ساون کے نام - منیب احمد فاتحؔ

منیب احمد فاتح — جولائی 22، 2014 11:45 صبح

یوں چھائی گھنگور گھٹا
ہر سو اندھیرا پھیل گیا
قطرہ قطرہ بارش کا
ڈرتے ڈرتے کود پڑا
بجلی کڑکی دمن دمن
کاگا کاگا کانپ اُڑا
پیڑوں سے ٹکرائی ہوا
پتّا پتّا جھوم پڑا
مور لگے پھیلانے پَر
جنگل جنگل رنگ بھرا
مٹّی کی بھینی خوشبو
نے گلیوں میں راج کیا
مسکائی پیاسی کھیتی
سوکھا کنواں جاگ اُٹھا
کالی کالی گھٹاؤں کا
گھٹتے گھٹتے زور گھٹا
نیلی چھتری چِیر کے پھر
اِک جانب سورج نکلا
دھنک دھنک پریاں اُتریں
پربت پربت رقص ہوا
سارا ساون آنکھوں میں
دھیرے دھیرے ڈوب گیا

نایاب — جولائی 22، 2014 3:10 شام

ساون جو اگن لگائے ۔۔۔۔۔۔۔۔۔۔۔۔۔۔
بہت خوبصورت کلام
بہت دعائیں

منیب احمد فاتح — جولائی 23، 2014 7:18 صبح

نایاب نے کہا:
ساون جو اگن لگائے ۔۔۔۔۔۔۔۔۔۔۔۔۔۔
بہت خوبصورت کلام
بہت دعائیں

ہمیشہ کی طرح دل بڑھانے پر بہت شکرگزار ہوں!

الف عین — جولائی 23، 2014 7:36 صبح

اچھی نظم ہے

محمداحمد — جولائی 23، 2014 9:02 صبح

بہت ہی خوبصورت نظم ہے منیب بھائی ۔۔۔!
خوش رہیے۔

منیب احمد فاتح — جولائی 23، 2014 1:40 شام

الف عین نے کہا:
اچھی نظم ہے

آپ کا اچھا کہنا بہت اعزاز ہے، شکریہ!

منیب احمد فاتح — جولائی 23، 2014 1:41 شام

محمداحمد نے کہا:
بہت ہی خوبصورت نظم ہے منیب بھائی ۔۔۔!
خوش رہیے۔

تھینک یو!