دھوپ ہے‘ دیوار کا سایا بھی ہے

میم الف — جون 25، 2021 3:45 شام

دھوپ ہے‘ دیوار کا سایا بھی ہے
بیٹھنا تنہا ہمیں بھایا بھی ہے
جس کے آگے منزلیں ہوتی نہیں
دل ہمیں اُس گام تک لایا بھی ہے
چھوڑتے ہرگز نہیں سنسار کو
اور یہ کہتے ہیں سب مایا بھی ہے
پوجنے والوں سے یہ پوچھے کوئی
کیا کسی نے پوج کر پایا بھی ہے؟
زندگی ننگی کی ننگی ہے الفؔ
پیرہن معنی کا پہنایا بھی ہے
میم الف | ۲۰۱۸

فاخر رضا — جون 25، 2021 5:27 شام

میم الف نے کہا:
دھوپ ہے‘ دیوار کا سایا بھی ہے
بیٹھنا تنہا ہمیں بھایا بھی ہے
جس کے آگے منزلیں ہوتی نہیں
دل ہمیں اُس گام تک لایا بھی ہے
چھوڑتے ہرگز نہیں سنسار کو
اور یہ کہتے ہیں سب مایا بھی ہے
پوجنے والوں سے یہ پوچھے کوئی
کیا کسی نے پوج کر پایا بھی ہے؟
زندگی ننگی کی ننگی ہے الفؔ
پیرہن معنی کا پہنایا بھی ہے
میم الف | ۲۰۱۸

الف کا استعمال یہاں بہت مناسب ہے

میم الف — جون 26، 2021 7:48 صبح

فاخر رضا نے کہا:
الف کا استعمال یہاں بہت مناسب ہے

بہت شکریہ جی
اگرچہ جس رمزیانہ انداز میں آپ نے کہا ہے
غالباً ہم اس کی تہ تک پہنچ نہیں پائے - پوری طرح سمجھ نہیں پائے

فاخر رضا — جون 26، 2021 10:09 صبح

اس کے لیے آپ کو لغت سے رجوع کرنا ہوگا
الف ہونا. یہ ایک محاورہ ہے

یاسر شاہ — جون 27، 2021 4:48 شام

میم الف نے کہا:
دھوپ ہے‘ دیوار کا سایا بھی ہے
بیٹھنا تنہا ہمیں بھایا بھی ہے

واہ۔خوب۔ بقول میر "کیا عشق سے ہے کام اس آرام طلب کو"

میم الف نے کہا:
چھوڑتے ہرگز نہیں سنسار کو
اور یہ کہتے ہیں سب مایا بھی ہے

واہ۔
زیست سے تنگ ہو اے داغ تو جیتے کیوں ہو؟
جان پیاری بھی نہیں جان سے جاتے بھی نہیں

یاسر شاہ — جون 27، 2021 4:55 شام

میم الف نے کہا:
جس کے آگے منزلیں ہوتی نہیں
دل ہمیں اُس گام تک لایا بھی ہے

منیب بھائی! آپ کا شعر تو اپنے مطلب میں صاف ہے ۔ مگر میں چاہوں گا ،محض رفع تجسس کے لیے، کہ اس شعر پر آپ مفصل روشنی ڈالیں کہ وہ کونسا مقام تھا جہاں آپ پہنچے اور دیکھا آگے منزل نہیں۔

میم الف — جون 27، 2021 5:32 شام

یاسر شاہ نے کہا:
منیب بھائی! آپ کا شعر تو اپنے مطلب میں صاف ہے ۔ مگر میں چاہوں گا ،محض رفع تجسس کے لیے، کہ اس شعر پر آپ مفصل روشنی ڈالیں کہ وہ کونسا مقام تھا جہاں آپ پہنچے اور دیکھا آگے منزل نہیں۔

روداد سفر نہ چھیڑ ناصر
پھر اشک نہ تھم سکیں گے میرے

میم الف — جون 28، 2021 6:37 صبح

یاسر شاہ نے کہا:
منیب بھائی! آپ کا شعر تو اپنے مطلب میں صاف ہے ۔ مگر میں چاہوں گا ،محض رفع تجسس کے لیے، کہ اس شعر پر آپ مفصل روشنی ڈالیں کہ وہ کونسا مقام تھا جہاں آپ پہنچے اور دیکھا آگے منزل نہیں۔

یاسر بھائی،
غالباً نثر اِس کے لیے موزوں نہیں ہے۔ پردۂ شعر ہی بہتر ہے۔

سید عاطف علی — جون 28، 2021 6:44 صبح

میم الف نے کہا:
غالباً نثر اِس کے لیے موزوں نہیں ہے۔ پردۂ شعر ہی بہتر ہے۔

چھپاجاتا ہوں اپنے دل کا مطلب استعاروں میں