یہ بات میرے علم میں اضافہ کا سبب بنی ہے کہ کسی ایک زبان سے شاعری کا ترجمہ کرتے وقت اس کی "صنف اور ہیت" کو بھی دوسری زبان میں منتقل کرنا ہوگا ۔ ۔ ۔ ۔ اور اگر ایسا نہ کیا جا سکے تو منظوم ترجمہ کی ضرورت ہی نہیں رہتی ۔ ۔ ۔
حالانکہ میرا خیال یہی تھا کہ ترجمہ کے ذریعہ ایک زبان کے فکر و فلسفہ اور معانی و مفاہیم کو دوسری زبان میں منتقل کرنا ہوتا ہے
رباعیات کےبہت سے ایسے تراجم میری نظر میں ہیں جن میں صنف، ہیت اور بحر کی پابندی نہیں کی گئی لیکن فارسی کی شعریت، فلسفہ، فکر اور مفاہیم کو بھر پور انداز میں دوسری زبان میں منتقل کر دیا گیا ہے ۔ ۔ ۔ جن میں سے سر دست مجھے محشر نقوی اور سید عبدالحمید عدم کے علاوہ میرا جی کے نام یاد آرہے ہیں ان تینوں صاحبان نے نہ صرف فکر خیام کو اردو کے قالب میں خوبی سے ڈھالا ہے بلکہ ان کے ہر ہر مصرعہ سے رنگِ خیام بھی ٹپکتا ہے
آپ کا خیال اپنی جگہ درست ہوگا محترم، لیکن مجھے بھی ایسے کئی نام یاد آئے ہیں جنہوں نے مثنوی کا منظوم ترجمہ مثنوی ہی میں کیا ہے اور غزل کا منظوم ترجمہ غزل میں اور رباعی کا رباعی میں۔ اور اس میں کیا مضائقہ ہے کہ اگر فارسی کی شعریت، فلسفہ، فکر اور مفاہیم کے ساتھ ساتھ صنف، ہیت، اور بحر کی پابندی بھی منطوم ترجمے میں کی جائے اور مترجم کرتے ہیں بالخصوص فارسی شاعری کا ترجمہ کرتے ہوئے، مثلاً
رباعیِ غالب
غالب آزادۂ موحد کیشم
بر پاکی خویشتن گواہِ خویشم
گفتی بہ سخن برفتگاں کس نرسد
از باز پسیں نکتہ گزاراں پیشم
منظوم ترجمہ صبا اکبر آبادی
غالب آزاد ہوں، موحد ہوں میں
ہاں پاک دلی کا اپنی شاہد ہوں میں
کہتے ہیں کہ سب کہہ گئے پچھلے شعرا
اب طرزِ سخن کا اپنی موجد ہوں میں
اور مجھے یہی طریقہ پسند ہے، اور اسکا اظہار بھی اس وجہ سے کیا تھا کہ خلیل صاحب نے پوچھا تھا۔
