عزیزانِ گرامی، آداب!
ایک مختصر سی نئی غزل آپ سب کی بصارتوں کی نذر۔ امید ہے کہ آپ سب اپنی قیمتی آرا سے ضرور نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسند نشین کے، نہ کسی تاجدار کے
مقروض ہم اگر ہیں تو خاکِ دیار کے!
بس غم کی زرد سرسوں تھی سبزے پہ موجزن
اور شور یہ اٹھا تھا کہ دن ہیں بہار کے
فکرِ معاش ہے نہ غمِ روزگار اب
آزاد ہو گئے ہیں مقدر سے ہار کے
یخ بستگیٔ عشق کا عالم نہ پوچھیے
آتی ہے اب تو یاد بھی اس کی پکار کے!
راحلؔ تو چھوڑ عقل کو، اب دل کی سن کے دیکھ
شاید ہو رازِ زیست ورے خلفشار کے!
ایک مختصر سی نئی غزل آپ سب کی بصارتوں کی نذر۔ امید ہے کہ آپ سب اپنی قیمتی آرا سے ضرور نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسند نشین کے، نہ کسی تاجدار کے
مقروض ہم اگر ہیں تو خاکِ دیار کے!
بس غم کی زرد سرسوں تھی سبزے پہ موجزن
اور شور یہ اٹھا تھا کہ دن ہیں بہار کے
فکرِ معاش ہے نہ غمِ روزگار اب
آزاد ہو گئے ہیں مقدر سے ہار کے
یخ بستگیٔ عشق کا عالم نہ پوچھیے
آتی ہے اب تو یاد بھی اس کی پکار کے!
راحلؔ تو چھوڑ عقل کو، اب دل کی سن کے دیکھ
شاید ہو رازِ زیست ورے خلفشار کے!
