دو نظمیں

نوید صادق

میں جو گُم صُم سرِ سوادِ ذات
تار و پودِ سکوں سے اُلجھا ہوں
دیکھتا ہوں، ہوا میں لہراتے
مخملیں زرد رُو کنول کے پھول
ساحلِ خواب پر اُمنڈتی دُھند
جان لیوا سکوتِ صحرا میں
اپنے ہونے کی نفی کرتا ہوں
کش مکش کا سبب کسے معلوم
سایہ ابر میں مرا سایہ
کھو گیا ریت کی تہوں میں کہیں
جانتا ہوں، مگر نہیں کہتا
یہ غمِ کاہشِ وفا تو نہیں
شمع کی لَو کے اُس طرف کوئی
کتنے برسوں سے منتظر ہے مرا!!
٭

رات تہلیل ہو گئی مجھ میں
صبح میرے عیوب کھولے کیا
میں کہیں دور دشتِ وحشت میں
اپنے سائے سے الجھا بٹھا ہوں
بے بسی حد سے ما سَوا ہے یہاں
صبح بے رنگ، شام ہے بے کیف
سانس کی لَے کے ساتھ اٹھتا ہے
دل میں ہنگامہ نبود و بود
گردشِ خوں سوال کرتی ہے
اور کب تک چلے گا یہ سب کچھ!؟
لمحہ لمحہ سوال کرتا ہے
میرے ہونے میں کون حائل ہے
میری سوچوں پہ کس کا پہرا ہے
وہ جو برسوں سے منتظر تھا مرا
کوئی اُس کی خبر نہیں دےتا
ہر نفس یہ پیام آتا ہے
آس کی تان ٹوٹ جائے گی
زندگی ہار مان جائے گی!!
٭
(نوید صادق)
بہت تھک چُکا ہوں

سبحان اللہ کیا ہی عمدہ کلام ہے. سب سے پہلے تو بے حد مبارکباد اور پھر شکریہ

بہت خوب جناب نوید صادق صاحب، داد کے ڈھیروں پھول قبول ہوں۔

نوید بھائی ، کوئی داد نہیں،۔۔۔ معافی چاہتا ہوں۔

دونوں نظمیں خوبصورت ہیں نوید صاحب، بہت داد قبول کیجیئے محترم۔
امید ہے کہ "غزل" کے ساتھ بھی رشتہ استوار اور تعلق برقرار رکھیں گے

نوید بھائی دونوں نظمیں ’’ ناقابلِ‌اصلاح ‘‘ ہیں انہیں ’’ آپ کی شاعری ‘‘ کی لڑی میں پیش کیا جائے ۔ پیشگی ممنون و متشکر

م۔م۔مغل نے کہا:

نوید بھائی دونوں نظمیں ’’ ناقابلِ‌اصلاح ‘‘ ہیں انہیں ’’ آپ کی شاعری ‘‘ کی لڑی میں پیش کیا جائے ۔ پیشگی ممنون و متشکر

مزید نمائش کے لیے کلک کریں۔۔۔

اب میں اس پر ہنسوں کہ روؤں۔
یا دونوں کام باری باری کر لوں۔

دونوں ہی کام کر لیجے کہ واوین کا مقصد بھی آپ جانتے ہیں ۔ ہاہاہ

بھیا! میں کیا سمجھوں گا۔ لاہور سے نکلا تھا کراچی کے لیے۔ اور بالاکوٹ سے ہوتا ہوا باغ-آزاد کشمیر پہنچ گیا۔

بہت خوب نوید صادق صاحب، بہت لاجواب،

معنویت سے اس قدر بھر پور مختصر اشعار کم کم دیکھنے کو ملتے ہیں۔

واہ، سبحان اللہ۔ دونوں نظمیں بہت خوبصورت ہیں۔
اتنی کسرِ نفسی کیوں نوید؟
ان کو کاپی پیسٹ کر کے پسندیدہ کلام میں پوسٹ کیا جا سکتا ہے محمود۔ یا میں کر دوں؟

بابا جانی ، وارث صاحب کو کہہ دیں و ہ اسے منتقل کردیں‌گے ، تاکہ لڑی بھی کار آمد رہے ۔ آپ کیا کہتے ہیں ۔؟

کوئی کر دے کہ مجھے یہ منتقلی وغیرہ کرنا ہی نہیں آتی۔

شمشاد بھائی کو عرضی پہنچا دی گئی ہے ، دیکھیے کب آمد ہوتی ہے ان کی محفل میں ۔

شکریہ شمشاد بھائی ، ۔۔
بابا جانی اور نوید بھائی متقلی مکمل ہوچکی ہے ، ۔۔

گویا حق بہ حقدار رسید، میاں محمود کے رسید کاٹے بغیر۔ ورنہ میرا ارادہ تو مسندیدہ کلام میں پوسٹ کرنے کا تھا، منتقلی کا کام تو ماڈریٹرس کر سکتے ہیں صرف۔

جی ہاں بابا جانی ، آپ کی طبیعت کیسی ہے اب ؟؟ اللہ آپ کو صحت دے ، مراسلت میں فرق محسوس ہورہا ہے ۔جانے کیوں؟

نوید صادق نے کہا:

کوئی کر دے کہ مجھے یہ منتقلی وغیرہ کرنا ہی نہیں آتی۔

مزید نمائش کے لیے کلک کریں۔۔۔

آپ کر ہی نہیں سکتے یہ سبز، سرخ والے کرتے ہیں