غزل: اولِ عشق جو وقت گزرا حسیں ۔۔۔

محمد احسن سمیع راحلؔ — اپریل 14، 2021 8:12 صبح

عزیزانِ من، آداب!

محمد خلیل الرحمٰن نے کہا:
تو اسے اردو محفل پر بھی پیش فرمائیے۔ ہم ہمہ تن گوش نہیں بلکہ "پڑھنے والی آنکھ" ہیں۔

مکرمی و محترمی جناب خلیل بھائی کے ارشاد کی تعمیل میں ایک بہت پرانی غزل آپ سب کے ذوق کی نذر ۔۔۔ گر قبول افتد زہے عز و شرف!
ہمیشہ کی طرح آپ کی ثمین آرا کا انتظار رہے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولِ عشق جو وقت گزرا حسیں، میری تقدیر تھی
آخرِ عشق پر وہ ملا جو نہیں، میری تقدیر تھی
وہ جو بچپن کے میلے سے لی تھی انگوٹھی بڑے مان سے
زیوروں میں ترے کھو گئی جو کہیں، میری تقدیر تھی!
وقت کا کھیل ہے، آج تنہاء ہوں میں، ایک وہ دور تھا
کوچۂ عشق و الفت کی ہر نازنیں میری تقدیر تھی!
تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی
سخت حیران ہوں، میں پشیمان ہوں، کیوں سمجھ نہ سکا!
تم جسے دھوپ میں بیٹھی بنتی رہیں، میری تقدیر تھی
اتفاقات دنیا میں ہوتے ہیں، پر اس کا ملنا مجھے
اس کے آگے جھکائے بنا ہی جبیں، میری تقدیر تھی!
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!

عرفان علوی — اپریل 17، 2021 6:30 شام

محمّد احسن سمیع :راحل: نے کہا:
عزیزانِ من، آداب!
مکرمی و محترمی جناب خلیل بھائی کے ارشاد کی تعمیل میں ایک بہت پرانی غزل آپ سب کے ذوق کی نذر ۔۔۔ گر قبول افتد زہے عز و شرف!
ہمیشہ کی طرح آپ کی ثمین آرا کا انتظار رہے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولِ عشق جو وقت گزرا حسیں، میری تقدیر تھی
آخرِ عشق پر وہ ملا جو نہیں، میری تقدیر تھی
وہ جو بچپن کے میلے سے لی تھی انگوٹھی بڑے مان سے
زیوروں میں ترے کھو گئی جو کہیں، میری تقدیر تھی!
وقت کا کھیل ہے، آج تنہاء ہوں میں، ایک وہ دور تھا
کوچۂ عشق و الفت کی ہر نازنیں میری تقدیر تھی!
تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی
سخت حیران ہوں، میں پشیمان ہوں، کیوں سمجھ نہ سکا!
تم جسے دھوپ میں بیٹھی بنتی رہیں، میری تقدیر تھی
اتفاقات دنیا میں ہوتے ہیں، پر اس کا ملنا مجھے
اس کے آگے جھکائے بنا ہی جبیں، میری تقدیر تھی!
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!

راحل صاحب ، خوب غزل ہے ! داد قبول فرمائیے . یہ ایک نسبتتاََ کمیاب بحر ہے اور آپ نے اِس میں عمدہ اشعار ترتیب دیے ہیں . عموماً فاعلن کی گردان ایک مصرعے میں چار یا آٹھ بار نظر آتی ہے .
دوسرے شعر میں ’بچپن كے میلے‘ کی ترکیب کچھ غیر مانوس لگی . آپ ’وہ جو میلے سے بچپن میں . . .‘ کہتے تو بہتر تھا . ویسے اِس شعر کا خیال بہت پیارا ہے . تیسرے شعر میں ’ تنہا‘ میں ء کی ضرورت نہیں ہے . یہ شاید ٹائپو ہے . یہ شعر آپ كے کالج كے زمانے کا آئینہ معلوم ہوتا ہے .

پانچویں شعر میں ’نہ‘ کو ’نا‘ کی طرح ادا کرنا پڑ رہا ہے . دونوں کا فرق آپ جانتے ہونگے .
نیازمند ،
عرفان عابدؔ

منہاج علی — اپریل 17، 2021 11:11 شام

زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!
کیا کہنا، مقطع پسند آیا۔ خوب جناب۔

محمد عبدالرؤوف — اپریل 18، 2021 5:17 صبح

بہت خوب راحل بھائی اچھے شعر ہیں

محمّد احسن سمیع :راحل: نے کہا:
وقت کا کھیل ہے، آج تنہاء ہوں میں، ایک وہ دور تھا
کوچۂ عشق و الفت کی ہر نازنیں میری تقدیر تھی!

آپ اپنے ایسے اشعار پڑھتے رہا کیجیے، سدا جوان رہیں گے

عرفان سعید — اپریل 18، 2021 6:17 صبح

محمّد احسن سمیع :راحل: نے کہا:
تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی

واہ!
بہت خوب

محمد احسن سمیع راحلؔ — اپریل 18، 2021 7:44 صبح

عرفان علوی نے کہا:
راحل صاحب ، خوب غزل ہے ! داد قبول فرمائیے . یہ ایک نسبتتاََ کمیاب بحر ہے اور آپ نے اِس میں عمدہ اشعار ترتیب دیے ہیں . عموماً فاعلن کی گردان ایک مصرعے میں چار یا آٹھ بار نظر آتی ہے .
دوسرے شعر میں ’بچپن كے میلے‘ کی ترکیب کچھ غیر مانوس لگی . آپ ’وہ جو میلے سے بچپن میں . . .‘ کہتے تو بہتر تھا . ویسے اِس شعر کا خیال بہت پیارا ہے . تیسرے شعر میں ’ تنہا‘ میں ء کی ضرورت نہیں ہے . یہ شاید ٹائپو ہے . یہ شعر آپ كے کالج كے زمانے کا آئینہ معلوم ہوتا ہے . پانچویں شعر میں ’نہ‘ کو ’نا‘ کی طرح ادا کرنا پڑ رہا ہے . دونوں کا فرق آپ جانتے ہونگے .
نیازمند ،
عرفان عابدؔ

بہت شکریہ عرفان بھائی ۔۔۔ کالج تو نہیں ۔۔۔ مگر آس پاس کے زمانے کی ہی ہے ۔۔۔
آپ کی گرانقدر تجاویز کے لیے بھی تہہِ دل سے شکر گزار ہوں
نہ کو دو حرفی باندھنا یقینا اچھا نہیں ۔۔۔ مگر کئی جدید شعرا نے ایسا کیا ہے ۔۔۔ سو پہلے میں بھی کبھی کبھی اس بدعت کا ارتکاب کر لیتا تھا ۔۔۔ اب شعوری کوشش یہی ہوتی ہے کہ ایسا نہ کیا جائے۔
دعاگو،
راحلؔ۔

محمد احسن سمیع راحلؔ — اپریل 18، 2021 7:44 صبح

منہاج علی نے کہا:
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!
کیا کہنا، مقطع پسند آیا۔ خوب جناب۔

بہت شکریہ منہاج میاں ۔۔۔ جزاک اللہ

محمد احسن سمیع راحلؔ — اپریل 18، 2021 7:46 صبح

محمد عبدالرؤوف نے کہا:
بہت خوب راحل بھائی اچھے شعر ہیں
آپ اپنے ایسے اشعار پڑھتے رہا کیجیے، سدا جوان رہیں گے

بہت شکریہ بھائی عبدالرؤوف ۔۔۔ داد و پذیرائی کے لیے ممنون و متشکر ہوں
ایسے اشعار کی وجہ سے ہی تو جوانی میں بڑھاپے کا احساس رہتا تھا ۔۔۔ اب کیا خاک جوان رہیں گے

محمد احسن سمیع راحلؔ — اپریل 18، 2021 7:47 صبح

عرفان سعید نے کہا:
واہ!
بہت خوب

جزاک اللہ ڈاکٹر صاحب ۔۔۔ داد و پذیرائی کے لیے احسان مند ہوں ۔۔۔ بہت شکریہ

محمد عبدالرؤوف — اپریل 18، 2021 7:47 صبح

محمّد احسن سمیع :راحل: نے کہا:
بہت شکریہ بھائی عبدالرؤوف ۔۔۔ داد و پذیرائی کے لیے ممنون و متشکر ہوں
ایسے اشعار کی وجہ سے ہی تو جوانی میں بڑھاپے کا احساس رہتا تھا ۔۔۔ اب کیا خاک جوان رہیں گے

اللہ پاک آپ کو سلامت رکھے

گُلِ یاسمیں — اپریل 18، 2021 7:59 صبح

بہت اعلیٰ
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!

محمد احسن سمیع راحلؔ — اپریل 18، 2021 8:07 صبح

گُلِ یاسمیں نے کہا:
بہت اعلیٰ
زندگی مجھ کو راحلؔ نہ دے پائی کچھ حسرتوں کے سوا
پھر بھی کہتا رہا آفریں آفریں ۔۔۔ میری تقدیر تھی!

بہت شکریہ یاسمین صاحبہ، جزاک اللہ۔

محمد شکیل خورشید — مئی 19، 2021 12:31 شام

بہت ہی دلچسپ، عمدہ

محمد احسن سمیع راحلؔ — مئی 19، 2021 12:45 شام

محمد شکیل خورشید نے کہا:
بہت ہی دلچسپ، عمدہ

بہت شکریہ شکیلؔ بھائی ۔۔۔ آپ کی توجہ اور پذیرائی کے لیے شکرگزار ہوں، جزاک اللہ۔

الف عین — مئی 21، 2021 5:30 صبح

اچھی غزل ہے ماشاء اللہ پسند آئی

محمد احسن سمیع راحلؔ — مئی 21، 2021 9:09 صبح

الف عین نے کہا:
اچھی غزل ہے ماشاء اللہ پسند آئی

جزاک اللہ استاد محترم .... آپ کی توجہ اور پذیرائی ملی، گویا عید کے بعد عید ہوگئی

... نہایت ممنون و متشکر ہوں.

ظہیراحمدظہیر — جون 1، 2021 3:24 شام

بہت خوب! اچھے اشعار ہیں راحل بھائی !
پرانا کلام ہے اور خوب ہے ۔ میں بھی اس بات کا قائل ہوں کہ پرانے کلام کو جہاں تک ممکن ہوسکے جوں کا توں رکھنا چاہئے کہ اس سے فکری اور فنی ارتقا کا پتہ چلتا ہے ۔ اس میں ردو بدل کم ہی کرنا چاہئے ۔

عرفان علوی نے کہا:
پانچویں شعر میں ’نہ‘ کو ’نا‘ کی طرح ادا کرنا پڑ رہا ہے . دونوں کا فرق آپ جانتے ہونگے .
نیازمند ،
عرفان عابدؔ

محمّد احسن سمیع :راحل: نے کہا:
نہ کو دو حرفی باندھنا یقینا اچھا نہیں ۔۔۔ مگر کئی جدید شعرا نے ایسا کیا ہے ۔۔۔ سو پہلے میں بھی کبھی کبھی اس بدعت کا ارتکاب کر لیتا تھا ۔۔۔ اب شعوری کوشش یہی ہوتی ہے کہ ایسا نہ کیا جائے۔
دعاگو،
راحلؔ۔

تم تو آزاد تھے فیصلوں کے لیے، کیوں نہ آگے بڑھے؟
میں جو بیٹھا رہا مدتوں تک یہیں، میری تقدیر تھی
اس شعر میں نہ کو دو حرفی تو نہیں باندھا گیا ۔ نہ تو یک حرفی ہے لیکن "آ" کو دو حرفی باندھا گیا ہے جو بالکل جائز ہے ۔ "آ" کو حسبِ ضرورت ایک یا دو حرفی باندھا جا سکتا ہے ۔

محمد احسن سمیع راحلؔ — جون 2، 2021 8:51 صبح

ظہیراحمدظہیر نے کہا:
بہت خوب! اچھے اشعار ہیں راحل بھائی !
پرانا کلام ہے اور خوب ہے ۔ میں بھی اس بات کا قائل ہوں کہ پرانے کلام کو جہاں تک ممکن ہوسکے جوں کا توں رکھنا چاہئے کہ اس سے فکری اور فنی ارتقا کا پتہ چلتا ہے ۔ اس میں ردو بدل کم ہی کرنا چاہئے ۔

بہت شکریہ ظہیرؔ بھائی ۔۔۔ آپ کی توجہ اور پذیرائی کے لیے ممنون و متشکر ہوں ۔۔۔۔ جزاک اللہ

ظہیراحمدظہیر نے کہا:
اس شعر میں نہ کو دو حرفی تو نہیں باندھا گیا ۔ نہ تو یک حرفی ہے لیکن "آ" کو دو حرفی باندھا گیا ہے جو بالکل جائز ہے ۔ "آ" کو حسبِ ضرورت ایک یا دو حرفی باندھا جا سکتا ہے ۔

مکرمی عرفانؔ بھائی کا اشارہ غالباً اس سے اگلے شعر کی طرف تھا ۔۔۔ وہاں واقعی نہ دوحرفی ہوگیا ہے
خیر، اب پچھتائے کیا ہووت

ظہیراحمدظہیر — جون 4، 2021 6:01 شام

محمّد احسن سمیع :راحل: نے کہا:
بہت شکریہ ظہیرؔ بھائی ۔۔۔ آپ کی توجہ اور پذیرائی کے لیے ممنون و متشکر ہوں ۔۔۔۔ جزاک اللہ
مکرمی عرفانؔ بھائی کا اشارہ غالباً اس سے اگلے شعر کی طرف تھا ۔۔۔ وہاں واقعی نہ دوحرفی ہوگیا ہے

دونوں صاحبان سے معذرت! شعر گننے میں التباس ہوگیا ۔ اگلے شعر میں "نہ" واقعی دو حرفی بندھ گیا ہے۔

محمّد احسن سمیع :راحل: نے کہا:
خیر، اب پچھتائے کیا ہووت

پچھتانے کی ضرورت نہیں ۔ آئندہ فصل بوئیں تو چڑیوں سے بچاؤ کا مؤثر انتظام رکھئے گا ۔