عزیزانِ من، آداب!
ایک تازہ غزل پیشِ خدمت ہے۔ جناب ڈاکٹر نوازؔ دیوبندی صاحب کی زمین میں تصرف کی جسارت کی ہے۔ گر قبول افتد زہے عزوشرف!
آپ کی بصارتوں کی نذر، دیکھئے اور اپنی قیمتی آراء سے نوازیئے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حالِ دل ان کو سنایا دیر تک
پھر بھی کچھ سمجھا نہ پایا دیر تک
رات پھر لوٹا میں خالی ہاتھ گھر
روتے بچوں کو منایا دیر تک
وہ بھی آخر تنگ آ کر بک گیا!
وقت جب اچھا نہ آیا دیر تک
آج تک بیٹھا ہے قدموں میں مرے!
جس نے تھا مجھ کو ستایا دیر تک
میں رہا خاموش محفل میں، مگر
سچ تو سچ ہے، چھپ نہ پایا دیر تک!
کیوں ہے آنچل میں ترے اب تک نمی؟
کیا میں کل شب یاد آیا دیر تک؟
ناامیدی کفر ہے، یہ سوچ کر
حسرتوں کا بوجھ اٹھایا دیر تک!
کیسے کہہ دیتے کہ تیرا دوش تھا
بات کو ہم نے گھمایا دیر تک!
ہنس دیئے جب وہ بھی میرے حال پر
میں بھی راحلؔ مسکرایا دیر تک!
ایک تازہ غزل پیشِ خدمت ہے۔ جناب ڈاکٹر نوازؔ دیوبندی صاحب کی زمین میں تصرف کی جسارت کی ہے۔ گر قبول افتد زہے عزوشرف!
آپ کی بصارتوں کی نذر، دیکھئے اور اپنی قیمتی آراء سے نوازیئے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حالِ دل ان کو سنایا دیر تک
پھر بھی کچھ سمجھا نہ پایا دیر تک
رات پھر لوٹا میں خالی ہاتھ گھر
روتے بچوں کو منایا دیر تک
وہ بھی آخر تنگ آ کر بک گیا!
وقت جب اچھا نہ آیا دیر تک
آج تک بیٹھا ہے قدموں میں مرے!
جس نے تھا مجھ کو ستایا دیر تک
میں رہا خاموش محفل میں، مگر
سچ تو سچ ہے، چھپ نہ پایا دیر تک!
کیوں ہے آنچل میں ترے اب تک نمی؟
کیا میں کل شب یاد آیا دیر تک؟
ناامیدی کفر ہے، یہ سوچ کر
حسرتوں کا بوجھ اٹھایا دیر تک!
کیسے کہہ دیتے کہ تیرا دوش تھا
بات کو ہم نے گھمایا دیر تک!
ہنس دیئے جب وہ بھی میرے حال پر
میں بھی راحلؔ مسکرایا دیر تک!
