بننی تھی بات کیا بتِ صاحب جمال سے
آغازِ گفتگو تھا وفا کے سوال سے
آغازِ گفتگو تھا وفا کے سوال سے
تقدیر نے اسیرِ غمِ عاشقی رکھا
تھا ورنہ بے نیاز تمھارے جمال سے
عشرت کدے کو تیرے کہیں راکھ کر نہ دے
ڈرتا ہوں سوزِ آہِ دلِ پُر ملال سے
تابِ بیاں تو ہے مگر اک خوف ہے کہ وہ
ناراض ہو نہ جائے کہیں عرضِ حال سے
کاملؔ بہ فیضِ حسنِ دل آرامِ روئے یار
کیا کیا نہ گل کھلے مری خاکِ خیال سے
کیا کیا نہ گل کھلے مری خاکِ خیال سے
