غزل---دل ہےتو دھر مرے کلام پہ کان

السلام علیکم!
اہلِ محفل کی خدمت میں ایک غزل پیش کر رہا ہوں، ملاحظہ ہو:
ایسے بن کو چمن نہ سمجھا جائے
اس زماں کا چلن نہ سمجھا جائے
دل ہے تو دھر مرے کلام پہ کان
عقل سے یہ سخن نہ سمجھا جائے
وہی الفت، وفا، نبھانے کی بات
دل کا طرزِ کہن نہ سمجھا جائے
تیری پلکیں ہیں، کوئی تیر نہیں
پھر بھی دل میں چبھن، نہ سمجھا جائے!
عشق ہے یہ، بتوں کا عشق!، اسے
عام سی اک لگن نہ سمجھا جائے
منذر اس قدر بیدلی ! توبہ!
رازِ رنج و محن نہ سمجھا جائے!

ماشاء اللہ، حسبِ سابق اچھی غزل ہے۔
مجھے بس مطلع دولخت محسوس ہوا، اور پلکوں کی نرمی پر بھی متردد ہوں، پلکیں تو عموماً نازکی سے موصوف ہوتی ہیں؟

منذر رضا نے کہا:

وہی الفت، وفا، نبھانے کی بات
دل کا طرزِ کہن نہ سمجھا جائے

مزید نمائش کے لیے کلک کریں۔۔۔

زبردست!
دعاگو،
راحلؔ

پلکوں والا مصرع تبدیل کر دیا راحل صاحب، شکریہ !

اچھی غزل ہے

اچھی غزل ہے پسند آئی۔ لیکن
منذر اس قدر بیدلی ! توبہ!
رازِ رنج و محن نہ سمجھا جائے!
یہاں قدر کا تلفظ غلط قدر کا لگ گیا ہے

الف عین
حضرت میری نظر میں تو مبارک شاہ آبرو کا یہ شعر تھا:
افسوس اوں کی قدر کوں تم پوچھتے نہیں
پہچان جانتے نہیں تم دل کے دوستدار

منذر رضا نے کہا:

الف عین
حضرت میری نظر میں تو مبارک شاہ آبرو کا یہ شعر تھا:
افسوس اوں کی قدر کوں تم پوچھتے نہیں
پہچان جانتے نہیں تم دل کے دوستدار

مزید نمائش کے لیے کلک کریں۔۔۔

یہاں بھی قدر کے معنی عزت و تکریم کے ہیں جو درست ہے، لیکن کس قدر، جس قدر وغیرہ میں مقدار کے معنی میں ہے، جو مفتوح دال کے ساتھ ہوتا ہے۔
غالب
شرحِ اسبابِ گرفتاریِ خاطر مت پوچھ
اس قدر تنگ ہوا دل کہ میں زنداں سمجھا
اور قدر بمعنی تکریم، غالب :
دلِ حسرت زدہ تھا مائدۂ لذتِ درد
کام یاروں کا بہ قدرِ لب و دنداں نکلا

صحیح حضور، رہنمائی کا شکریہ الف عین صاحب

الف عین نے کہا:

یہاں بھی قدر کے معنی عزت و تکریم کے ہیں جو درست ہے، لیکن کس قدر، جس قدر وغیرہ میں مقدار کے معنی میں ہے، جو مفتوح دال کے ساتھ ہوتا ہے۔
غالب
شرحِ اسبابِ گرفتاریِ خاطر مت پوچھ
اس قدر تنگ ہوا دل کہ میں زنداں سمجھا
اور قدر بمعنی تکریم، غالب :
دلِ حسرت زدہ تھا مائدۂ لذتِ درد
کام یاروں کا بہ قدرِ لب و دنداں نکلا

مزید نمائش کے لیے کلک کریں۔۔۔

شکریہ۔ یہ فرمائیے کہ کیا قدَر بمعنی مقدار ایک غلط العام تلفظ ہے اور اصل تلفظ قدر (دال ساکن) تھا؟

قدر، دال ساکن، بمعنی مقدار کی مثال دیں۔ اگر ' اس قدَر'، دال مفتوح، کو دال ساکن بولا جاتا یو تو تمہاری بات مانتا ہوں، ورنہ میں نے تو کبھی دال ساکن نہیں سنا اس یا کس کے ساتھ!

الف عین نے کہا:

قدر، دال ساکن، بمعنی مقدار کی مثال دیں۔ اگر ' اس قدَر'، دال مفتوح، کو دال ساکن بولا جاتا یو تو تمہاری بات مانتا ہوں، ورنہ میں نے تو کبھی دال ساکن نہیں سنا اس یا کس کے ساتھ!

مزید نمائش کے لیے کلک کریں۔۔۔

میں نے لغت میں ایسا لکھا دیکھا کہ قدر کے دونوں تلفظات کے تحت اس کے معانی میں تکریم اور مقدار درج تھے۔ آپ اس لغت میں ملاحظہ فرمائیے۔
Urdu Lughat