محمد احسن سمیع راحلؔ — جون 26، 2022 11:27 صبح
عزیزانِ من، آداب!
نیا کچھ نہیں سو ایک پرانی غزل ہی پیش خدمت ہے۔ امید ہے آپ احباب اپنی ثمین آرا سے ضرور نوازیں گے۔
دعا گو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جو وفاؤں میں اپنی مثال رکھتا ہے
خدا کا شکر ہے میرا خیال رکھتا ہے!
عجیب شخص ہے، جشنِ وصال میں آکر
سجائے شانوں پر اک غم کی شال رکھتا ہے
تمام شہر بجھاتا ہے جس سے پیاس اپنی
ہمیں وہ دریا بھلا کیوں نڈھال رکھتا ہے
غموں کا سامنا مشکل تو ہے، مگر وہ بھی
ہمارے پیار کی، ہاتھوں میں ڈھال رکھتا ہے
ہے عشق ویسے تو دلچسپ مگر کیا کیجیے
یہ اپنے ساتھ ہزاروں وبال رکھتا ہے!
جہاں پہ ڈوبے تھے ہم، کل وہیں سے ابھریں گے
ٰ’’کہ ہر زمانہ عروج و زوال رکھتا ہے‘‘
تری گلی سے گزرنا بھی اک مصیبت ہے
ہر ایک شخص زباں پر سوال رکھتا ہے
جو پوری ہو نہ سکے غالبا کبھی اے دل
وہی امید تو کیوں اب کے سال رکھتا ہے؟
کٹھن ہے خود کو مٹانا بہت، مگر صاحب!
ہے ایک شخص جو اس میں کمال رکھتا ہے
سنا ہے خشک بیاباں سا دل ہے راحلؔ کا
کچھ اس کے واسطے آنسو سنبھال رکھتا ہے؟
عرفان علوی — جون 26، 2022 4:24 شام
عزیزانِ من، آداب!
نیا کچھ نہیں سو ایک پرانی غزل ہی پیش خدمت ہے۔ امید ہے آپ احباب اپنی ثمین آرا سے ضرور نوازیں گے۔
دعا گو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جو وفاؤں میں اپنی مثال رکھتا ہے
خدا کا شکر ہے میرا خیال رکھتا ہے!
عجیب شخص ہے، جشنِ وصال میں آکر
سجائے شانوں پر اک غم کی شال رکھتا ہے
تمام شہر بجھاتا ہے جس سے پیاس اپنی
ہمیں وہ دریا بھلا کیوں نڈھال رکھتا ہے
غموں کا سامنا مشکل تو ہے، مگر وہ بھی
ہمارے پیار کی، ہاتھوں میں ڈھال رکھتا ہے
ہے عشق ویسے تو دلچسپ مگر کیا کیجیے
یہ اپنے ساتھ ہزاروں وبال رکھتا ہے!
جہاں پہ ڈوبے تھے ہم، کل وہیں سے ابھریں گے
ٰ’’کہ ہر زمانہ عروج و زوال رکھتا ہے‘‘
تری گلی سے گزرنا بھی اک مصیبت ہے
ہر ایک شخص زباں پر سوال رکھتا ہے
جو پوری ہو نہ سکے غالبا کبھی اے دل
وہی امید تو کیوں اب کے سال رکھتا ہے؟
کٹھن ہے خود کو مٹانا بہت، مگر صاحب!
ہے ایک شخص جو اس میں کمال رکھتا ہے
سنا ہے خشک بیاباں سا دل ہے راحلؔ کا
کچھ اس کے واسطے آنسو سنبھال رکھتا ہے؟
واہ ، راحل صاحب ! عمدہ غزل ہے . داد قبول فرمائیے . اِس مصرعے میںٰ (ہے عشق ویسے تو دلچسپ مگر کیا کیجیےٰ) کچھ بحر کا مسئلہ لگ رہا ہے . دیکھ لیجیےگا .
محمد احسن سمیع راحلؔ — جون 26، 2022 5:37 شام
واہ ، راحل صاحب ! عمدہ غزل ہے . داد قبول فرمائیے . اِس مصرعے میںٰ (ہے عشق ویسے تو دلچسپ مگر کیا کیجیےٰ) کچھ بحر کا مسئلہ لگ رہا ہے . دیکھ لیجیےگا .
جزاک اللہ.
آپ نے شاید درست پکڑا، میرا واقعی دھیان نہیں گیا ہوگا ...
ایس ایس ساگر — جون 26، 2022 6:08 شام
واہ۔ بہت خوب۔ اچھی غزل ہے احسن بھائی۔
داد قبول فرمائیے۔ اللہ کرے زور قلم اور زیادہ۔ آمین۔
یاسر شاہ — جون 26، 2022 6:32 شام
کٹھن ہے خود کو مٹانا بہت، مگر صاحب!
ہے ایک شخص جو اس میں کمال رکھتا ہے
سنا ہے خشک بیاباں سا دل ہے راحلؔ کا
کچھ اس کے واسطے آنسو سنبھال رکھتا ہے؟
واہ۔بہت خوب
کہاں چھپا رکھی ہیں یہ غزلیں بھائی؟
محمد احسن سمیع راحلؔ — جون 26، 2022 7:02 شام
واہ۔ بہت خوب۔ اچھی غزل ہے احسن بھائی۔
داد قبول فرمائیے۔ اللہ کرے زور قلم اور زیادہ۔ آمین۔
جزاک اللہ ساگر بھائی ....
محمد احسن سمیع راحلؔ — جون 26، 2022 7:02 شام
واہ۔بہت خوب
کہاں چھپا رکھی ہیں یہ غزلیں بھائی؟
چھپائی کہاں، چھاپی ہوئی ہیں ...
یاسر شاہ — جون 26، 2022 7:10 شام
چھپائی کہاں، چھاپی ہوئی ہیں ...
کوئی مفت کاپی بھجوا دو بھائی
محمد عبدالرؤوف — جون 26، 2022 7:35 شام
واہ واہ۔۔۔کیا ہی ا چھی غزل ہے احسن بھائی!
داد و تحسین قبول کیجئے ۔
محمد احسن سمیع راحلؔ — جون 27، 2022 8:38 صبح
کوئی مفت کاپی بھجوا دو بھائی
ہاہاہا ۔۔۔ آپ کی ذات علم کا دریا ہے اور کتاب لکھ کر ہم نے نیکی کی ۔۔۔ سو اپنا ڈاک کا پتہ ارسال فرمائیے، ہم تھوڑی سی نیکی اس دریا میں بھی ڈال دیں گے
محمد احسن سمیع راحلؔ — جون 27، 2022 8:38 صبح
واہ واہ۔۔۔کیا ہی ا چھی غزل ہے احسن بھائی!
داد و تحسین قبول کیجئے ۔
جزاک اللہ بھائی عبدالرؤوف
یاسر شاہ — جون 27، 2022 6:35 شام
ہاہاہا ۔۔۔ آپ کی ذات علم کا دریا ہے اور کتاب لکھ کر ہم نے نیکی کی ۔۔۔ سو اپنا ڈاک کا پتہ ارسال فرمائیے، ہم تھوڑی سی نیکی اس دریا میں بھی ڈال دیں گے
جزاک اللہ خیر ۔ارے نہیں ڈاک کا خرچ کیوں برداشت کریں آپ۔مجھے ہی طریقہ بتائیں کیسے خریدی جائے۔ یہاں کے کسی کتب خانے سے ملے گی؟
محمداحمد — جولائی 2، 2022 11:44 صبح
بہت خوب احسن بھائی!
داد قبول فرمائیے۔