عزیزانِ من، آداب!
آج اشرف علی کی ایک غزل میں لفظ نئیں دیکھا تو اپنی ایک پرانی غزل یاد آگئی، جو جنابِ جونؔ کی زمین میں دراندازی کرکے کہی گئی تھی۔ کچھ نیا کہے تو کافی دن ہوگئے، سوچا آج پرانی غزل سے ہی اپگریڈڈ محفل پر ڈیبیو کر لیا جائے
امید ہے احباب اپنی قیمتی آرا سے ضرور نوازیں گے۔
دعاگو،
راحل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاداری کا ملتا اب صلہ نئیں
بجز مطلب یہاں کوئی سگا نئیں
وہی شکوے گلے ، بیکار باتیں
تھا اب کے خط میں جاناں کچھ نیا نئیں
گھٹن اس شہر میں اب تک وہی ہے
وہی آب و ہوا، بدلی فضا نئیں
وہی غم پھر اتر آئے نہ دل میں
اسی ڈر سے ترا چہرہ پڑھا نئیں!
ستایا جس نے بھی تجھ کو مری جاں
ترے برباد کے ہاتھوں بچا نئیں!
ہمیں بھی ڈر تھا کچھ، تھوڑی جھجک تھی
بندھایا اس نے بھی کچھ حوصلہ نئیں
ملا تھا جو کبھی خود کو جلا کر
سکوں ویسا دوبارہ پھر ملا نئیں!
بہت شدت سے دل اس کا تھا ٹوٹا
کبھی سایہ بھی اس کا پھر دکھا نئیں
وہ ہرجائی یونہی مشہور تھا بس
ہمیں دھوکا کبھی اس نے دیا نئیں
میں تیری راہ میں اب تک کھڑا ہوں
ہے تپتی دھوپ، لیکن میں تھکا نئیں!
چلو، اب ناز اٹھوا کر دکھا دو!
ہمیں پاگل تھے، کوئی دوسرا نئیں!
نہ ہو جاتے تمہی سے، جونؔ بھیا
اسی کارن تمہیں ہم نے پڑھا نئیں
بڑی تکلیف میں اس نے کہا تھا
تمہارے غم سا کوئی غم سہا نئیں
اگرچہ ہم ہیں اب محتاج تیرے
مگر پھر بھی تو خاکی ہے،خدا نئیں!
بھری محفل میں تم سے تھے مخاطب
تمہی نے حالِ دل لیکن سنا نئیں
کم از کم اتنا ہی احسان مانو
سنا سب ہم نے لیکن کچھ کہا نئیں!
دمِ رخصت نہ اک آنسو بہایا
مگر پھر آج تک ساون رکا نئیں!
غزل تو خوب کہہ ڈالی ہے راحل
پہ رنگِ جونؔ تجھ سے کچھ جما نئیں!
۔۔۔۔۔
آج اشرف علی کی ایک غزل میں لفظ نئیں دیکھا تو اپنی ایک پرانی غزل یاد آگئی، جو جنابِ جونؔ کی زمین میں دراندازی کرکے کہی گئی تھی۔ کچھ نیا کہے تو کافی دن ہوگئے، سوچا آج پرانی غزل سے ہی اپگریڈڈ محفل پر ڈیبیو کر لیا جائے
امید ہے احباب اپنی قیمتی آرا سے ضرور نوازیں گے۔
دعاگو،
راحل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاداری کا ملتا اب صلہ نئیں
بجز مطلب یہاں کوئی سگا نئیں
وہی شکوے گلے ، بیکار باتیں
تھا اب کے خط میں جاناں کچھ نیا نئیں
گھٹن اس شہر میں اب تک وہی ہے
وہی آب و ہوا، بدلی فضا نئیں
وہی غم پھر اتر آئے نہ دل میں
اسی ڈر سے ترا چہرہ پڑھا نئیں!
ستایا جس نے بھی تجھ کو مری جاں
ترے برباد کے ہاتھوں بچا نئیں!
ہمیں بھی ڈر تھا کچھ، تھوڑی جھجک تھی
بندھایا اس نے بھی کچھ حوصلہ نئیں
ملا تھا جو کبھی خود کو جلا کر
سکوں ویسا دوبارہ پھر ملا نئیں!
بہت شدت سے دل اس کا تھا ٹوٹا
کبھی سایہ بھی اس کا پھر دکھا نئیں
وہ ہرجائی یونہی مشہور تھا بس
ہمیں دھوکا کبھی اس نے دیا نئیں
میں تیری راہ میں اب تک کھڑا ہوں
ہے تپتی دھوپ، لیکن میں تھکا نئیں!
چلو، اب ناز اٹھوا کر دکھا دو!
ہمیں پاگل تھے، کوئی دوسرا نئیں!
نہ ہو جاتے تمہی سے، جونؔ بھیا
اسی کارن تمہیں ہم نے پڑھا نئیں
بڑی تکلیف میں اس نے کہا تھا
تمہارے غم سا کوئی غم سہا نئیں
اگرچہ ہم ہیں اب محتاج تیرے
مگر پھر بھی تو خاکی ہے،خدا نئیں!
بھری محفل میں تم سے تھے مخاطب
تمہی نے حالِ دل لیکن سنا نئیں
کم از کم اتنا ہی احسان مانو
سنا سب ہم نے لیکن کچھ کہا نئیں!
دمِ رخصت نہ اک آنسو بہایا
مگر پھر آج تک ساون رکا نئیں!
غزل تو خوب کہہ ڈالی ہے راحل
پہ رنگِ جونؔ تجھ سے کچھ جما نئیں!
۔۔۔۔۔
