عزیزان من، آداب!
ایک غزل آپ سب کی بصارتوں کی نذر۔ امید ہے احباب اپنی قیمتی آراء سے نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہارا ہو تو گیا تھا، میں تم پہ مر نہ سکا
بہت ملال ہے یہ معجزہ میں کر نہ سکا
ہے عشق روگ، کہا تھا! مگر یہ دل مورکھ
غمِ فراق کے اندیشے سے بھی ڈر نہ سکا
مزاجِ ناز پہ بھاری رہی طوالتِ شب
ادھر یہ دل، جو دمِ صبح تک بھی بھر نہ سکا!
ہلا گیا تھا غمِ ہجر زلزلے کی طرح
تمہاری یاد کا مندر مگر بکھر نہ سکا
مرے ہی دم سے فروزاں تھا حسن، میرے بعد
سنورتا روز ہے وہ، پر کبھی نکھر نہ سکا!
سزائے ترکِ تعلق بہت ہی سخت ملی
دوبارہ میں کہ بنا خود کو معتبر نہ سکا
تمہارے بعد بھی چہرے کئی نظر میں رہے
تمہارے بعد کوئی دل میں پھر اتر نہ سکا!
عطاؤں میں تو کبھی کچھ کمی نہ کی رب نے
ہمیں حریص تھے، کاسہ ہمارا بھر نہ سکا!
بِنا میں جس کی رکھے تھے کبھی بہت سے خواب
اسی مکان کو راحلؔ بنا میں گھر نہ سکا!
ایک غزل آپ سب کی بصارتوں کی نذر۔ امید ہے احباب اپنی قیمتی آراء سے نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہارا ہو تو گیا تھا، میں تم پہ مر نہ سکا
بہت ملال ہے یہ معجزہ میں کر نہ سکا
ہے عشق روگ، کہا تھا! مگر یہ دل مورکھ
غمِ فراق کے اندیشے سے بھی ڈر نہ سکا
مزاجِ ناز پہ بھاری رہی طوالتِ شب
ادھر یہ دل، جو دمِ صبح تک بھی بھر نہ سکا!
ہلا گیا تھا غمِ ہجر زلزلے کی طرح
تمہاری یاد کا مندر مگر بکھر نہ سکا
مرے ہی دم سے فروزاں تھا حسن، میرے بعد
سنورتا روز ہے وہ، پر کبھی نکھر نہ سکا!
سزائے ترکِ تعلق بہت ہی سخت ملی
دوبارہ میں کہ بنا خود کو معتبر نہ سکا
تمہارے بعد بھی چہرے کئی نظر میں رہے
تمہارے بعد کوئی دل میں پھر اتر نہ سکا!
عطاؤں میں تو کبھی کچھ کمی نہ کی رب نے
ہمیں حریص تھے، کاسہ ہمارا بھر نہ سکا!
بِنا میں جس کی رکھے تھے کبھی بہت سے خواب
اسی مکان کو راحلؔ بنا میں گھر نہ سکا!
