دوری ہے اور تجھ سے طبیعت اداس ہے

دوری ہے اور تجھ سےطبیعت اداس ہے
لگتا ہے یوں کہ اب تو میرے آس پاس ہے
روح و بدن میں ایک عجب کشمکش رہی
تو پاس ہے بھی اور نہیں ، دل اداس ہے
بیتے ہیں چند دن یہ مرے تجھ سے دور جو
بتلا کہاں یہ ماہ و برس مجھ کو راس ہے
سنتے ہیں مئے پئییں گے تجھے بھول جائیں گے
مجھ کو نہیں ہےمئے کی طلب تیری پیاس ہے
دوری ہے قید و بند و اذیت دماغ کی
تیرے سوا کوئی نہ مرا غم شناس ہے

ان دو کے لیئے جنہیں مجھ سے دور ہوئے آج ایک مہینہ ایک دن ہوگیا

مجھے تم سے ہمدردی ہے فیصل۔۔ غزل تو اچھی ہے، سچے جذبات جوہیں، کہیں کہیں الفاظ آگے پیچھے کرنے سے ہی بہتر ہو سکتی ہے۔

بہت بہت شکریہ اعجاز صاحب ۔ اگرتحسین ہوتی ہے تو اقتراحات کے لیئے بندہ دیدہ و دل فرش راہ ہے

جواب نہیں جناب ۔ سدا خوش رہیں ۔ بابا جانی تو کہہ ہی چکے سو ہم ۔۔ بھی منتظر ہیں

فیصل بھائی لگتا ہے یہ تو بھابھی کی یاد میں‌کہی آپ نے۔اسی لیے بہت بہت اچھی ہے

جی یہ انہی کی یاد میں لکھا گیا ہے

بہت خوب فیصل بھائی،
بہت اچھی غزل ہے۔
خوش رہیے۔

بہت شکریہ احمد بھائی آپ کی ذرہ نوازی ہے

بُہت خوب جناب فیصل صاحب

شکریہ شاہ جی
آپ کی محبت ہے

فیصل صاحب ، کیا اغلاط ابھی تک دورنہیں کی گئیں ؟؟

اگر خود اغلاط دور کر پاتے تو آپ کو یہ سوال پوچھنے کا موقع نہ ملتا ۔
ہم ا نتظار میں ہیں کوئی سدھار دے
ہم جابجا غلط ہوئے تو کس قدر ہوئے

بہت کوب فیصل صاحب