اے اسامہ! کبھی دیکھ اپنی کمی ۔۔۔ ہر برائی ترے دل میں آکر جمی
کونسی اچھی لگتی ہے حالت تری ۔۔۔ بو بھی تیری بری ، خو بھی تیری بری
بدعمل ، بدچلن ، بد دماغ و مزاج ۔۔۔ بدنظر ، بدگہر ، لادوا ، لاعلاج
آئے تیرے تصور سے ہی جھرجھری ۔۔۔ جسم تیرا برا ، روح تیری بری
بدمزہ ، بدنما ، بدزباں ، بدگماں ۔۔۔ نااہل ، نابلد ، ناسمجھ ، ناتواں
تیرے اندر صفاتِ بدی ہیں نِری ۔۔۔ قول تیرا برا ، سوچ تیری بری
لا پتا ، لا دوا ، دل جلا ، دل شکن ۔۔۔ بے نوا ، بے ہنر ، نا خلف ، بد امن
ہر بھلائی تری ذات سے ہے بَری ۔۔۔ شان تیری بری ، ذات تیری بری
بے وفا ، بے رحم ، سر گراں ، سر نگوں ۔۔۔ بےبسی ، بےکسی ، بےحسی جوں کی توں
ہوگئے سب مذکر مؤنث فری ۔۔۔ پس برائی برا اور برا ہے بری
نارسا ، ناروا ، ناترس ، بدحواس ۔۔۔ ہے تو بےصبرا ، ناشکر اور نا سپاس
دل ترا کرکرا ، کھوپڑی سرپھری ۔۔۔ یہ بھی تیرا برا ، وہ بھی تیری بری
بےشرم ، بےحیا ، بےادب ، بےلگام ۔۔۔ بےتُکا ، بےسُرا ، بےمزہ ، بدکلام
نظم بھی بے سُری اے برے سَرسَری! ۔۔۔ تیرا سب کچھ برا ، تیری ہر شے بری
