مرکز بھی تو محیط بھی تو دائرہ بھی تو

__________________
’’عالم کی ابتدا بھی ہے تو انتہاء بھی تو ‘‘﴿1﴾
ہر سو تعی۔۔۔۔۔۔۔۔۔۔نات میں جلوہ نما بھ۔۔۔۔۔ی تو
شام شب الست کا بدرالدج۔۔۔۔۔۔۔۔۔۔ی بھی تو
اور صبح کائنات کا شمس الضح۔۔۔۔۔ی بھی تو
نقطہ بھی تو ہے قوس بھی تو زاوی۔۔ہ بھی تو
مرکز بھی تو محیط بھی تو دائ۔۔۔۔۔۔۔۔رہ بھی تو
تو نور بھی بشر بھی ہے فخر بش۔۔ر بھی ہے
پہچان ہے بشر کی خدا کا پت۔۔۔۔۔۔۔۔۔۔۔۔ا بھی تو
صدی۔۔۔۔اں تیری کنیز تو لمحے تیرے غ۔۔۔۔۔۔۔۔لام
نور ازل بھ۔۔۔۔۔ی تو ہے ابد کی گھٹ۔۔۔۔ا بھی تو
اے کہ طبی۔۔۔۔۔۔۔ب علت ارواح عاصی۔۔۔۔۔۔۔۔۔۔۔۔۔۔۔اں
می۔۔۔۔ری پناہ تو ہے م۔۔۔۔۔۔۔را آس۔۔۔۔۔۔۔۔را بھی تو
پہنچ۔۔۔۔۔۔۔۔ا کہاں کہاں ترے جلووں کا رنگ ونور
مہم۔۔۔۔۔۔۔۔ان عرش و گوشہ نشین حرا بھی تو
ہے مجم۔۔۔۔۔ع الصف۔۔۔۔۔۔۔۔ات تیری ذات یا نب۔۔۔۔ی
شاہد بھی تو بشیر بھی تو مصطفی بھی تو
تجھ سے بہار گلشن ہستی کا رن۔۔۔۔۔۔گ و آب
خلد بریں کی بلبل شیریں نوا بھ۔۔۔۔۔۔۔۔۔۔۔ی تو
آیا تجھ۔۔۔۔۔۔ی سے فہم و فراست میں انقلاب
معمار قصر حکم۔۔۔۔۔۔۔۔۔ت فکر رس۔۔۔۔۔۔۔ا بھی تو
تیرے نث۔۔۔۔۔۔۔ار ھے م۔۔۔۔۔۔را فیض۔ان یارسول﴿2﴾
ڈھولا بھی میرا تو ہے میرا ماہی۔۔۔۔۔۔۔۔ا بھی تو
اللھم صلی علی محمد وآلہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1﴾ طرح مصرح ﴿ احمد ندیم قاسمی﴾
2﴾ میرا بیٹا : محمد فیضان الحسن​

’’عالم کی ابتدا بھی ہے تو انتہاء بھی تو ‘‘﴿1﴾​

ہر سو تعینات میں جلوہ نما بھی تو​

​

شام شب الست کا بدرالدجی بھی تو​

اور صبح کائنات کا شمس الضحی بھی تو​

​

نقطہ بھی تو ہے قوس بھی تو زاویہ بھی تو​

مرکز بھی تو محیط بھی تو دائرہ بھی تو​

​

تو نور بھی بشر بھی ہے فخر بشر بھی ہے​

پہچان ہے بشر کی خدا کا پتا بھی تو​

​

صدیاں تیری کنیز تو لمحے تیرے غلام​

نور ازل بھی تو ہے ابد کی گھٹا بھی تو​

​

اے کہ طبیب علت ارواح عاصیاں​

میری پناہ تو ہے مرا آسرا بھی تو​

​

پہنچا کہاں کہاں ترے جلووں کا رنگ ونور​

مہمان عرش و گوشہ نشین حرا بھی تو​

​

ہے مجمع الصفات تیری ذات یا نبی​

شاہد بھی تو بشیر بھی تو مصطفی بھی تو​

​

تجھ سے بہار گلشن ہستی کا رنگ و آب​

خلد بریں کی بلبل شیریں نوا بھی تو​

​

آیا تجھی سے فہم و فراست میں انقلاب​

معمار قصر حکمت فکر رسا بھی تو​

​

تیرے نثار ہے مرا فیضان یارسول﴿2﴾​

ڈھولا بھی میرا تو ہے میرا ماہیا بھی تو​

​

اللھم صلی علی محمد وآلہ​

​

(سید شاکر القادری)​