں بک جاتے ہیں مجبور میاں بہت خوب فاروق صاحب، بہت اچھی غزل ہے۔ بہت سی داد حاضر ہے۔ خوش رہیے۔
فاروق درویش — اکتوبر 15، 2011 11:15 صبح
جزاک اللہ برادر محمد احمد صاحب ۔۔۔۔۔۔۔۔۔۔۔۔۔۔۔۔۔۔۔ ممنون ھوں محبتوں کیلئے ۔۔۔۔۔۔۔۔۔۔۔۔۔۔۔ اللہ سبحان تعالی دین و دنیا میں سرفرازیاں عطا فرمائے ۔۔۔۔۔۔۔۔۔۔۔۔۔۔۔۔۔ خوش آباد
ابن سعید — اکتوبر 15، 2011 2:22 شام
کمال کا لکھتے ہیں قبلہ۔ بڑی روانی ہے آپ کے کلام میں۔ گل بدن اور فقیروں والے اشعار تو بہت ہی خوب ہیں۔ لطف آ گیا۔
فاروق درویش — اکتوبر 16، 2011 4:20 صبح
ممنون ھوں برادر محترم ابن سعید صاحب ۔۔۔۔۔۔۔۔۔۔۔۔۔۔۔۔۔۔ اللہ دیار ِ غیر میں آپ کو اپنی حفظ و امان میں رکھے ۔۔۔۔۔۔۔۔۔۔۔۔۔۔ سدا خوش آباد و خوش مراد ۔۔۔۔۔۔۔۔۔۔۔۔۔
سیدہ سارا غزل — اکتوبر 16، 2011 1:32 شام
وں تو ساری غزل خوب ہے لیکن مجھے ذاتی طور پر آپ کی غزل کا یہ حسب ِ حال شعر بہت پسند ھے دل کے زندانوں سے آئے گی انالحق کی صدا
شہر ِ آشوب سے اٹھے کوئی منصور میاں سدا سلامت رہیں
الف عین — اکتوبر 16، 2011 4:28 شام
اچھی غزل ہے، مبارک ہو۔ بڑی بات یہ ہے کہ آپ کا لہجہ پہچانا جا سکتا ہے۔
محمد امین — اکتوبر 16، 2011 6:32 شام
واہ جناب۔۔۔ کیا کہنے۔۔ اتنی مشکل غزل۔۔ اور اتنے اچھے طریقے سے لکھی گئی، بہت انوکھا اور بہت خوب انداز ہے۔۔
فاروق درویش — اکتوبر 16، 2011 9:10 شام
جزاک اللہ استاد محترم الف عین صاحب ۔۔۔۔۔۔۔۔۔۔۔۔ ممنون ھوں محبتوں کا ۔۔۔۔۔۔۔۔۔۔۔۔۔۔۔۔۔ مولائے کائنات آپ کو سدا ہمارے سر پر سلامت رکھے۔۔۔۔۔۔۔۔۔۔۔۔۔۔خوش آباد و خوش مراد ۔۔۔۔۔۔۔۔۔۔۔۔۔۔
فاروق درویش — اکتوبر 16، 2011 9:12 شام
جزاک اللہ برادر محمد امین صاحب ۔۔۔۔۔۔۔۔۔۔۔۔۔۔۔۔۔۔۔۔۔۔ محبتوں اور حوصلہ افزائی کیلئے ممنون و مشکور ھوں ۔۔۔۔۔۔۔۔۔۔ خوش آباد و خوش مراد ۔۔۔۔۔۔۔
محمد بلال اعظم — ستمبر 1، 2013 6:21 صبح
لاجواب غزل۔
کئی بار ایس ایم ایس کے ذریعے۔ آج دوبارہ موصول ہوئی تو خیال آیا کہ دیکھا جائے، یہ خوبصورت غزل کن کی تخلیق ہے۔
گوگل انکل محفل پہ لے آئے۔
بہت ہی خوبصورت غزل ہے۔ صبح سے بار بار پڑھ کے لطف لے رہا ہوں۔
