السلام و علیکم!
طویل عرصہ بعد محفل میں حاضری لگانے کا موقع میسر آیا ہے، تو ایک ادنی کوشش ہماری جانب سے بھی حاضر ہے۔
طویل عرصہ بعد محفل میں حاضری لگانے کا موقع میسر آیا ہے، تو ایک ادنی کوشش ہماری جانب سے بھی حاضر ہے۔
مری نظر سے ترا انتظار اترے گا
کبھی تو تیری وفا کا غبار اترے گا
جنوں جو مجھ پہ مسلط ہے بحر ِ الفت کا
بھنور میں یا تو سمندر کے پار اترے گا
میں بے یقین کھڑا تھاکہا محبت نے
دعا کو ہاتھ اٹھا، اعتبار اترے گا
محبتوں کا جو پہرا کبھی اٹھا دل سے
تو اس کے بعد غموں کا حصار اترے گا
وہ شخص جسمیں تغیر ہے موسموں جیسا
کبھی تو مجھ پہ وہ بن کر بہار اترے گا
یہ کہہ رہا ہے سمندر وفا کا احسن سے
ابھر نہ پائے گا جو ایک بار اترے گا
