محمود احمد غزنوی — اپریل 10، 2011 6:53 صبح
مسافر بھول مت جانا
کبھی ایسا بھی ہوتا ہے
بہت لمبی مسافت میں
تھکن سے چُور راہی کو
پڑاؤ روک لیتے ہیں۔۔۔۔۔۔۔۔۔۔
کسی دریا کے دھارے کو
کنارے روک لیتے ہیں۔۔۔۔۔۔۔
پہاڑوں کی بلندی سے۔۔۔۔
زمیں کی گود میں جاتے ہوئے
جھرنوں کے نغموں کو۔۔۔۔۔
کئی رم جھم سے راگوں کو
بڑی خاموش باتوں کو۔۔۔۔۔۔۔
زمیں کی گود میں پنہاں سہارے
ٹوک دیتے ہیں۔۔۔۔۔۔۔۔۔۔۔۔۔۔۔۔۔
سفر کو روک دیتے ہیں
کبھی ایسا بھی ہوتا ہے
کہ جیون دھوپ چھاؤں میں
کسی راہی کی راہوں میں
کچھ ایسے جھوک ہوتے ہیں
جو خوشبو کے جزیروں مِں۔
ہوا کو روک لیتے ہیں۔۔۔۔۔۔۔۔۔۔
کبھی ایسا بھی ہوتا ہے
کہ مدت کے تھکے ماندے
غبار آلود راہی کو۔۔۔۔۔۔۔۔۔۔۔۔۔
کچھ ایسے لوگ ملتے ہیں
بڑے فنکار ہوتے ہیں۔۔۔۔۔۔۔۔۔۔
مجسمہ ساز ہوتے ہیں۔۔۔۔
مصور کی طرح آکر۔۔۔۔۔۔۔۔۔۔
مسافر کی مسافت کو۔۔۔۔
کسی تصویر کی صورت۔۔۔
کئی رنگوں لکیروں میں۔۔۔۔
سمو کر باندھ لیتے ہیں۔۔۔۔
مسافر بھول جاتا ہے۔۔۔۔۔۔
اُسے کس دیس جانا تھا
مسافر بھول مت جانا۔۔۔۔
سفر ہی زندگانی ہے۔۔۔۔
کہ دریاؤں کی قسمت میں
روانی ہی روانی ہے۔۔۔۔۔۔
مسافر بھول مت جانا۔۔۔
تمہیں کس دیس جانا ہے
محمد خلیل الرحمٰن — اپریل 10، 2011 1:56 شام
خوبصورت نظم۔کیا بات ہے۔( کیا ہم اردو میں اس استعجابی لہجے میں کہے ہوئے تعریفی جملے کا استعمال کرسکتے ہیں؟(
محمود احمد غزنوی — اپریل 10، 2011 4:33 شام
بہت شکریہ خزینہ جی۔۔۔۔
آصف شفیع — اپریل 12، 2011 10:59 صبح
بہت خوب۔ اچھی نظم ہے۔ مبارک ہو۔
محمود احمد غزنوی — اپریل 12، 2011 4:37 شام
شکریہ آصف صاحب۔۔۔ذرہ نوازی ہے آپکی۔
الف عین — اپریل 17، 2011 7:01 شام
اچھی نظم ہے غزنوی۔ بس ذرا ’مجسمہ‘ کا تلفظ غلط نظم ہوا ہے۔ درست مجسِّمہ ہے، بر وزن مفاعلن ہے
زبیر مرزا — جنوری 9، 2013 12:46 شام
زبردست
محمود احمد غزنوی بھائی
التباس نایاب باباجی نیرنگ خیال
لیں جی میں نے محمود بھائی کی ایک منفرد اور خوبصورت نظم تو تلاش کرلی
محمداحمد — جنوری 9، 2013 12:51 شام
واہ یہ نظم بہت ہی خوب ہے۔
ایک بار پھر ہماری طرف سے داد قبول کیجے۔
فلک شیر — جنوری 9، 2013 1:19 شام
مسافر بھول جاتا ہے۔۔۔ ۔۔۔
اُسے کس دیس جانا تھا
سبحان اللہ ......بہت عمدہ محمود احمد غزنوی صاحب.........
یہ اور اس سے ملحق دوسری سطور پڑھ کے مجھے شو کمار بٹالوی کی یہ لازوال لائنیں بھی ذہن میں آ گئیں
ایہہ جاندیاں ، کجھ شوخ جیہے
رنگا ں دا ہی ناں تصویراں ہے
جد ہٹّ گئے اسیں عشقے دی
مُل کر بیٹھے تصویراں دا
زبیر مرزا بھائی ، بہت شکریہ
شیزان — جنوری 9، 2013 1:21 شام
زبردست محمود بھائی
نیرنگ خیال — جنوری 9، 2013 2:48 شام
واہ
محمود احمد غزنوی بھائی۔ بہت عمدہ شاعری ہے۔ بہت ہی خوب۔ بہت سی داد
زبیر مرزا بھائی کیا زبردست کام کر رہے ہیں آپ۔ بہت ہی خوب
واہ یہ نظم بہت ہی خوب ہے۔
ایک بار پھر ہماری طرف سے داد قبول کیجے۔
پہلی داد نادیدہ تھی کیا
نایاب — جنوری 9، 2013 2:59 شام
کلاسیک ۔۔۔۔۔۔۔۔۔۔۔۔۔۔۔۔
بہت اعلی نظم ۔۔۔۔۔۔۔
محترم غزنوی بھائی کی شخصیت کا یہ گوشہ تو اب تک اوجھل تھا ۔
بہت شکریہ زبیر مرزا بھائی
باباجی — جنوری 10، 2013 11:27 صبح
واہ بہت ہی خوب جناب
لاجواب
مسافر بھول مت جانا۔۔۔ ۔
سفر ہی زندگانی ہے۔۔۔ ۔
کہ دریاؤں کی قسمت میں
روانی ہی روانی ہے۔۔۔ ۔۔۔
امر شہزاد — جنوری 12، 2013 7:11 شام
مسافر بھول مت جانا۔۔۔ ۔
سفر ہی زندگانی ہے۔۔۔ ۔
کہ دریاؤں کی قسمت میں
روانی ہی روانی ہے۔۔۔ ۔۔۔
مسافر بھول مت جانا۔۔۔
تمہیں کس دیس جانا ہے
اتنی عمدہ نظم!
سبحان اللہ
محمداحمد — جنوری 12، 2013 7:17 شام
مسافر بھول مت جانا۔۔۔ ۔
سفر ہی زندگانی ہے۔۔۔ ۔
کہ دریاؤں کی قسمت میں
روانی ہی روانی ہے۔۔۔ ۔۔۔
مسافر بھول مت جانا۔۔۔
تمہیں کس دیس جانا ہے
اتنی عمدہ نظم!
سبحان اللہ
امر شہزاد بھائی
السلام علیکم،
کیسے ہیں محترم۔۔۔!
یہ خاکسار آپ کو اکثر یاد کرتا ہے۔ کہاں رہے آپ اتنے دنوں؟