دل ہی دلبستگی کے درپے ہے

محمد ریحان قریشی — جولائی 14، 2019 10:17 شام

دوستی دشمنی کے درپے ہے
ہر کوئی ہی کسی کے درپے ہے
ڈھونڈتی ہے خدائے بے ہمتا
آذری بت گری کے درپے ہے
یوں مچلتا ہے چھوٹ جاتا ہے
دل ہی دلبستگی کے درپے ہے
مجھ حزیں کو نہیں ہے خدشۂ غم
خود خوشی ہی خوشی کے درپے ہے
آئنے میں ہے آئنے کا عکس
آئنہ کیوں کسی کے درپے ہے؟
ہے یہی نغمہ بر زبانِ شمع
'زندگی زندگی کے درپے ہے'
یوں تو ریحان شخص ہے معقول
جانے کیوں شاعری کے درپے ہے

محمد عدنان اکبری نقیبی — جولائی 15، 2019 5:33 صبح

بہت شاندار ریحان بھائی ۔

صفی حیدر — جولائی 15، 2019 11:47 صبح

محمد ریحان قریشی نے کہا:
دوستی دشمنی کے درپے ہے
ہر کوئی ہی کسی کے درپے ہے
ڈھونڈتی ہے خدائے بے ہمتا
آذری بت گری کے درپے ہے
یوں مچلتا ہے چھوٹ جاتا ہے
دل ہی دلبستگی کے درپے ہے
مجھ حزیں کو نہیں ہے خدشۂ غم
خود خوشی ہی خوشی کے درپے ہے
آئنے میں ہے آئنے کا عکس
آئنہ کیوں کسی کے درپے ہے؟
ہے یہی نغمہ بر زبانِ شمع
'زندگی زندگی کے درپے ہے'
یوں تو ریحان شخص ہے معقول
جانے کیوں شاعری کے درپے ہے

نہایت عمدہ ۔۔۔۔ اختصار کا اعجاز باکمال ہے ۔۔۔۔۔۔

محمداحمد — جولائی 17، 2019 8:48 صبح

محمد ریحان قریشی نے کہا:
یوں مچلتا ہے چھوٹ جاتا ہے
دل ہی دلبستگی کے درپے ہے

محمد ریحان قریشی نے کہا:
مجھ حزیں کو نہیں ہے خدشۂ غم
خود خوشی ہی خوشی کے درپے ہے

محمد ریحان قریشی نے کہا:
یوں تو ریحان شخص ہے معقول
جانے کیوں شاعری کے درپے ہے

کیا کہنے!
عمدہ اشعار!

ظہیراحمدظہیر — اگست 24، 2019 5:46 صبح

بہت خوب ریحان! اچھے اشعار ہیں ! اچھی غزلیں کہہ رہے ہیں آپ! بہت داد!
چوتھے مصرع میں ٹائپو درست کرلیجئے ۔ پڑھنے کا مزا کرکرا ہوجاتا ہے ٹائپو سے ۔