عشق تمہارے میں (اردو ماہیے/خاورچودھری)

خاورچودھری — مئی 25، 2008 3:39 صبح

کچھ کام نہیں ہوتا
عشق تمہارے میں
آرام نہیں ہوتا
ہووقت کبھی ملنا
زخم جدائی کا
مشکل ہے مگرسِلنا
زلفوں کوسنورنے دو
روزاُلجھتے ہو
کچھ کام بھی کرنے دو
ہیں بخت سیہ کالے
صرف تری خاطر
دستورمٹادالے
تم دردہوسینوں کا
حال نہیں پوچھا
ہم خاک نشینوں کا
جس سمت بھی دیکھوگی
یادرُلائے گی
جب بھی مجھے سوچوگی
جاتجھ سے نہیں ملنا
پھول محبت کا
آسان نہیں کِھلنا
رنگوں سے بھراموسم
بیت چکاساون
کیااشک بہائیں ہم
اک بارسُناؤگی
رازمحبت کا
کس کس سے چُھپاؤگی
مجبورجوانی پر
شہرامڈآیا
اک رات کی رانی پر
سجنی کاحسیں گِہنا
روٹھ گئے ہم تو
آوازنہیں دینا
سچ شہدسے میٹھاہے
رس ترے ہونٹوں کا
انعام وفاکاہے

محمد وارث — مئی 25، 2008 4:56 شام

بہت خوبصورت ماہیے ہیں خاور چودھری صاحب، لاجواب

خاورچودھری — مئی 26، 2008 12:48 شام

بہت شکریہ محمدوارث صاحب

سجادعلی — مئی 26، 2008 2:24 شام

محمد وارث نے کہا:
بہت خوبصورت ماہیے ہیں خاور چودھری صاحب، لاجواب

میں آپ کا ہم نوا ہوں

الف نظامی — فروری 15، 2009 7:59 صبح

بہت خوب!!!

خاورچودھری — فروری 20، 2009 4:24 صبح

الف نظامی نے کہا:
بہت خوب!!!

شکریہ جناب من!