لیجئے ہم دوبارا ایک غزل کا ٹوکرا لیے حاضر ہیں.

مہدی نقوی حجاز — جون 30، 2012 4:18 شام

غزل
گل تنہا کھڑا کیا کر رہا ہے
خزاؤں سے وفا کیا کر رہا ہے
ہمیں آنکھوں کی کھڑکی سے نہ دیکھو
یہ دل کا در کھلا کیا کر رہا ہے
مجھے ہوتا ہے اکثر یہ تعجب
مرے دل میں خدا کیا کر رہا ہے
یہ خوہش ہے کہ ہو دیدار ان کا
وسط میں آئینہ کیا کر رہا ہے
بت صدمے لگے مجھکو نہ جانے
پس منظر خدا کیا کر رہا ہے
ارے ظالم بنام عشق بازی
مرے دل سے وہ کیا کیا کر رہا ہے
ذرا دیکھو تو در پر میکدے کے
یہ مولانا وہاں کیا کر رہا ہے
سر مہدی بچا ہر بار لیکن
یہ خون دل یہاں کیا کر رہا ہے

مہدی نقوی حجاز — جون 30، 2012 4:34 شام

جملہ اساتذہ اور رفقاء سے گزارش ہے کہ اس غزل کے بارے اپنی رائے کا اظہار کرتے ہماری اصلاح میں قدم فرسائی کیجئے

شمشاد — جون 30، 2012 5:32 شام

اب جو بھی کریں گے اساتذہ کریں گے
کہ مہدی نقوی یہاں کیا کر رہا ہے
انتظار فرمائیں، اساتذہ کرام میں سے کئی ایک آتے ہی ہوں گے۔

محمد بلال اعظم — جون 30، 2012 5:37 شام

ذرا دیکھو تو در پر میکدے کے
یہ مولانا وہاں کیا کر رہا ہے
واہ کیا بات ہے مولویوں کی۔

مہدی نقوی حجاز — جون 30، 2012 5:41 شام

شمشاد نے کہا:
اب جو بھی کریں گے اساتذہ کریں گے
کہ مہدی نقوی یہاں کیا کر رہا ہے
انتظار فرمائیں، اساتذہ کرام میں سے کئی ایک آتے ہی ہوں گے۔

اگر شراب نہیں انتظار ساغر کھینچ
اب جب اساتذہ نہیں ہیں تو جو ہیں وہ ہی سہی۔۔۔

الف عین — جولائی 1، 2012 6:50 شام

مہدی نقوی حجازؔ نے کہا:
جملہ اساتذہ اور رفقاء سے گزارش ہے کہ اس غزل کے بارے اپنی رائے کا اظہار کرتے ہماری اصلاح میں قدم فرسائی کیجئے

میں تو آ گیا ہوں، اساتذہ نہ سہی۔ پہلی بات تو یہ کہ جب کلام اصلاح سخن میں پوسٹ کیا جائے تب ہی اصلاح کی نظر سے دیکھتا ہوں، ورنہ سرسری گزر جاتا ہوں، اگر اتفاق سے کسی غلطی پر نظر پڑ گئی تو دیکھ لیتا ہوں۔
بہر حال اس غزل میں آخری دو اشعار کے قوافی غلط ہیں۔ یہاں ، کہاں نون غنہ پر ختم ہوتا ہے، الف پر نہیں۔ ردیف الف کے اختتامی لفظ کی متقاضی ہے۔
دوسرے ۔
وسط میں آئینہ کیا کر رہا ہے
بحر سے خارج ہے جس کی وجہ مجھے تو یہی محسوس ہوتی ہے کہ شاید تم وسط کا تلفظ وَسَط کرتے ہو۔ درست تلفظ میں سین اور طا دونوں ساکت ہیں۔ بروزن فعل یا فاع، درد، ہجر وغیرہ