غزل ۔ زعمِ عہدِ سلف میں رکھا ہوا ۔ محمد احمدؔ

محمداحمد — جون 21، 2019 1:07 شام

غزل
زعمِ عہدِ سلف میں رکھا ہوا
خاکزادہ ، خذف میں رکھا ہوا
سُونی سُونی ہے سوزنِ مژگاں
ہے نگینہ صدف میں رکھا ہوا
منزلیں مل گئیں تو ہوگا کیا ؟
ایسا کیا ہے ہدف میں رکھا ہوا
تھے وہاں سب بہ امرِ مجبوری
میں بھی تھا ایک صف میں رکھا ہوا
یہ ترا سنگِ در ، یہ دروازہ
اور ہُوں اِک طرف، میں رکھا ہوا
پھول صحرا میں منتظر اُنؐ کے
سازِ اُلفت تھا دف میں رکھا ہوا
ایک لمحہ مرا بھی ہے احمدؔ
ایک عہدِ سلف میں رکھا ہوا
محمد احمدؔ

سرگوشی : آپ کے تبصروں کے بعد!

محمد عدنان اکبری نقیبی — جون 21، 2019 1:12 شام

محمداحمد نے کہا:
پھول صحرا میں منتظر اُنؐ کے
سازِ اُلفت تھا دف میں رکھا ہوا

سبحان اللہ ،
کیا کہنے ، بہت اعلی
زبردست عمدہ غزل ۔

محمد تابش صدیقی — جون 21، 2019 1:12 شام

محمداحمد نے کہا:
منزلیں مل گئیں تو ہوگا کیا ؟
ایسا کیا ہے ہدف میں رکھا ہوا

محمداحمد نے کہا:
تھے وہاں سب بہ امرِ مجبوری
میں بھی تھا ایک صف میں رکھا ہوا

محمداحمد نے کہا:
پھول صحرا میں منتظر اُنؐ کے
سازِ اُلفت تھا دف میں رکھا ہوا

محمداحمد نے کہا:
ایک لمحہ مرا بھی ہے احمدؔ
ایک عہدِ سلف میں رکھا ہوا

بہت عمدہ احمد بھائی۔ کیا کہنے۔

محمد وارث — جون 21، 2019 1:17 شام

عمدہ غزل اور کمال اشعار ہیں احمد صاحب، بہت خوب۔

جاسمن — جون 21، 2019 1:57 شام

سبحان اللہ۔
لاجواب غزل
خوبصووووووووورت اشعار۔

الف عین — جون 21، 2019 3:45 شام

واہ، اچھے اشعار نکالے ہیں۔ مگر اس شعر میں مَیں باندھا گیا ہے جب کہ ردیف میں مفتوح م نہیں
اور ہُوں اِک طرف، میں رکھا ہوا

محمداحمد — جون 24، 2019 12:45 شام

محمد عدنان اکبری نقیبی نے کہا:
سبحان اللہ ،
کیا کہنے ، بہت اعلی
زبردست عمدہ غزل ۔

بہت شکریہ عدنان بھائی!

محمد تابش صدیقی نے کہا:
بہت عمدہ احمد بھائی۔ کیا کہنے۔

شکریہ تابش بھائی!

محمد وارث نے کہا:
عمدہ غزل اور کمال اشعار ہیں احمد صاحب، بہت خوب۔

بہت شکریہ وارث بھائی!
حوصلہ افزائی کے لئے تمام احباب کا بے حد ممون ہوں۔

محمداحمد — جون 24، 2019 12:45 شام

جاسمن نے کہا:
سبحان اللہ۔
لاجواب غزل
خوبصووووووووورت اشعار۔

بہت شکریہ !
بے حد ممنون ہوں۔

محمداحمد — جون 24، 2019 12:46 شام

الف عین نے کہا:
واہ، اچھے اشعار نکالے ہیں

بہت شکریہ !
بے حد ممنون ہوں اُستاد محترم!

الف عین نے کہا:
مگر اس شعر میں مَیں باندھا گیا ہے جب کہ ردیف میں مفتوح م نہیں
اور ہُوں اِک طرف، میں رکھا ہوا

درست فرمایا آپ نے۔
اس غزل سے یہ شعر نکال دوں گا۔

عبید انصاری — جون 24، 2019 1:01 شام

لاجواب غزل

عبید انصاری — جون 24، 2019 1:02 شام

لیکن مجھے پہلا شعر سمجھ نہیں آیا۔

محمداحمد — جون 24، 2019 1:04 شام

عبید انصاری نے کہا:
لیکن مجھے پہلا شعر سمجھ نہیں آیا۔

پھر آپ پہلے شعر کو چھوڑ کر باقی کی داد دے دیں۔

عبید انصاری — جون 24، 2019 1:06 شام

محمداحمد نے کہا:
پھر آپ پہلے شعر کو چھوڑ کر باقی کی داد دے دیں۔

وہ تو پہلے ہی دے دی نا بھیا

محمداحمد — جون 24، 2019 1:18 شام

عبید انصاری نے کہا:
وہ تو پہلے ہی دے دی نا بھیا

کہنے کا مطلب یہ تھا کہ اس شعر کو ہٹا کر باقی کی داد دے دی جائے۔

زعم عہد سلف میں رکھا ہوا
خاکزادہ، خذف میں رکھا ہوا
یہ ہم میں سے بیشتر کا المیہ ہے کہ ہم عہدِ سلف کے زعم میں رہتے ہیں۔ اور خاکزادہ یا مٹی سے بنا آدم زاد، (مذکورہ) مٹی کے ٹھیکرے میں ہی رہنا پسند کرتا ہے۔ اب پتہ نہیں اس مضمون کا کتنا ابلاغ ہو سکا ہے اس شعر میں۔
چونکہ قافیہ اور ردیف کچھ تنگ تھے تو مطلع کو صرف خانہ پوری ہی سمجھا جائے۔

غزل میں جو سرگوشی رکھی گئی تھی وہ یہی بات کہنے کے لئے تھی۔

احمد محمد — جون 24، 2019 1:36 شام

واہ۔ بہت خوب۔

احمد محمد — جون 24، 2019 1:37 شام

ایسا لگتا ہے کہ ایک دن سبھی محفلین شاعر بن جائیں گے سوائے ہمارے۔

محمداحمد — جون 24، 2019 1:39 شام

احمد محمد نے کہا:
واہ۔ بہت خوب۔

بہت شکریہ!
خوش رہیے!

محمداحمد — جون 24، 2019 1:40 شام

احمد محمد نے کہا:
ایسا لگتا ہے کہ ایک دن سبھی محفلین شاعر بن جائیں گے سوائے ہمارے۔

آپ نے ایسا کون سا تعویذ باندھ رکھا ہے جو آپ کی بچت ہو جائے گی؟

احمد محمد — جون 24، 2019 1:47 شام

محمداحمد نے کہا:
آپ نے ایسا کون سا تعویذ باندھ رکھا ہے جو آپ کی بچت ہو جائے گی؟

ہاہاہا۔۔۔

یقین جانیئے بھیا بطور شاعر آپ کے اس خوبصورت کلام سے دو باتیں سمجھ میں آگئیں:-
1. شاعری بہت ہی آسان ہے۔

اور
2. میں انتہائی نالائق ہوں۔

محمد تابش صدیقی — جون 24، 2019 1:49 شام

احمد محمد نے کہا:
ہاہاہا۔۔۔
یقین جانیئے بھیا بطور شاعر آپ کے اس خوبصورت کلام سے دو باتیں سمجھ میں آگئیں:-
1. شاعری بہت ہی آسان ہے۔
اور
2. میں انتہائی نالائق ہوں۔

جب محمد احمد شاعر ہو سکتے ہیں تو احمد محمد کیوں نہیں؟