ندیم حفی — مئی 15، 2012 11:52 صبح
اس محفل میں میری پہلی غزل (چند اشعار) آپ سب کی خوبصورت نظر کی نذر
شامِ غم یوں صدا نہیں ہوتی
سحر ہوتی ہے ، کیا نہیں ہوتی؟
زرد پتّوں پہ کچھ تو گذری ہے
یاسیت بے وجہ نہیں ہوتی
بند کر کے جہاں کو مٹھی میں
کیوں کلی دل کی وا نہیں ہوتی؟
روندے جاتے ہیں تن گلابوں کے
حق میں جن کے صبا نہیں ہوتی
رنج ملتے انہی کو ہیں اکثر
جن کی کوئی خطا نہیں ہوتی
زخم سیتا رہا عدو کے حفی
دشمنی اس طرح نہیں ہوتی
نایاب — مئی 15، 2012 12:06 شام
بہت خوب
زرد پتّوں پہ کچھ تو گذری ہے
یاسیت بے وجہ نہیں ہوتی
محمد وارث — مئی 15، 2012 7:47 شام
خوب غزل کہی آپ نے ندیم صاحب، دوسرا شعر تو واقعی لاجواب ہے اور مقطع بھی بہت اچھا ہے۔
شامِ غم یوں صدا نہیں ہوتی
سحر ہوتی ہے ، کیا نہیں ہوتی؟
مطلع کے بارے میں ایک گذارش یہ کہ لفظ سحر صحیح نہیں بندھا جس کی وجہ سے مصرع ساقط الوزن ہو رہا ہے۔ یہاں یقیناً آپ نے سَحَر بمعنی صبح سویر جو کہ ح کی حرکت کے ساتھ ہے، استعمال کیا ہے لیکن یہ بحر سے خارج ہو رہا ہے۔ سِحر یعنی ح ساکن کے ساتھ لفظ، مصرعے کو وزن میں تو رکھتا ہے لیکن اس کا مطلب تو جادو ہے، جو کہ ظاہر ہے یہاں مقصود نہیں۔
فاتح — مئی 15، 2012 8:28 شام
خوبصورت اشعار ہیں۔ مبارک باد
وارث صاحب کی بات سے متفق ہوں۔
مطلع کے بارے میں ایک گذارش یہ کہ لفظ سحر صحیح نہیں بندھا جس کی وجہ سے مصرع ساقط الوزن ہو رہا ہے۔ یہاں یقیناً آپ نے سَحَر بمعنی صبح سویر جو کہ ح کی حرکت کے ساتھ ہے، استعمال کیا ہے لیکن یہ بحر سے خارج ہو رہا ہے۔ سِحر یعنی ح ساکن کے ساتھ لفظ، مصرعے کو وزن میں تو رکھتا ہے لیکن اس کا مطلب تو جادو ہے، جو کہ ظاہر ہے یہاں مقصود نہیں۔
آسان ترین حل تو مذکورہ مصرع میں "سحر" کی بجائے "صبح" استعمال کرنا ہے۔
محمداحمد — مئی 16، 2012 7:04 صبح
بہت خوب۔۔۔۔! بہت اچھی غزل ہے ندیم صاحب،
اچھے اشعار ہیں۔ ایک اور اچھے شاعر کو محفل میں پا کر خوشی ہوئی۔
ندیم حفی — مئی 16، 2012 7:20 صبح
جناب محمد وارث اور جناب فاتح صاحب بہت شکریہ کہ آپ نے درستگی کی ہمیں بھی آپ کی رائے سے مکمل اتفاق ہے ۔ دراصل عروض و تقطیع کی باقاعدہ تعلیم تو حاصل نہیں کی فقط اٹکل سے اوزان جانچ لیا جاتا ہے، کچھ الفاظ کی اپنی ذات میں پوشیدہ نغمگی خود بخود رہنمائی کرتی ہے اور قرطاس پر خطوط عیاں ہوتے چلے جاتے ہیں۔
خاص طور پر جناب فاتح صاحب کا ممنون ہوں جنہوں نے تنقید کو تصحیح کا ساتھ مرحمت فرمایا۔
کل ملا کے، آپ کی چاہتوں بھری محفل میں میرا پہلا دن بہت خوشگوار رہا۔
الف عین — مئی 16، 2012 5:05 شام
اچھی غزل ہے ندیم، سحر کی بات تو ہو چکی لیکن کسی نے ’وجہ‘ کے تلفظ پر توجہ نہیں کی۔ یہ بر وزن درد ہے، جیم ساکن۔
غ۔ن۔غ — مئی 16، 2012 7:18 شام
زرد پتّوں پہ کچھ تو گذری ہے
یاسیت بے وجہ نہیں ہوتی
واہ کیا کہنے ۔ ۔ ۔ ۔
بہت پیاری غزل ہے
داد پیشِ خدمت ہے جناب
ندیم حفی — مئی 17، 2012 8:19 صبح
بہت شکریہ جناب
عبدالرزاق قادری — مئی 18، 2012 2:51 صبح
زرد پتّوں پہ کچھ تو گذری ہے
یاسیت بے وجہ نہیں ہوتی
شمشاد — مئی 18، 2012 3:47 صبح
ایک نظر
یہاں بھی دیکھیے گا۔