مِرا ُدشمن مِرا سایہ ہوا ہے۔۔۔۔۔۔۔۔۔۔۔۔۔ش زاد

ش زاد — جولائی 31، 2010 10:24 شام

مِرا دئشمن مِرا سایہ ہوا ہے
مُجھے اک بار پھر دھوکہ ہوا ہے
میں اب خود کو ہی تنہا چھوڑ دوں گا
یہی بدلا ہے جو سوچا ہوا ہے
جو قطرہ اشک تھا دریا ہوا ہے
جو دریا ہے وہ اب بہتا ہوا ہے
یہ آنکھیں اب بھی کس کی مُنتظرہیں
بدن تو دار پر لٹکا ہوا ہے
مجھے آئینہ تکتے یاد آیا
یہ چہرہ پہلے بھی دیکھا ہوا ہے
بدن جھلسا ہوا تو دیکھتے تھے
مگر سایہ بھی اب جھلسا ہوا ہے
ش زاد

الف عین — اگست 1، 2010 5:20 صبح

اچھی غزل ہے، شاید پسندیہ بحر یہی ہے ش زاد کی!!
نہ جانے کیوں ’سایہ‘ کو ’سائہ‘ لکھا گیا ہے؟

فاتح — اگست 1، 2010 7:59 صبح

واہ! خوبصورت غزل ہے۔ مبارک باد قبول کیجیے۔

فرخ منظور — اگست 1، 2010 8:46 صبح

اچھی غزل ہے۔ داد قبول کیجیے۔

مغزل — اگست 1، 2010 9:54 صبح

خوش رہیں شہزاد عنایت ، مگر معافی چاہتا ہوں یہ غزل برائےغزل ہی ہے ۔ دگر نہیں کچھ ۔

محمد وارث — اگست 1، 2010 4:22 شام

مجھے آئینہ تکتے یاد آیا
یہ چہرہ پہلے بھی دیکھا ہوا ہے
واہ۔ لاجواب

ش زاد — اگست 2، 2010 5:38 شام

الف عین نے کہا:
اچھی غزل ہے، شاید پسندیہ بحر یہی ہے ش زاد کی!!
نہ جانے کیوں ’سایہ‘ کو ’سائہ‘ لکھا گیا ہے؟

بہت شکریہ حضور
غلطی سے ہوا تھا درست کر دیا ہے

ش زاد — اگست 2، 2010 5:39 شام

نوازش حضور

ش زاد — اگست 2، 2010 5:40 شام

آداب عرض ہے

ش زاد — اگست 2، 2010 5:41 شام

سال بھر کا جمود تو ٹوٹا حضرت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔