عزیزانِ گرامی، تسلیمات!
ایک غزل پیشِ خدمت ہے۔ ویسے بحرِ ہندی میں مجھے ہمیشہ ہی دقت رہی ہے تو اگر آپ کو کہیں سقم نظر آئے تو ضرور نشاندہی کیجئے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹوٹ چکا ہے، ہار گیا ہے، دل خود سے شرمندہ ہے
پوچھتا ہے اب کیا ہے باقی؟ کس کی خاطر زندہ ہے؟
چڑھتا سورج دیکھ کے صبح کے تارے سے منہ موڑ نہیں
ڈوب نہ جائے، تھام لے اس کو، وہ اب بھی تابندہ ہے!
سوچنا مت، لب سی دوگے تو شور بھی خود تھم جائے گا
آنکھوں سے جو شور اٹھے گا، باقی بر آئندہ ہے!
سینہ تان کے سچ کہنے کی ریت یہاں انجان ہوئی
کون نگر ہے بول رے بھیا! جس کا تو باشندہ ہے
دیکھیں گی خود تیری نظریں، جونہی بیٹھی جھوٹ کی دھول
اک دیوانہ راہ میں تیری آج تلک پائندہ ہے!
لادے پھرتا ہے کیوں آخر اب تک بوجھ ندامت کا؟
سب کا پردہ چاک ہوا، تو جس جس سے شرمندہ ہے
سچائی کا دامن تھام کے بھی کیونکر آزاد رہا؟
سچ سچ بول دے اب تو راحلؔ، تو کس کا کارندہ ہے؟
ایک غزل پیشِ خدمت ہے۔ ویسے بحرِ ہندی میں مجھے ہمیشہ ہی دقت رہی ہے تو اگر آپ کو کہیں سقم نظر آئے تو ضرور نشاندہی کیجئے گا۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹوٹ چکا ہے، ہار گیا ہے، دل خود سے شرمندہ ہے
پوچھتا ہے اب کیا ہے باقی؟ کس کی خاطر زندہ ہے؟
چڑھتا سورج دیکھ کے صبح کے تارے سے منہ موڑ نہیں
ڈوب نہ جائے، تھام لے اس کو، وہ اب بھی تابندہ ہے!
سوچنا مت، لب سی دوگے تو شور بھی خود تھم جائے گا
آنکھوں سے جو شور اٹھے گا، باقی بر آئندہ ہے!
سینہ تان کے سچ کہنے کی ریت یہاں انجان ہوئی
کون نگر ہے بول رے بھیا! جس کا تو باشندہ ہے
دیکھیں گی خود تیری نظریں، جونہی بیٹھی جھوٹ کی دھول
اک دیوانہ راہ میں تیری آج تلک پائندہ ہے!
لادے پھرتا ہے کیوں آخر اب تک بوجھ ندامت کا؟
سب کا پردہ چاک ہوا، تو جس جس سے شرمندہ ہے
سچائی کا دامن تھام کے بھی کیونکر آزاد رہا؟
سچ سچ بول دے اب تو راحلؔ، تو کس کا کارندہ ہے؟
