غزل-کیوں کر کروں شکایتِ آزارِ نقشِ پا

محمد ریحان قریشی — اپریل 21، 2016 11:12 صبح

کیسے کروں شکایتِ آزارِ نقشِ پا
ہر زخمِ دل مرا ہے نمک خوارِ نقشِ پا
گلشن میں سج گیا ہے جو بازارِ نقشِ پا
گل چھوڑ بلبلیں ہیں خریدارِ نقشِ پا
گر نقشِ پائے یار کو آئینہ جانیے
کہیے مری مژہ کو بھی زنگارِ نقشِ پا
طاقت کہاں کہ دید کریں بے حجاب ہم
کرتا زمین بوس ہے دیدارِ نقشِ پا
دنیا ہماری راہ عبث ڈهونڈتی ہے اب
جاتے ہیں موج ساتھ ہی آثارِ نقشِ پا
ہم راہرو جہان سے ایسے گزر گئے
گویا نہ چھوڑا خاک پہ بھی بارِ نقشِ پا
دیتے ہیں راستے کو ہی ریحان ہم بدل
آئے نظر جو راہ پہ تکرارِ نقشِ پا

راحیل فاروق — اپریل 21، 2016 11:37 صبح

محمد ریحان قریشی نے کہا:
گر نقشِ پائے یار کو آئینہ جانیے
کہیے مری مژہ کو بھی زنگارِ نقشِ پا

ان نازک خیالیوں کے کیا کہنے!
اتنی سی عمر میں ایسے شعر کہتے ہیں تو ایک بات یقینی ہے۔ آپ کے شعری مطالعے کا آغاز ضرور غالبؔ سے ہوا ہو گا۔

محمد ریحان قریشی — اپریل 21، 2016 11:46 صبح

راحیل فاروق نے کہا:
ان نازک خیالیوں کے کیا کہنے!
اتنی سی عمر میں ایسے شعر کہتے ہیں تو ایک بات یقینی ہے۔ آپ کے شعری مطالعے کا آغاز ضرور غالبؔ سے ہوا ہو گا۔

حوصلہ افزائی کا بہت بہت شکریہ جناب. شعری مطالعہ تو اقبال سے شروع ہوا دس سال کی عمر میں مگر دو تین سال سے غالب ہی میں گم ہوں.

عبیر خان — اپریل 21، 2016 12:01 شام

بہت ہی عمدہ۔ شکریہ

محمد ریحان قریشی — اپریل 22، 2016 9:30 صبح

اس بیچاری غزل کو تو فیسبک پہ بهی چار ہی لائکس ملیں.

محمد تابش صدیقی — اپریل 22، 2016 9:40 صبح

محمد ریحان قریشی نے کہا:
اس بیچاری غزل کو تو فیسبک پہ بهی چار ہی لائکس ملیں.

اردو محفل کا ایک لائک فیسبک کے سو لائکس سے بہتر ہے۔

سید عاطف علی — اپریل 22، 2016 11:20 صبح

ریحان قریشی بھیا بہت اچھی غزل ہے۔
البتہ آپ اپنے اسلوب کو خود مزید پختہ کر سکتے ہیں ۔ مشق سخن خوب ہے ، جاری رکھیے۔

اکمل زیدی — اپریل 22، 2016 11:46 صبح

راحیل فاروق نے کہا:
اتنی سی عمر میں ایسے شعر کہتے ہیں

محمد ریحان قریشی نے کہا:
شعری مطالعہ تو اقبال سے شروع ہوا دس سال کی عمر میں مگر دو تین سال سے

مجھے پہلے ہی شک تھا یہ عمر سولہ سال شاعری کی عمر ہے باقی طبعی عمر کیا ہے وہ بتائیں......سچ سچ . . .اور سچ تو ہے کے مجھے یقین نہیں آیا ۔ اس دن تو بچہ سمجھ کے چھوڑ دیا تھا . . .

ادب دوست — اپریل 22، 2016 12:07 شام

واہ واہ کیا کہنے بھئی بہت خوب ۔۔ بہت بہت داد قبول کیجئے ۔

محمد ریحان قریشی نے کہا:
گلشن میں سج گیا ہے جو بازارِ نقشِ پا
گل چھوڑ بلبلیں ہیں خریدارِ نقشِ پا

واہ واہ کیا کہنے خوش رہیں۔۔۔ واہ

محمد ریحان قریشی نے کہا:
گر نقشِ پائے یار کو آئینہ جانیے
کہیے مری مژہ کو بھی زنگارِ نقشِ پا

بہت خوب ۔۔

محمد ریحان قریشی نے کہا:
دنیا ہماری راہ عبث ڈهونڈتی ہے اب
جاتے ہیں موج ساتھ ہی آثارِ نقشِ پا

یہاں وہ عاطف بھائی والی بات ۔۔ جاتے ہیں ساتھ موج کے ۔۔

محمد ریحان قریشی نے کہا:
ہم راہرو جہان سے ایسے گزر گئے
گویا نہ چھوڑا خاک پہ بھی بارِ نقشِ پا

بارِ نقشِ پا کا جواب نہیں صاحب ۔۔ شعر یاد نہیں آرہا، سودا نے تضحیکِ روزگار میں اسی نوعیت کا ایک خیال باندھا ہے ۔۔

محمد ریحان قریشی نے کہا:
اس بیچاری غزل کو تو فیسبک پہ بهی چار ہی لائکس ملیں.

فیس بک کے لائک، اس لائق ہیں کہ کسی شے کو ان کے اعتبار سے دیکھا جائے؟
برادر یہ محفل کے لائکس ہیں اور یقین کیجئے ان میں ہر ایک کی بہت اہمیت ہے

محمد تابش صدیقی نے کہا:
اردو محفل کا ایک لائک فیسبک کے سو لائکس سے بہتر ہے۔

اور میرے حساب سے محفل میں ایسے لوگ بھی ہیں جن کے ایک لائک کو میں فیس بک کے ہزار لائک پر فائق سمجھتا ہوں۔

سید عاطف علی نے کہا:
ریحان قریشی بھیا بہت اچھی غزل ہے۔
البتہ آپ اپنے اسلوب کو خود مزید پختہ کر سکتے ہیں ۔ مشق سخن خوب ہے ، جاری رکھیے۔

متفق۔۔ اس نوجوان کا اپنا لہجہ دیدنی ہوگا عاطف بھائی۔۔۔
ماشاء اللہ

عبیر خان — اپریل 22، 2016 12:16 شام

محمد ریحان قریشی نے کہا:
اس بیچاری غزل کو تو فیسبک پہ بهی چار ہی لائکس ملیں.

شکر کریں کے لائک مل گے ہے۔ اور فیسبک والوں نے اس پوسٹ کو سپیم نہیں کیا۔

سرور احمد — اپریل 23، 2016 2:36 صبح

غالب کے ہیں انداز،تو اقبالی تخیُّل
تم شعر کہو ہو ،کہ کرامات کرو ہو!

الف عین — اپریل 23، 2016 4:13 صبح

میں لائک نہیں کر رہا، زبردستی کر رہا ہوں

ابن رضا — اپریل 23، 2016 7:23 صبح

خوب است!

محمد ریحان قریشی — اپریل 23، 2016 7:30 صبح

سرور احمد نے کہا:
غالب کے ہیں انداز،تو اقبالی تخیُّل
تم شعر کہو ہو ،کہ کرامات کرو ہو!

حوصلہ افزائی کا بے حد شکریہ ۔

الف عین نے کہا:
میں لائک نہیں کر رہا، زبردستی کر رہا ہوں

ابن رضا نے کہا:
خوب است!

آپ کی پسند میرے لیے سایہء ہما کی سی حیثیت رکھتی ہے۔ اس لیے نہایت شکریہ۔

نور وجدان — اپریل 25، 2016 11:26 صبح

بہت خوب چھوٹو !

محمد ریحان قریشی — اپریل 25، 2016 11:30 صبح

نور سعدیہ شیخ نے کہا:
بہت خوب چھوٹو !

حوصلہ افزائی کے لیے مشکور ہوں.

فرخ منظور — اپریل 26، 2016 11:46 صبح

بہت اعلیٰ۔ ہونہار بروا کے چکنے چکنے پات۔ مزید غزلیات میں مجھے ٹیگ کیجیے گا۔

فاتح — اپریل 26، 2016 12:18 شام

واہ واہ بہت خوب غزل ہے۔ کیا کہنے میاں جیتے رہو

محمد ریحان قریشی — اپریل 26، 2016 1:05 شام

فرخ منظور نے کہا:
بہت اعلیٰ۔ ہونہار بروا کے چکنے چکنے پات۔ مزید غزلیات میں مجھے ٹیگ کیجیے گا۔

فاتح نے کہا:
واہ واہ بہت خوب غزل ہے۔ کیا کہنے میاں جیتے رہو

بہت نوازش. بے حد شکریہ.

ظہیراحمدظہیر — اپریل 26، 2016 6:35 شام

بہت اعلیٰ !! کیا بات ہے ! ماشاءاللہ اچھے اشعار نکالے ہیں ! اللہ کرے زورِ بیاں اور زیادہ !
یہ غزل بہت خوش آئند ہے !!