غزل کے بعد غزل ہاشمی لکھی تم نے!

سید انور جاوید ہاشمی — فروری 17، 2009 3:02 شام

السلام و علیکم
آپ لوگوں کے لیے تازہ ترین غزل
میں یک جا کرتا ہوں تقسیم آپ کرتے ہیں
کہ ریزہ ہوتا ہوں، دو نیم آپ کرتے ہیں
مجھے تو شائبہ رہتا ہے خواب کا اس میں
حقیقتوں کی جو تفہیم آپ کرتے ہیں
فنا کے بعد بقا ہے ، فنا سے قبل بقا !
مگر کہاں اسے تسلیم آپ کرتے ہیں
بیان آپ کا ہے مستند سرِ محفل
اسی بیان کی تعلیم آپ کرتے ہیں
خود اپنی ذات میں محصور،فکر سے محروم
اک ایسے شخص کی تعظیم آپ کرتے ہیں
سید انور جاوید ہاشمی
کراچی،پاکستان 18فروری2009ء

محمد وارث — فروری 17، 2009 3:21 شام

واہ واہ واہ ہاشمی صاحب کیا لاجواب ردیف ہے، کیا خوبصورت غزل ہے اور کیا کمال کے اشعار ہیں۔
مجھے تو شائبہ رہتا ہے خواب کا اس میں
حقیقتوں کی جو تفہیم آپ کرتے ہیں
فنا کے بعد بقا ہے، فنا سے قبل بقا
مگر کہاں اسے تسلیم آپ کرتے ہیں
واہ واہ واہ!

سید انور جاوید ہاشمی — فروری 17، 2009 3:41 شام

سنا کسی نے، کسی نے نہیں قصہ

محمد وارث نے کہا:
واہ واہ واہ ہاشمی صاحب کیا لاجواب ردیف ہے، کیا خوبصورت غزل ہے اور کیا کمال کے اشعار ہیں۔
مجھے تو شائبہ رہتا ہے خواب کا اس میں
حقیقتوں کی جو تفہیم آپ کرتے ہیں
فنا کے بعد بقا ہے، فنا سے قبل بقا
مگر کہاں اسے تسلیم آپ کرتے ہیں
واہ واہ واہ!

اے ہاتف غیبی،
میری غَیبت میں سراہتے ہو مجھے
ایسے غیبت کہیں کی جاتی ہے۔
اے ہاتف غیبی!فاتح اور وارث صاحبان کی خدمت میں ناچیز کا ہدیہ تشکر و امتنان فورآ پیش کردیا جائے

محمد وارث — فروری 17، 2009 4:08 شام

سید انور جاوید ہاشمی نے کہا:
اے ہاتف غیبی،
میری غَیبت میں سراہتے ہو مجھے
ایسے غیبت کہیں کی جاتی ہے۔
اے ہاتف غیبی!فاتح اور وارث صاحبان کی خدمت میں ناچیز کا ہدیہ تشکر و امتنان فورآ پیش کردیا جائے

حضرتِ من کریں گے ہم غیبت
اس طرح کے کلام پر صد بار
ایک اک شعر گنجِ معنی ہے
طرفہ اس پر یہ آپ کی گفتار

عمار ابن ضیا — فروری 17، 2009 4:29 شام

واہ بھئی واہ۔۔۔ کمال کا کہا ہے۔

الف عین — فروری 17، 2009 4:53 شام

غزل کے بعدغزل ہاشمی لکھی تم نے
اور اس کے ساتھ جو کچھ بات چیت کی تم نے
تو ہم نے جانا کہ کچھ بات ہے ضرور اس میں
جو بات بات میں کچھ دل لگی بھی کی تم نے
یہاں یہ ہم ہیں کہ تک بندیاں سی کرتے ہیں
اسی کو کہتے ہیں جو کی ہےشاعری تم نے
واہ صاحب۔۔

محمداحمد — فروری 18، 2009 5:53 صبح

ہاشمی صاحب
آداب
بہت خوب غزل ہے حضور۔ سب اشعار خوب ہیں خاص طور پر دوسرا اور تیسرا شعر۔
نذرانہء تحسین حاضرِ خدمت ہے جناب!
طالبِ دُعا
محمد احمد

فرخ منظور — فروری 18، 2009 8:54 صبح

بہت خوبصورت کلام ہے ۔ بہت شکریہ انور جاوید ہاشمی صاحب

شاہ حسین — فروری 18، 2009 12:25 شام

بہت جناب ہاشمی صاحب خوب غزل ہے

مغزل — فروری 19، 2009 8:16 صبح

بابا جی رسید حاضر ہے ۔ بشرطِ فرصت حاضر ہوتا ہوں۔